Lɔga Alinɛnɛa Yonas ko Tumu
"Tumuye,
hunaa wa kihi chɔllawɔ,
anna kelienyo
na shigonyo na yagaganyo lɔgɔ
bhɛa chɔɔ karɛyi wuy logɔ tugɔ.
3 Na ujugaganyo bhɛa bo hɔra
na kɛtɛwa surr yirisiyɔ toye
bhɛa uturonɛa ma na ma toya bhɔ.
4 Na hɛ ko a nakègendɛa dhul.
Nɔ dha ale kori doraa nunu barara sɛgɛn.
5 Na gɔytany ma na ngani ngakoronyo.
Na chɛbtany dagalinyaa ɛla yirisiyɔ dhis dhis.
6 Na kɔgɔyɛu surr kutulɔ sugumɔ
bhɛa kɔbɔnga ngakobhonsanɛawo dhul.
Na nɔ Komoruya nanu Tumu
inye obhonisionyɔ logɔ tugɔ na kabawa.
7 Na hunaa ketewa rɛsiye,
kagadhainyɔ inye na kogolinyɔ.
Na lɔga ganyu ago surr doraa nunu barara
na shigonyo.
8 Zukte ibhɛ aha gena ke barariye
dha dhɔttɛ chaldina nunu bo challa seni aynɛ.
9 Nɔ anye keterisaniny inye na kudulaginy go
na kurugɛsɛn lɔga bɔɔ kibhiiko ko inye.
Hira ibaysi zugo
ani ꞉inyo sɔng."
10 Na nɔ tumu aynɛ urgusi lɔgɔ na koo taharɛsɛ Yonas yirisi tugɔ bhɛa dhɔrɔgɔsa.