P'ilipense
K'art'a Pablopa bɨda ũpẽarã P'ilipo p'uurudepemarã pae
Ãyo 61ne Pablo Roma p'uurude eda jɨ̃a nɨbaside nãɨ k'art'a bɨsima. (Hecho 28:16-31, P'ilipense 1:13de).
Hecho 16:6-40de bɨ bɨma Pablo naa P'ilipo p'uurudea wãna k'orea. Mãɨ p'uuru k'ait'a p'anɨne, Pablopa chi eda wẽrarã unuk'ari Jesucristo k'orea jarateasima. Wẽra Lidia apataɨpa naa ĩjãasima. Ichi tede Pablo mãɨnepa ichi ome nipada mãma p'aneesidama. Ũpẽarã ara mãɨ tede chi ará p'anapachidama.
Pablo eda jɨ̃a nɨbaside ũpẽarã P'ilipo p'uurudepemarãpa ichiá erreara tea peesidama. Ãchia teadada ũpẽa Epap'roditopa ateesima. Pablopa nãɨ k'art'a bɨsima ãchiá pia bɨade ai k'orea. Naa Tachi Ak'õrea pia pedeasima (1:1-11). Mãɨ ɨ̃ari ãchiá nepɨrɨsima ichi sãmaasã́ bɨ k'orea. Pablopa k'ɨ̃risia basima tãaraawẽa bɨde eda jɨ̃a nɨbadadepema wãit'a (1:12-26). Mãɨ ɨ̃ari bɨsima Cristo jĩra nipadamẽrá (1:27—2:18). Mãɨ ɨ̃ari bɨsima Epap'rodito isapea jĩitea peeit'a mãɨnepa Timoteo peeit'a Tachi Ak'õre pedea jarateamẽrá (2:19-30). Mãɨ ɨ̃ari bɨsima piawẽa jarateapataɨrã k'orea jĩrak'aua p'ananamẽrá (3:1—4:1). Pablopa k'aadea bɨda 4:2-23de bɨ bɨma.