Amangʼana Amaiya agha Yëësu Kiristo
kya igho ghaandëkirwë na
Mataayo
Eka iyaabho Yëësu
1
Eno hano ne-tongoterano iya amariina agha eka iyaabho Yëësu Kiristo.
Yëësu Kiristo yaarë uwa eka iya Daudi ono yaarë uwa eka iya Ibhurahimu.
2 Ibhurahimu yaaibhööyë Isaaka,
Isaaka akeebhora Yaakobho,
Yaakobho akeebhora Yuuda na abhamura abhaabho.
3 Yuuda akeebhora Përëësi na Zeera ko-Tamaari,
Përëësi akeebhora Hëzirööni,
Hëzirööni akeebhora Aramu,
4 Aramu akeebhora Aminadaabhu,
Aminadaabhu akeebhora Naashööni,
Naashööni akeebhora Saarimööni,
5 Saarimööni akeebhora Bhowazi ko-Rahaabhu,
Bhowazi akeebhora Öbhëëdi ku-Ruuti,
Öbhëëdi akeebhora Yeese,
6 na Yeese akeebhora omokama Daudi.
Omokama Daudi akeebhora Seremaani ko mokaa Uria,a
7 Seremaani akeebhora Rehobhowaamu,
Rehobhowaamu akeebhora Abhiya,
Abhiya akeebhora Asafu,
8 Asafu akeebhora Yehoshafaati,
Yehoshafaati akeebhora Yoraamu,
Yoraamu akeebhora Uzia,
9 Uzia akeebhora Yotaamu,
Yotaamu akeebhora Ahazi,
Ahazi akeebhora Hezekia,
10 Hezekia akeebhora Manase,
Manase akeebhora Amöni,
b
Amöni akeebhora Yosia,
11 Yosia wonswe akeebhora Yëkönia na abhamura abhaabho.
Enkaagha iyö,
yo Abhaisiraëri bhaarenga haangʼë okongʼaanyibhwa na Abhabhaabhëëri bhabhahire Bhaabhëëri.c
12 Hano Abhaisiraëri bhaangʼaanyiibhwi bhakahirwa Bhaabhëëri,
Yëkönia akeebhora Sheyaritiëri,
Sheyaritiëri akeebhora Zerubhabhëëri,
13 Zerubhabhëëri akeebhora Abhihudi,
Abhihudi akeebhora Eriyakimu,
Eriyakimu akeebhora Azööri,
14 Azööri akeebhora Zadoki,
Zadoki akeebhora Akimu,
Akimu akeebhora Eriudi,
15 Eriudi akeebhora Eriazari,
Eriazari akeebhora Matani,
Matani akeebhora Yaakobho,
16 Yaakobho akeebhora Yusufu,
mushaasha uwa Maryamu.
Maryamu uyö,
we yaaibhööyë Yëësu ono akobherekerwa igha,
Kiristo.d
17 Mbe,
ukusimirya ku-Ibhurahimu okohekera omokama Daudi,
m-makora ikömi na ane.
Ghwiki ukusimirya ko-Daudi okohekera enkaagha eno Abhabhaabhëëri bhaangʼaanyëri Abhaisiraëri bhakabhahira ku-kyaro ikyabho ikya Bhaabhëëri,
m-makora ikömi na ane.
Na ghwiki m-makora ikömi na ane ukusimirya ko-nkaagha iya okongʼaanyibhwa ukwa Abhaisiraëri okohekera enkaagha eno Kiristo yaaibhööywë.
Ukwebhorwa ukwa Yëësu Kiristo
18 Mbe,
ghano hano na-mangʼana ghano ghakoraghërrya kya bhono Yëësu Kiristo yaaibhööywë.
Maryamu nyakuwaabho Yëësu,
yaarenga aghambëëywë öbhökwë na Yusufu.
Kasi hano waanyöörrë ataraamoteta,
akamaahekana aana enda ko obhotoro ubhwa Umwika Ömöhörëëru.e
19 Kasi ko bhoora Yusufu m-möntö uwa heene yaarë,
tiyaatunirë igha asöökërri Maryamu hë,
ku bhuyö akaitegherra igha,
atighane bhukiri igho na Maryamu uyö yaarenga aghambëëyë öbhökwë.f
20 Maaha mbe,
hano Yusufu yaaitegherranga engʼana iyö,
maraika uwa Omonene Waryobhag akamobhooshokera mo-kerooto,
akamötëëbhya igha,
“Yusufu umwebhorwa Daudi,
otakoobhoha okoteta Maryamu,
ko bhoora igha,
enda iyaaye iyö,
n-ko obhotoro ubhwa Umwika Ömöhörëëru.
21 Nareebhore omoona uwa ikishaasha,
omoroke igha Yëësu,
h ko bhoora igha,
uyö we araatööri abhantö abhaaye ukurwa mö-bhëbhë ibhyabho.”
22 Amangʼana ghayö ghonswe igho ghaabhaayë igho,
okore ghahekerane ghaara Omonene Waryobha yaaghambirë okohetera kö ömörööti uwaaye Isaaya igha,
23 “Tamaaha,
omokari intindë narimökya enda,
eebhore omoona uwa ikishaasha!
Narerokwa iriina igha Emanueri.”
i
Ensonga iyaako igha, “Waryobha hamwë arë na bhëëtö.”