5
Kera omonene uwa abhasëngëri yaashaaghorwanga ukurwa mo-bharikyaye.
Yaatoorwanga-ho aimererre amangʼana agha Waryobha ko okoghera iya abhantö.
Yaaruusyanga sesadaaka na okokora ibhimwenso ku-Waryobha ko okoghera iya ëbhëbhë ibhya abhantö.
2 Omonene uwa abhasëngëri aratora okobha na ikyabhera ko bhano bhataimanyirë igha m-basarya,
ko bhoora umwene wonswe m-mosarya yaarë.
3 Mbe,
kiyö nkyo kyaagheranga akora ikimwenso ko okoghera iya ëbhëbhë ibhyaye na hano yaamaranga,
akora ikimwenso ikya ëbhëbhë ibhya abhantö abhandë.a
4 Taaho ömöntö ono yaaitooranga-ho umwene okobha omonene uwa abhasëngëri,
kasi Waryobha we yaashaaghoranga omonene uwa abhasëngëri,
kya bhono umwene yaashaaghööyë Haruuni.b
5 Ni-igho gharë igha,
kora Yëësu Kiristo wonswe,
tiyaitönëëyë ubhuhika ubhwaye umwene ubhwa okobha Omonene uwa abhasëngëri,
kasi Waryobha we yaamwahööyë akamötëëbhya igha,
“Uwe nu-uwe Omoona uwaane,
öni reero mbaayë Suwëënyu.”c
6 Ghwiki yaaghambirë ahasë nyabhorebhe mo-Maandeko Amahörëëru igha,
“Uwe nu-uwe Ömösëngëri amakora na amakora,
kya bhono Mërikizëdëkid yaarë.”e
7 Mbe,
enkaagha eno waanyöörrë Yëësu Kiristo akërëngë ko-kebhara kono,
yaasabhirë,
akasaasaama,
kora akakoorra bhököngʼu Waryobha mwene obhotoro ubhwa ukumuruusya mu-singuru isya uruku.
f Ko okoghera iya ubhwihöötu ubhwaye,
Waryobha akamwighwera.
8 Nokaanyoora Yëësu Kiristo m-Moona uwa Waryobha yaarë,
kasi yëëghirë ukwighwera Waryobha,
ko okohetera amateeso ghayö yaanyöörrë.
9 Mbe,
ko okoghera iya ghayö,
Waryobha akamokora aingʼarre okobha esemoko iya öbhötöörya ubhwa amakora ghonswe igho ko bhonswe igho bhano bhakwighwera Ömötöörya uyö.
10 Waryobha yaamotoora-ho abhe Omonene uwa abhasëngëri kya bhono Mërikizëdëki yaarenga.
Öbhöbhë ubhwa ukutigha umukumo
11 Toona amangʼana amaaru agha okobhatëëbhya ko engʼana iya Omonene uwa abhasëngëri uyö,
kasi eratokongʼera okobhatëëbhya ko bhoora m-barito mörë abha okomanya amangʼana.
12 Singa bhoono bhëënyu mwabha abhëëghya abha abhantö abhandë,
kasi nanyabhoono nkutuna mökërë ömöntö uwa ököbhëëghya amëëghyö agha ukusyora agha engʼana iya Waryobha.
Mbe,
monga kya ebhengʼerre bheno bhikunywa amabheere agheene igho,
bheno bhetakotora okorya ibhyakorya ëbhëköngʼu.
13 Ko bhoora ono akoghonka,
uyö m-moona akërë,
taraatobhoka amatwë amanye engʼana iya eheene hë.
14 Kasi abhantö bhakörö,
bho ni-bhyakorya ëbhëköngʼu bhakorya.
Abhantö bhayö bhëëghibhwa,
bhamanya ukwahora amangʼana amaghogho na amaiya.