Titus
Surat ta Paulusé
nfanaté po Titus
Kitabé njé ni fénfané
Kyat ta nlefo kitabé njé: Kitabé Titusé njé, surat isó ta Paulusé nlefo. Waktu ta Paulusé nlefo suraté nje né, Titusé i po wéf Kreta. Se Paulusé nané i ntolén pocé bo nfaménawé jemaat ta po wéf Kreta né ( Titusé 1:5, 2:15). Fémnawé nóté, méitén “Paulusé” ta po kamasié wlólo né.
Paulusé nlefo kitabé njé po pai ni: Kitabé Titusé njé rlefo po Titus ni. Titusé njé kyat isó ta agama Yahudi i pa (Ga. 2:3), mayta i re ndélé Yesus Kristusé. I ta njé i ta nan'gali Paulus po waktu ta i nfané né nafétén Habar ta Fié yama Yesus Kristus ni né. (2Kor. 8:23; Gal. 2:1-5). Paulusé tadélé ndélé Titusé bo nfaméteglo masala ta mare ndadi i né. (2Kor. 7:6, 13-14, 8:6, 15-16, 23, 12:18).
Dodoto ta po kitabé wlólo né: Dodoto ta Paulusé nlefo po kitabé njé ni wlólo né, Paulusé nlefo bo Titusé nfaménawé kyaté-kyat ta rdélé Jou ta rtolén po wéf Kreta né fafié, (Titusé i ni yabé né nwóm pafule, se mare Titusé nfawóré ndimé. Paulusé nané Titusé nfaftulo kyat tut ta bo rdadi kyat tut po jemaaté wlólo né, bo rpe be sói néli ta fié re métegélé né. ( Titusé i ni yabé né, bo nfasodoto món re mépin ta re rlégaé, re móné mya nóté, re kyat yabé ta re rpangéné se rbóng ta rdélé Jou fié né, bo si ma runé férimé ta mé ...