1 Timoteo
Chi naapema k'art'a Pablopa Timoteo pae bɨda
Pablopa nãɨ k'art'a Timoteo pae bɨsima. Timoteo Listra p'uurudepema pasima. Pablo naa mãɨ p'uurudea wãna k'orea bɨ bɨma Hecho 14:6-23de. Pablopa Timoteo ichi ome jarateade wãmẽrá ateewãna k'orea bɨ bɨma Hecho 16:1-3de. Ãchi umeepa chi Jesú k'orea pedea pia chok'ará p'uuru bede jarateasidama.
Pablo Roma p'uurude eda jɨ̃a nɨbada k'ẽet'aasidama ãyo 62de. Maapae jĩitea Ép'eso p'uurudea wãsima. Mãma Timoteo ameesima ũpẽarã nepɨra pará berã k'aripamẽrá. Maapae Macedonia tuadea wãsima. Nãɨ naapema k'art'a mãmãɨpa tea peesima Timoteoa k'ɨ̃risia pia ũraai k'orea.
Ep'esode waapẽarãpa chõarãenapema k'ɨ̃risia awaraɨt'a jaratea p'anasidama. Maamina Pablopa bɨsima pedea pia Cristo k'orea ĩjãa p'anɨneepuru tachi nemietaadepema k'aripait'a (1:1-20). Mãɨ ɨ̃ari bɨsima sãmaasã́ ũpẽarãpa Tachi Ak'õrea ɨt'aa chiididai p'anɨt'a (2:1-8), ũpẽawẽrarã sãmaasã́ p'ananai p'anɨt'a (2:9-15) mãɨnepa ũpẽarã minachia berã sãmaasã́ p'ananai p'anɨt'a (3:1-16). Capítulo 4de Pablopa bɨsima sea jarateapataɨrã k'orea mãɨnepa sãmaasã́ Jesucristo pae pari mimiaparí nipai bɨ k'orea. Mãɨ ɨ̃ari bɨsima chi chõa minachia k'awa bɨpa sãmaasã́ chi ũpẽarã ak'ɨi bɨt'a (5:1—6:2). K'aadea bɨsima Cristode ĩjãa bɨpa sea itu bɨk'ari chi piarãpema pedea ĩjãai bɨt'a. Mãɨ awara bɨsima erreara chi awaawẽa bai bɨ k'orea mãɨpari nepia oo bai bɨt'a pajãne nepia uru bai k'orea (6:3-21).