Romano
K'art'a Pablopa bɨda ũpẽarã Romanepemarã pae
Ãyo 56de Pablopa nãɨ k'art'a ũpẽarã Roma p'uurudepemarã pae bɨsima. Roma p'uurudea wãwẽa bada pẽra k'art'a bɨsima ichi k'orea k'awadamẽrá. K'ɨ̃risia p'anɨma Jerusalenea wãi naena Corinto p'uurudepa tea peesit'a. (Hecho 20:1-3).
Roma p'uurude ũpẽarã judiorã mãɨnepa judiorãwẽt'a p'anasima. Judiorãpa Moisepa bɨdade ĩjãa p'anapachidama maamina judiorãwẽpa mãɨne ĩjãanak'a pasima. Mãɨpuru Pablopa nãɨ k'ɨ̃risia pia bɨt'a 1:16-17de bɨsima: «Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida. Mãɨ pedea piadepa Tachi Ak'õrepa k'awapi bɨma ara ichit'u jĩp'a bɨt'a tachi k'aripai k'orea».
Pablopa naa bɨsima judiorãpa mãɨnepa judiorãwẽ pida nemietá oopataɨ k'orea Tachi Ak'õrepa ãchi nepɨra ak'ɨit'a. (1:18—3:20). Mãɨ ɨ̃ari bɨsima Tachi Ak'õrepa ichi sõpiadepa Jesucristode ĩjãapataɨrã chi ichidirã jĩp'a berã paara bɨi k'orea (3:21—5:21). Mãɨ ɨ̃ari bɨsima Tachi Ak'õrepa Jesucristode ĩjãa be ichi Jaoredepa ara ichi pae pia bɨpariit'a (6:1—8:39). Mãɨ ɨ̃ari bɨsima chok'ará judiorãpa Jesucristode ĩjãanawẽa p'anɨmina ewariaba ĩjãanait'a (9:1—11:36). Mãɨ ɨ̃ari bɨsima sãmaasã́ tachi jĩp'a nipadai p'anɨt'a (12:1—15:13). K'aadea bɨsima España tuadea wãi naena ũpẽarã Romanepema ak'ɨde wã k'ɨ̃ria bɨt'a (15:14-28). Pablopa k'aadea bɨda 16:1-27de bɨma.