Colosa
K'art'a Pablopa bɨda ũpẽarã Colosa p'uurudepema pae
Tachia k'ɨ̃risia p'anɨma ãyo 60de Pablo eda jɨ̃a nɨbaside Roma p'uurude, nãɨ k'art'a bɨsit'a. Pablopa k'art'a P'ilemón pae tea peeside, nãɨ k'art'a sida tea peesima, ũpẽarã Colosade berãpa mãɨnepa Laodiceade berã pida eda jaradamẽrá (4:16).
Pablo Colosadea wãk'a pasima (2:1). Epap'rapa naena Jesú k'orea pedea pia jarade wãsima (1:5-7). Ũpẽarã Colosade, Laodiceade, Hierapolide berã́ jaratea bapachima (4:12-13). Mãɨrã p'uuru abarik'a tua abaɨde p'anasidama.
Epap'ra baside waapẽarãpa k'ɨ̃risia ãyá k'ɨ̃risia para p'aneesidama. Waapẽarãpa Tachi Ak'õrea pia pedeadai k'aepẽra Tachi Ak'õrepa ɨt'aripa peedaɨrã́ pia pedeapachidama. Waapẽarãpa jarapachidama abaɨpa ãchia jarateapataɨ ĩjãaipɨra nemietá oowẽa bai. Mãɨ k'orea Epap'rapa Pabloa jarade wãsima. Pablopa nãɨ k'art'a bɨsima ũpẽarã́ sea ĩjãapidaemaapa mãɨnepa Jesucristo chi atepe bɨ k'awadamẽrá (1:15-23; 2:6-23). Mãɨ awara Pablopa nãɨ k'art'ade bɨsima ũpẽarã k'aripai k'orea (1:24—2:5). Mãɨ ɨ̃ari bɨsima ũpẽarã sãmaasã́ nipadai p'anɨt'a (3:1—4:6). Ũpẽarã pae k'aadea bɨda 4:7-18de bɨma.