Öbhösëngëri ubhwa Mërikizëdëki
7
Mërikizëdëki uyö,
no-mokama uwa Sarëëmu yaarë,
kora m-mösëngëri uwa Waryobha ono arëngë ighörö iyö.
Mërikizëdëki,
yaasikaini na Ibhurahimu enkaagha eno Ibhurahimu yaarwanga mu-riihë.
Ibhurahimu waanyöörrë aitaini na abhakama abhane abhakërrë,
Mërikizëdëki akamongʼoora.a
2 Mbe,
Ibhurahimu akahaana Mërikizëdëki ikitweno ikya ikömi,
ikya ëbhëntö bheno yaanyöörrë mu-riihë.
Mbe,
ensonga iya mbere iya iriina Mërikizëdëki ni-igha,
“Omokama uwa heene,”
ghwiki arabherekerwa igha,
“Omokama uwa Sarëëmu,”
ensonga iyaaryo ni-igha,
“Omokama uwa omorembe.”
3 Nkomaahekana ërë igha,
abhaibhöri abha Mërikizëdëki,
tebhamanyekaini hë.
Kora eka iyaaye yonswe temanyekaini hë.
Esemoko iya ukwebhorwa ukwaye na ukukwa ukwaye tebhemanyekaini hë.
Uyö m-mösëngëri amakora na amakora kya Omoona uwa Waryobha.
4 Mbe,
momaahe igha,
Mërikizëdëki uyö,
m-möntö omonene yaarë.
Ngambirë igho,
ko bhoora ömökörö uwëëtö omonene Ibhurahimu,
yaamohaayë ikitweno ikya ikömi ikya ëbhëntö ibhyaye bheno yaanyöörrë mu-riihë.
5 Amaraghërryö nkoghamba gharë igha,
Abharaawi bhano bhakobha abhasëngëri,
nkohaanwa bharë ikitweno ikya ikömi ukurwa mo-Bhaisiraëri bharikyabho,
nokaanyoora bhonswe igho bhayö nu-rwebhoro urwa Ibhurahimu.b
6 Nokaanyoora Mërikizëdëki te-mwebhorwa uwa Abharaawi yaarë hë,
kasi yaahaaywë ikitweno ikya ikömi ukurwa ku-Ibhurahimu.
Mërikizëdëki akangʼoora Ibhurahimu ono Waryobha yaaraghaini okongʼoora.
7 M-maheene igha,
omonene we akongʼoora omoke.
8 Abhasëngëri Abharaawi bhano bhakohaanwa ikitweno ikya ikömi,
mbaakwanga,
kasi Mërikizëdëki ono Ibhurahimu yaahaayë ikitweno ikya ikömi,
nkoghambwa arë igha m-möhöru.
9 Ku bhuyö nkotora törë okoghamba igha,
kora Raawi ono abhantö abha eka iyaaye bhakohaanwa ikitweno ikya ikömi,
wonswe yaaruusiri ikitweno ikya ikömi okohetera ku-Ibhurahimu.
10 Ko bhoora hano Ibhurahimu yaasikaini na Mërikizëdëki,
waanyöörrë Raawi mu-sinyonga isya Ibhurahimu yaarenga akërë.
Öbhösëngëri ubhwa Yëësu Kiristo n-kya ubhwa Mërikizëdëki
11 Mbe,
Abhaisiraëri mbaahaywë amaraghërryö agha Mosa okohetera kö-bhösëngëri ubhwa Abharaawi.
Singa öbhösëngëri ubhwa Abharaawi m-bohekeranu bhwaarë,
teghokaabhaayë-ho umweya ughwa öbhösëngëri öbhöndë obhohagharë,
bhono bhukutuubhana na ubhwa Mërikizëdëki,
kasi ti-kya ubhwa Haruuni hë.
12 Mbe,
hano okomaaha igha öbhösëngëri bhwasyöribhwa,
ni-igha amaraghërryö ghonswe,
ghasyöribhwi.
13 Ömöntö ono akushumaasherwa hano,
no-Monene uwëëtö Yëësu Kiristo.
Omonene uwëëtö uyö,
te-Moraawi yaarë hë.
Taaho ömöntö kora ömwë ukurwa mo-kabhira iya Omonene uwëëtö ono yaakörrë emeremo ighya öbhösëngëri.
14 Nemanyekaini igha,
we mmo-kabhira iya Yuuda yaarwërëëyë.
Mosa tiyaaghambirë engʼana yoyonswe igho ko-kabhira iyö,
ko amangʼana agha öbhösëngëri.
15 Amangʼana ghayö nkoghamba,
n-harabhu bhököngʼu igho gharë igha,
ömösëngëri uwöndë yaibhökirë,
ono anga kya Mërikizëdëki.
16 We të-mösëngëri ko okoghera iya amaraghërryö agha imighiro ghano ghakoghera arabha ömösëngëri ko okoghera iya ekesaku ikyaye,
kasi n-ko obhotoro ubhwaye ubhwa öbhöhöru bhono bhotakosareka röndë.
17 Amaandeko Amahörëëru gharaghamba igha,
“Uwe m-mösëngëri örë uwa amakora na amakora,
kya Mërikizëdëki.”c
18 Mbe,
Waryobha yaaruusya-ho umughiro ghoora ughwa kare,
ko bhoora m-mötëntëëru ghwaarë,
kora teghwaarë na ubhwera bhwobhwonswe bhoora hë.
19 Umughiro ghuyö,
teghwarenga na obhotoro ubhwa okohekerania amangʼana,
kasi bhoono Waryobha yatohaana ubhweseghe bhono bhörëngë ubhuuya bhököngʼu bhono bhukutuhikya haangʼë nawe.
20-21 Hano Abharaawi bhaatoorwanga kö-bhösëngëri,
Waryobha tiyabhatyanëëyë kyokyonswe keera hë.
Kasi hano Waryobha yaatöörrë Yëësu kö-bhösëngëri,
yaatyanirë,
n-kya bhono Amaandeko Amahörëëru ghakoghamba igha,
“Omonene Waryobha yaamutyanëëyë igha,
tarisyörya amaitegherro aghaaye hë.
‘Uwe nu-uwe Ömösëngëri amakora ghonswe igho.’ ”d
22 Mbe,
ukutyana kuyö,
kwaaghërrë Yëësu Kiristo akabha umwimërërri uwa Imuumae iya ubhwera obhonene.
23 Enkaagha eera iya Imuuma iya Kare,
abhasëngëri m-baaru bhaarë ko okoghera iya ukukwa,
kono kwaagheranga bhakerwa ököghëndërrya na emeremo ighyabho.
24 Kasi Yëësu Kiristo,
we Ömösëngëri amakora ghonswe igho,
ko bhoora ho arë amakora ghonswe igho,
takukwa hë.
25 Mbe,
uyö we aköhönia abhantö makora ghonswe igho,
bhano bhakohetera ko-we ukughya ku-Waryobha,
ko bhoora ho arë sinsikö syonswe igho,
okore abhasabherenga.
26 Omonene uwa abhasëngëri kya uyö,
we akutunwa kö-bhëëtö,
ko bhoora m-möhörëëru,
taana isoro hë,
taana obhoghogho hë,
hare arë na ëbhëbhë,
yaainyökibhwa ukughya mu-ryobha.
27 Abhanene abha abhasëngëri,
mbaamwensanga ko okoghera iya ëbhëbhë ibhyabho,
hano bhaamaranga,
mbaamwensanga ko okoghera iya ëbhëbhë ibhya abhantö abhandë.
Ni-igho bhaakoranga hare kaaru,
kasi Yëësu Kiristo we n-kamwë igho yaairuusiri,
akabha ikimwenso ko okohanekwa ko-mosarabha ko okoghera iya ëbhëbhë ibhya abhantö bhonswe igho.
28 Amaraghërryö agha Mosa,
ghaatooranga abhantö okobha abhanene abha abhasëngëri,
nokaanyoora m-basarya bhaarenga.
Kasi hano ribhagha ritambë ryaahëtirë,
Waryobha yaatyanirë hano yaatöörrë-ho Omoona uwaaye abhe Ömösëngëri ono ataana risoro amakora ghonswe igho.