6
Mbe,
ku bhuyö ni-igha tutighe ukwikarra amëëghyö ghaara twaashumaashëëyë amangʼana agha Yëësu Kiristo ekembere,
kasi töghëndërri ukwegha,
tokambe tonaghe ku-mukumo.
Totakaaghooterrwa ghwiki na amëëghyö ghaara agha okohongora amangʼana amaghogho,
na agha umukumo ughwëtö ku-Waryobha.
2 Totakaakyorra amëëghyö agha obhobhatiisyo,
okosambekera amabhoko,
ukuryoka ukwa abhaku na okobhotorrwa ikiina ukwa amakora ghonswe igho.
3 Hano Waryobha araahanshe,
ni-igho toraaghëndërri ukukiina igho,
tonaghe ku-mukumo.
4 Mbe,
momanye igha,
n-këköngʼu ukukyörya abhantö bhano waanyoora bhaahaanwa obhorabhu,
kora bhakanyoora ituho iya mu-ryobha,
bhakakorwa okobha abhamwë na Umwika Ömöhörëëru.
5 Ghwiki abhantö bhayö,
bhaaighwa ubhuuya ubhwa engʼana iya Waryobha na obhotoro ubhwa enkaagha iyö ikuusha.
6 Abhantö bhayö hano bhaaghwa,
n-këköngʼu okobhakyörya bhahongore ghwiki ëbhëbhë ibhyabho.
Ko bhoora nkukyörya bharë Omoona uwa Waryobha ko-mosarabha kemoghoromoghoro igho,
bhamösöökya harabhu igho.
7 Rirobha reno rekoteerwa imbura hare kaaru,
nköhëësya rërë ibhyakorya bhëtöörya abharëmi,
Waryobha nkongʼoora arë rirobha riyö.
8 Kasi hano ryamërya amaanyamahwa na eketoha,
terekobha na ubhwera hë,
nkunyoora örë n-haangʼë rërë rihiimwe.
Umuhiko ughwako no-kosambwa.
9 Kasi abhaghonshe abhëëtö,
nokaanyoora igha nkoghamba törë kwa öbhöbhë,
kasi ntoona obhoheene igha,
moona amangʼana amaiya ghano mokokora,
ghano ghakwörökya igha,
mwatööribhwa.
10 Ko bhoora Waryobha wa heene,
taatore ukwebha emeremo ighyënyu gheno mwaakora,
na righonshe reno mwöörökya ko okoghera iya we,
ku ukutighinkanera abhahörëëru,
na kora bhoono nköghëndërrya mörë okobhatighinkanera.
11 Keno tukutuna ni-igha,
kera ömöntö mö-bhëënyu,
aghëndërri okobha na omotono ko mangʼana ghayö okohekera ku-muhiko,
okore muushe ukunyoora ghayö mukwitengʼera.
12 Motakaabha abhooro,
kasi momaahere ko bhano bhakumiri na ököghömërrya,
bhakanyoora umwandö ghono Waryobha yaabharaghaini.
Amaraghanio agha Waryobha n-ga heene
13 Mbe,
hano Waryobha yaaraghaini Ibhurahimu,
nu-mwene yaaityanirë,
ko bhoora taaho omonene uwa okomoheteera ono akaatyanirë.
14 Waryobha yaatyanëëyë Ibhurahimu igha,
“M-maheene nendaakongʼoore na urwebhoro urwaho nendaarwaruhi.”a
15 Mbe,
Ibhurahimu yaaghömërrëëyi igho,
akanyoora keera Waryobha yaamoraghaini.
16 Abhantö hano bhaatyana,
no-monene ono abhakërrë we bhakutyana,
na senkaani isya abhantö nu-kutyana kokosebhotora,
ukutyana kuyö nko kukwörökya igha,
ghayö akoghamba m-maheene.
17 Waryobha yaatyanirë okore ööröki abhantö harabhu igho bhano bharinyoora ghano yaaraghaini igha,
tareghagharanshora röndë hë.
18 Mbe,
maaha igha,
bheeho ëbhëntö bhibhërë bheno Waryobha yaakora,
okoraghania na ukutyana,
ku bhuyö tariisyörya ghwiki hë,
ko bhoora we te-morongo hë.
Bhoono bhëëtö bhano twamongʼosera-ko,
tobhe na obhokarë ubhwa ukwesegha amangʼana ghano ghakuusha.
19 Ntoona ubhweseghe mo-senkoro,
bhono bhonga kya insika,
eno ekoghooterra iryato retakaahirwa na rikama.
Ubhweseghe bhuyö nkoheta bhörë mwi-pazia bhosoha Ahasë Ahahörëëru aha Ahahörëërub aha mu-ryobha.
20 Yëësu Kiristo yaatangata akasoha ahasë hayö ko okoghera iya bhëëtö.
Bhoono yaabha omonene uwa abhasëngëri amakora ghonswe igho kya bhono Mërikizëdëki yaarë.