22
1 Ɛ́ nɛ́ ká malɩ́ka baa makɛ fozeno páŋ, fozeno ná nyii háá pá hiẽsó, aá tʋl yɩ́láyɩ́lá anɛ nyiiló.
Ɓa lɛ́ Wɩɩsɛ kuóɓasa rɩ́ Pewie kuóɓasa dɩhɩ̃́ nɛ́,
2 a pal tɩŋ ŋmɛ́nɔ mʋ́ lɛ tɔ́ɔ́ sɩ́sɩ́ɛ́nnʋ́wa.
Hiẽsó tuu ná mɩŋ ɛ́ fozeno sáŋcɔrʋ bɛllɛ wuu ní, aá nɔŋ nɔnɔ caná canáwa, bɩna sɩɛrʋ caŋsɛ fí rí bɛllɛ ná wuu.
Ɓa kánʋ́ paarʋ aá váárɛ nɩɛ.
3 Nabɔŋwɩ́ɩ́ wuu, báá wɩ ráŋ mɩŋ.
Wɩɩsɛ sɩ́ bílú kuóɓasa ɛ́ tɔ́ɔ́ sɩɛrʋ, a ké, ʋ rɩ́ Pewie, ká rʋ́ʋ́ tʋtʋnna ko, aá cʋ́ɔ́lɩ́wɔ́;
4 ɓa sɩ́ ná Wɩɩsɛ sɩ́paanɛ́, ká rʋ́ʋ́ yɩr mɩ́ŋwɔ́ tulli mí.
5 Tɩ́taŋ báá waá mɩŋ; ká rɩ́wɔ́ sɩ́ caanɔ́ pʋmmɔ já, a sɩ́ wɩɩsɛ má pʋmmɔ já, bee wɩ́ɛ́ Nyuutɩna Wɩɩsɛ tʋ́lɛ́ nɛ́ sɩ́ ɔ́wɔ́ pʋmmɔ, ká rɩ́wɔ́ dí kuorí ná há waá toki.
Zeezi sʋ́ʋ́ sɩ́ ko
6 Ɛ́ nɛ́ malɩ́ka baa bʋl páŋ bʋlɛ́:
«Wɩ́bʋlɛ́ nyáŋ ká wɩ́táŋsɛ nɛ́, a mɔ laa díí.
Wɩɩsɛ ná há púú Sabɩɩna aá pɔ́ʋ́ wɩ́laabʋlla, ʋ nɛ́ tʋ́mʋ́ malɩ́ka, rʋ́ʋ́ ko makɛ wɩ́ɛ́ ná háá kué mʋ́l néé mí, a pɔ́ʋ́ tʋtʋnna.»
7 Zeezi sɛ́:
«Ŋŋ́ kó rí, mʋ́l néé mí.
Nɛrɔ ná háá tɩŋ kɛnɔ né sɩɛrʋ wɩ́laabʋlɛ́, ʋ ná wér!»
8 Ŋ é Zaŋ nɛ́ nɩ́ wɩ́ɛ́ nyáŋ, a nówó.
Ŋ há nɩ́ ɛ́ wɩ́ɛ́, a nówó ko tenni, ŋ ɓál tíé malɩ́ka ná há mákɛ́ ɛ́ wɩ́ɛ́ páŋ sɩ́ɛ́, rɩ́ŋ cʋ́ɔ́lʋ́.
9 Ɛ́ nɛ́ ʋ bʋ́lɩ́ŋ rɩ́ bʋlɛ́:
«Sʋ́ʋ́ á!
Ŋ má ká tʋtʋ́nnʋ́ rɛ́, anɩ́ má, anɛ Wɩɩsɛ wɩ́laabʋlla ná há kɛ́ɩ́ maábináŋa, anɛ nɩɛ ná wuu há sáŋɛ́ aá tɩŋ kɛnɔ né sɩɛrʋ wɩ́ɛ́.
Cʋɔlɛ Wɩɩsɛ nɛ́!»
10 Ká ʋ baa bʋ́lɩ́ŋ rɩ́ bʋlɛ́:
«Sɩ́ ló rí kɛnɔ né sɩɛrʋ wɩ́laabʋlɛ́ ná a wɩ́féŋsé, bee wɩ́ɛ́ tɛ́ŋ ná Wɩɩsɛ há máŋsɛ́ rɩ́ ɛ́ wɩ́ɛ́ tʋŋ, ʋ pérí tɛ́sɩ́ɩ́.
11 Rɩ́ nɛrɔ ná há bɔ́mɔ́ ɔsɛ aá tʋŋ bɔ́ŋbɔ́ŋ, ká nɛrɔ ná há kéŋ busunnu má ɔsɛ ka busunnu; rɩ́ nɛrɔ ná há wéró ɔsɛ a wérí, ká nɛrɔ ná há ká páár má ɔsɛ a páár.»
12 Zeezi sɛ́:
«Ŋŋ́ kó rí mʋ́l néé mí.
Ŋ sɩ́ pɛ́ ka zilé ko dí nɩɛ nyúú; ŋ sɩ́ dí zilé nɛrɔ wuu nyúú, a cɛ́rʋ́ há tʋ́mɛ́ mɔ ɛ́.
13 Ŋ nɛ́ ká Alfa* rɩ́ Omega,* sɩ́laarɔ rɩ́ hatɩŋnɔ, púle rí tenné.
14 «Nɩɛ ná há sɛ́sɩ́wɔ́ gɛnnɛ, ɓa ná wér; ɓa sɩ́ pɔ́wɔ́ ŋmɛ́nɔ, rɩ́wɔ́ tɩŋ dánnʋʋsɛ zʋ tɔ́ɔ́ ná sɩɛrʋ, a dí hiẽsó tuu ná nɔnɔ.
15 Amá nɩbɔma, rɩ́ hɩla, rɩ́ nɩlɩɩlɛ́, rɩ́ nɩɓʋ́ʋ́ra, rɩ́ veŋɓaara, arɩ́ nɩɛ ná há có nyɩɛrʋ aá nyɛ, ɓa éé cɩ́ tɔ́ɔ́ ná zeŋ har rɩ́ nɛ́.
16 «Ŋ é Zeezi, ŋ nɛ́ tʋ́mɩ́ŋ malɩ́ka, rʋ́ʋ́ ko bʋl pá wɩcʋɔla púlli,* rɩ́ ɛ́ wɩ́ɛ́ ká wɩ́táŋsɛ nɛ́.
Ŋ ká kuóro Davidi* keŋ ní, ʋ dunɛrɔ; ŋ nɛ́ ká nyɩnyaŋwʋl.»
17 Ɛ́ nɛ́ Wɩɩsɛ Sabɩɩna* rɩ́ Pewie* háfɛlɔ sɛ́:
«Ko!»
Rɩɩ ná má nɛ́ ɛ́, ɩ bʋlɛ́:
«Ko!»
Nyinyʋɔ́sɛ há kéŋ nɛ́ŋ ná, ʋ́ʋ́ ko.
Nɛrɔ ná há có hiẽsó nyii ná, ʋ́ʋ́ ko aa nyɔ yɔ́ɔ́, ká sɩ́ óŋ túmú!
Dɩgúlli
18 Ŋ é Zaŋ* há pí wɩ́ɩ́ ná aá cáánɛ nɩɛ ná wuu, há nɛ́ Wɩɩsɛ wɩ́laabʋlɛ́ ná há mɩŋ kɛnɔ né sɩɛrʋ, nɛ́ ká:
Rɩ nɛ́ŋ súúri wɩ́ɩ́ ɛ́ wɩ́ɛ́ mɛ́, Wɩɩsɛ sɩ́ pi wɩɩlawa ná wɩ́ɛ́ há bʋ́l kɛnɔ né sɩɛrʋ, a súúrú wɩɩla mɛ́ pɔ́ʋ́.
19 Ká rɩ nɛ́ŋ lɩ́sɛ wɩ́ɩ́ tá Wɩɩsɛ wɩ́laabʋlɛ́ nyáŋ há mɩŋ kɛnɔ né sɩɛrʋ, Wɩɩsɛ sɩ́ la tɩ́na ker.
Ʋ wɩ Wɩɩsɛ tɔ́ɔ́ ná sɩɛrʋ́ zʋ, a wɩ hiẽsó tuu ná má nɔnɔ dí; tɔ́ɔ́ ná rɩ́ tuu ná wɩ́ɛ́ ɓa há bʋ́lɛ́ kɛnɔ né sɩɛrʋ.
20 Nɛrɔ ná há cɩ́ naa, rɩ ɛ́ wɩ́ɛ́ ká taŋá, ʋ sɛ́:
«Óó, ŋŋ́ kó rí, mʋ́l néé mí!»
Amɩɩ*!
Ko, Nyuutɩna Zeezi!
21 Rɩ́ Nyuutɩna Zeezi hé bárka pɛ́ɩ́wa wuu!(1.10) Cʋɔlɛ́ tápʋl (Wɩmakpaalɛ 1.10) Kal ná ɓa há hé náŋá mɛ́ aá cʋɔlɛ Wɩɩsɛ nɛ́, anɛ jɩmáásɛ kal.(4.8) Har rɩ́ sɩ́ɛ́ wuu (Wɩmakpaalɛ 4.8) Ɓa tɛŋ daha rɩ́ kiŋkeru mʋ́ʋ́la wuu ní sɩ́sɛ mɩŋ.(6.6) Yɛlɩ́ (Wɩmakpaalɛ 6.6) Losuzeno ní, onni yɛlɩ́ ɓɩhɔɔ́.
Óŋ wuu yɛlɩ́ súúró a mʋ́ aá peri naasɩ́ fí.
Omo ná fa há ká dáásɛ́, ɓaá yɛ́llʋ́ dáásɛ́ fí ní.
Nɩbííno háá tʋŋ tápʋ́l káá la meéwí ná rɩ́ yɔwɛ onni fí, ɛ́ tɛ́ŋ mɛ́ ɩɩ́ píí yɔwɛ óŋ balá nɛ́.(9.8) Háálɔ nyúpʋ́sɛ (Wɩmakpaalɛ 9.8) Ɓa nyúpʋ́sɛ kánɔ́ nɛ́, a a ɓɩgbórú.
Háálɔ nyúpʋ́sɛ wóú nyáŋ mɛ́ tuwi aá tɩkɛ, ɓa há gbésó.(11.3) Bʋ́ɩ́ rɩ́ zɔwɛllɛ rɩ́ mɛɛ́sɩbotoro (Wɩmakpaalɛ 11.3) Tápʋlɛ bʋ́ɩ́ rɩ́ zɔwɛllɛ rɩ́ mɛɛ́sɩbotoro, rɩ́ tápʋlɛ botoro rɩ́ fá, rɩ́ caŋsɛ mɛɛ́sɛllɛ rɩ́ bɛllɛ, ɓa wuu ká óŋ balá rɛ́.
Bel Wɩmakpaalɛ 11.2,3,9; 13.5 dɩhɛ̃́.(11.9) Tápʋlɛ botoro rɩ́ fá (Wɩmakpaalɛ 11.9) Tápʋlɛ botoro nyáŋ tɩɩ tɩɩ rá.
Ʋ ká wɩ́piimáŋsɛ́ rɛ́.
Ʋ ká bɩŋsɛ́ wɩ́ɩ́ rɛ́, ká Zaŋ pii máŋsɛ tápʋlɛ.
Dɩhɩ̃́ né rɩ́ Wɩmakpaalɛ 11.2,3 wuu wɩ́bʋlɩ́ ká balá rɛ́.
Ɓa wuu dáánɛ ká balá rɛ́.(21.17) Mɛ́ɛ́tɩr mɛɛ́sɩbotoro rɩ́ fí rɩ́ bɛllɛ (Wɩmakpaalɛ 21.17) Nágutóko sɩ́ɩ́wa nɛ́ ɓaá máŋsɛ ɓɩɛ gbési.
Mɛ́ɛ́tɩr mɛɛ́sɩbotoro rɩ́ fí rí bɛllɛ ná (72), ká nágutokó sɩ́ɩ́ zɔlɔ rɩ́ mɛɛ́sɩbaná rɩ́ baná nɛ́ (184).