Yakobusé
Kyat ta nlefo kitabé njé: Yakobusé ni kitabé njé, surat isó ta Yakobusé nlefo (Yakobusé 1:1). Yakobusé njé isó po kyat ta rkawasa po jemaat ta po kota Yerusalemé né (Ya nik méitén po sini né, fanfaje: Habar ta Fié 15:13, 21:18; Gal. 2:9), re i ma Yesusé ni fténo i (Mat. 13:55; Gal. 1:19).
Kitabé njé i po kyat pai ni: Yakobusé nlefo ni kitabé njé, ni glio né, “Kyaté-kyat Israel yófésó re séluwé ta re rdélé Jou Yesusé né, si po géwgów nésé ta réléy si né” (Yak. 1:1). Mayta kyaté-kyat ta rdélé Jou Yesus pa né, rfan si se rfatoléné keé riri géwgów ta po bótén Israelé né. Mayta kyat iglé ta rdélé Jou Yesus pa né, rfakangelangé keé si sogado rówés si. (Yok. 8:1)
Dodoto ta po kitabé njé ni wlólo né: Yakobusé nlefo suraté njé né, bo n'gali kyaté-kyat ta rdélé Jou né bo masike rduk kangelang sói le ma, rdélé Jou le. (Yak. 1:2-18, 5:7-11) I ma nané kyaté né rlongé be Jou ni méiténé né, mayta mare rdéréré ndimé ta I nané si né (Yak. 1:19-27, 2:14-26), ndél pa rfaméymóy kyaté (Yak. 2:1-13), mare rméitén fafié po kyaté, re mati récegé méitén ta mgo kyat na, re ma rfakangelangé kyaté wlólo na (Yak. 3:1-18, 4:11-17). I ma nané kyat ta reriri reróri pa né, rméiténé rdé Jou nóté (Yak. 5:1 ...