2 Timoteo
Chi k'aadeapema k'art'a Pablopa Timoteo pae bɨda
Pablopa mãɨ ɨ̃aripema k'art'a Timoteo pae bɨside mãicha jɨ̃a nɨbɨpataɨ tede basima. Tachia k'ɨ̃risia p'anɨma ãyo 67de nãɨ k'art'a bɨsit'a. Ichi jɨ̃a nɨbɨpataɨ tedepa wãiwẽ jĩra k'ɨ̃risia basi pẽra nãɨ k'art'a bɨsima Timoteoa ichi isapea ak'ɨde chemẽrá (4:6-13; 4:21).
Pablopa naa bɨsima Timoteo k'orea Tachi Ak'õrea ewaricha sõpia bɨade apachit'a (1:1-7). Mãɨ ɨ̃ari bɨsima Timoteo p'eraiwẽa bɨ Jesucristo k'orea wa ichi eda serra bɨ k'orea (1:8-18). Mãɨ ɨ̃ari bɨsima Jesucristode ĩjãa bɨdepa chaarea bamẽrá mãɨnepa ne ãareaɨne Tachi Ak'õre pae pia bamẽrá (2:1-26). Mãɨ ɨ̃ari bɨsima k'aadeapema ewaride k'achia baimina Timoteopa Tachi Ak'õre pedea jĩp'a jaratea bai bɨt'a (3:1—4:5). Mãɨ ɨ̃ari bɨsima chi romanepema nepɨra ak'ɨparí k'ĩrari bai k'orea, mãɨnepa jarasima Timoteo isapea chemẽrá (4:6-22).
Chi k'art'adepema k'ɨ̃risia aba pia bɨt'a nãɨpɨ: «Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base». (\xt 2 Timoteo 4:2).