Yunus 4

JOU nhukum pana kyaté-kyat Niniwe se Yunusé ncawané

Yunus ta délé mgo wlo pa se ncawané, sebabta JOU nfasólé kyaté-kyaté Niniwe né pa. 2 Pocé Yunus nméitén ndé JOU, néceg faje, “Jou, ya kuné Awé nase mfasólé kyaté-kyat Niniwe né pa. Ya re kuné ta néi né, yai po niké pnuwé lo lesu. Nece ta mulo ya kówés lów po Tarsis, sebabta ya kuné Awé mmésié re gogoru kyaté. Awé ma méméncawan pa, re Awé mmésié kyaté né reni téptébnom pa sogado bo mfasólé kyaté né ma ndadi i pana. 3 Se nte, Jou myó keé ya, sabata ta fié né kmót ya.”

4 Mayta Jou néceg faje, “Mpe sói se awé msawané? [Ndél pa msawané.]”

5 Pocé bóngo Yunusé ncópén i nfatopé keé kota njé, se ntolén i po faspal ngénngané ncóo. Pocé i nfakéwelo umé myaku isó bóngo neungén i pocé. Pocé i néftón sói le ta nase ndadi i po kota Niniwe.

6 Pocé Jou Lahatala nfatub ay aysó ta i nfaliwo keé Yunusé ni béboké njé bo nfaméungno i. Se Yunus ta ni wlo nkangelang cuci, nte nbósémé né ta délé fié, sababta i wlo ncuka ay ta nfameungno i. 7 Ni tómémóné ncémé, Jou Lahatala npo kékaléy isó nkot ayé njé wówo, sogado ni wlu né mlayé. 8 Pocé bóngo ngénngané ncó néya, ga Jou Lahatala nfawóm moré timél isó nfadéréro re ngénngané mfónésé. Se ngénngané ni mfónésé njé mgó Yunusé ni béboké njé npisé né dolo bo wlo njé myangésé. Pocé Yunusé nécegé, “Ta fié né kmót ya ro[, ya wleg pa bo kawanéi].”

9 Bóngo Jou Lahatala nécego i fajé, “Mpe sói se wlemé njé nkangelangé masolo ay aysó ni wlu mlayé? [Necé fatuwo]?”

Bóngo ncónglo i, “Iya, ta fié ksawané sogado kmóté.”

10 Pocé Jou Lahatala nécego Yunusé, “Ay aysó njé ntub maduga dorém ésó, se ni tómémóné né némlayé i. Awé mfatub ayé njé pa, awé ma mgawéné i pa sogado npélóyé, mayta aw ta délé mmésié i né. 11 Fajé nóté Ya. Ya kmésié kyat ta po Niniwe, kota ta pélóyé njé ni. Ntéli reni kyat calén witéncó re yóféluwé [re gle??]. Kyat ta si pocé né runé pafule pua ta fié re pua ta sólé. Si riri haiwané né ma félé tuwé.”