Amëëghyö agha bhono ekanisa eraasaasaamenga
2
Ëkëntö ekenene,
nkobhasabha ndë igha,
mosabherenga abhantö bhonswe igho,
ko-masabhi aghëënyu ghonswe igho.
Ghwiki ni-igha,
mukuminga Waryobha ko okoghera iya abhantö bhonswe igho.
2 Ndabhakangʼasërrya igha,
mosabherenga abhakama na abhatangati bhonswe igho,
okore tobhe na omorembe,
tosooke Waryobha na okobha na eteemo inshiiya.
3 Engʼana iyö ni-nshiiya,
kora nkushomera ërë Waryobha Ömötöörya uwëëtö.
4 Keno Waryobha akutuna ni-igha abhantö bhonswe igho bhatööribhwi kora bhamanye obhoheene.
5 Waryobha nö-ömwë igho,
kora umwighwerrania uwa abhantö na Waryobha,
wonswe nö-ömwë igho,
uyö nö-möntö ono akobherekerwa igha Kiristo Yëësu.
6 Yëësu uyö,
yaairuusiri umwene igha akwe,
okore atunguri abhantö bhonswe igho.
Kiyö nkyo ekemanyërryö keno Waryobha yaatohaayë ko-nkaagha eno umwene yaasëëmëri.
7 Kiyö nkyo ikibhuno keno kyaaghërrë Waryobha akaanyahora igha mbe omotomwa na Omoraarëki uwa Amangʼana Amaiya.
M-maheene nkobhatëëbhya,
tenkorongoha hë.
Waryobha yaanyahööyë okobha umwëghya uwa Abhakyaro,
okore ndaarekenga amangʼana agha umukumo na obhoheene.
8 Ku bhuyö keno nkutuna ni-igha,
ahasë honswe igho,
hano moraasikanenga okosaasaama,
abhashaasha bhainyökinga amabhoko aghaabho kighörö.
Bhakorenga igho kwa amaitegherro amaiya,
bhatakaarerranga,
handë ukunyeerana senkaani.
9 Kora abhakari bhonswe nkutuna ndë igha,
bhaaibhohenga singibho isyabho bhuuya.
Bhabhe na eteemo inshiiya,
bhaairebherrenga.
Ikuughë iyaabho etakaabha iya ukusuka situukya,
handë iya okotoora ëbhëntö ibhya esahaabhu na bheno bhekomekameka,
handë singibho isya öbhöghöri obhonene.
10 Kasi bhabhe na eteemo inshiiya eno erengʼaini na iya abhakari bhano bhakwighwera Waryobha.
11 Abhakari bheeghenga amangʼana bhaana esooko,
na bhabhe abhaighwa abha amangʼana.
12 Öni tinkutuna igha abhakari bhaabhaahenga abhashaasha,
handë ököbhöörökërrya,
kasi ni-igha bhaaitegherrenga bhahörëërrë.
13 Keno kekoghera ndaghamba igho ni-igha,
Adamu we yaabhömbirwë mbere,
ho bhoono Hawa wonswe akabhombwa.
14 Ghwiki ni-igha,
Adamu tiyaangʼainirwë hë,
kasi omokari we yaangʼainirwë,
akabha omosarya uwa amaraghërryö ghaara Waryobha yaabharaghërrëëyi.a
15 Kasi abhakari,
b ukwebhora ukwabho nkwo korebhatöörya,
hano bharaaghëndërri okobha na umukumo,
righonshe,
öbhöhörëëru na okobha na eteemo inshiiya.