1 Tesalonicense
Chi naapema k'art'a Pablopa bɨda ũpẽarã Tesalónica p'uurudepema pae
Pablo Tesalónica p'uurudea naa wãna k'orea bɨ bɨma Hecho 17:1-10de. Tesalonicadepa Berea p'uurudea wãk'ari, maapae mãmãɨpa Atena p'uurudea wãsima. Mãma bɨde Timoteo jĩitea Tesalonicadea peesima. Mãɨne Pablo Corinto p'uurudea wãsima. Tesalonicadepa Timoteo Silvano ome Pablomá wãsidama. Ũpẽarã Tesalonicadepemarã k'orea nepɨrɨdada pẽra Pablopa chi naapema k'art'a ũpẽarã Tesalonicadepemarã pae bɨsima. Ãyo 51ne Corinto p'uurudepa tea peesima.
Mãɨ naapema k'art'ade Pablopa ũpẽarã k'orea Tachi Ak'õrea pia pedeasima (1:1-10de). Mãɨ ɨ̃ari k'ɨ̃risiapisima ãchi t'ãena pia nipada k'orea (2:1-16de). Mãɨ ɨ̃ari bɨsima ãchi k'orea k'ɨ̃risia bɨ pẽra ak'ɨde wã k'ɨ̃ria bɨt'a. (2:17—3:5). Mãɨ ɨ̃ari, Timoteopa ãchi k'orea pia jarada bɨsima (3:6-13de). Mãɨ ɨ̃ari bɨsima sãmaasã́ ũpẽarã p'ananai p'anɨt'a (4:1-12de). Mãɨ ɨ̃ari bɨsima Cristo chei k'orea (4:13—5:11). Chi k'art'a jõma bɨi naena, Pablopa ũpẽarã ũraana 5:12-28de bɨma.