Botoro kɛnɔ ná
Zaŋ
há pʋ́ŋsɛ́
Wɩsʋlɔ́
1
1 Ŋ é nɔhɔ̃́,* ŋ nɛ́ pʋ́ŋsɛ kɛnɔ né, aá páŋ nɩcólli Gayisi ná, ŋ há có taŋá sɩɛrʋ.
2 Ŋ nɩcólli, ŋ jáŋ nɛ́ ká, rɩ́ɩ́ wɩ́ɛ́ wuu cɛ́rɛ pɛ́ɩ́.
Rɩ́ɩ́ tɛŋ fɩɛlɛ, anɛ ɩ dʋma tɛŋ há fɩ́ɛ́lɔ́ nyɛ.
3 Á maábináŋa kúó tɛ sɩɛ́da páŋ, rɩ́ɩ́ mɩŋ taŋá sɩɛrʋ aá tɩŋ taŋá.
Ɛ́ wɩ́ɛ́, ŋ sɩɛrʋ wuu ní tɔ́rɛ́.
4 Ŋ satɔ́ɔ́rwɩ́ɩ́ ɓóŋ ní ká:
Ŋ há nɩ́ɛ́ rɩ ɓa sɛ́ rɩ́ŋ bɛlɛ́ va taŋá sɩɛrʋ.
Gayisi ká nɛ́ŋ
5 Ŋ nɩcólli, ɩ sáŋrá maábináŋa mɛ́ wérí.
Ɓa náŋa ká nɩhʋɔra nɛ́, ká ɩ sáŋwɔ́ mɛ́.
Ɩ á wérí, ɛ́ wɩ́ɛ́ mɛ́.
6 Ɓa tɛ́ɩ́ cólle sɩɛ́da, wɩcʋɔla púl* nɩɛ sɩ́ɛ́.
Pɛ́wɔ́ mɛ́, a tʋŋ ɛ́ há ká Wɩɩsɛ satɔrɔ́ pɔ́wɔ́, rɩ́wɔ́ váwɔ́ ŋmɛ́nɔ mʋ́ peri.
7 Kirisi tʋŋ pɛ́ɛ́ wɩ́ɛ́ nɛ́, ɓa zʋ ŋmɛ́nɔ, ká vɛ nɩɛ ná há wɩ Wɩɩsɛ lɛ́ɛ́ dí sáŋɛ.
8 Á nɩ́ɛ́ ná há ká Zeezi laadííre, ʋ mɔhɔ̃́ ráá cakla nyɛ nɩɛ duo mí, a makɛ ráá pɛ́wɔ́ mɛ́, taŋá tʋtʋmɛ́ sɩɛrʋ.
Dɩɔtɩrɛfɛ wɩ́ɛ́
9 Ŋ pʋ́ŋsɛ wɩ́ɛ́ hé kɛŋkulwie mí pá wɩcʋɔla púl; amá Dɩɔtɩrɛfɛ há có rʋʋ nɛ́ kɔ́wɔ́ wuu nɔhɔ̃́, ʋ vɛ́ ɛ́ wɩ́ɛ́.
10 Ɛ́ nɛ́ tɛ, rɩŋ nɛ́ kó ráŋ, ŋ sɩ́ makɛ wɩ́laama ná ʋ háá ɛɛ́, a makɛ saháksɩ́wɩ́ɛ́ rɩ́ nyɛwɩ́ɛ́ ná wuu ʋ há bʋ́lɛ́ tɛ́rá mɛ́.
Ɛ́ há wʋ́ʋ́ mɔhɛ̃́, ʋ vɛ́rá maábináŋa má caklɛɛ; a kɛ́rɛ nɩɛ ná má há cówó caklɛɛ mɛ́, a kírwó lɩ́sɛ, wɩcʋɔla púl mí.
11 Ŋ nɩcólli, sɩ́ bɔ́ŋbɔ́ŋ césú, amá cesi wérí.
Nɛrɔ ná háá tʋŋ wérí, ʋ lɛ́ Wɩɩsɛ nɛ́, nɛrɔ ná háá tʋŋ bɔ́ŋbɔ́ŋ, ʋ wɩ Wɩɩsɛ ɛ̃.
Demetiriyisi ká Wɩɩsɛ nɛ́ŋ
12 Nɩɛ wuu níí bʋl Demetiriyisi ká nɛ́ŋ wɩ́ɛ́; taŋá má tɩɩ cɩ́nʋ́ har.
Á má tɩɩ tɛ́ sɩɛ́da, a bʋlʋ́ wɩ́ɛ́ wéró; ɩ sɩɛ́ ɩ́ɔ̃́ ráá sɩɛ́da ká taŋá nɛ́.
Dɩtenní
13 Ŋ kéŋ wɩ́ɛ́ ɓɩkana rɩ́ŋ bʋl pɛ́ɩ́, amá ŋ waá ja rɩ́ŋ pʋ́ŋsɩ́wɔ́ hé kɛnɔ mɛ́ nɛ́ pɛ́ɩ́.
14 Ŋ wɩ có rʋʋ dáánɔ́, ká rɩ́ŋ kóí rɩ́, ráá ké tíé bʋ́lwɔ́.
15 Wɩɩsɛ lo rí tɛŋfɩ́ɛ́l pérí!
Ɩ naŋnɔ́ŋsɛ wuú bɔ́llɩ́.
Má bɔ́llɩ́rá naŋnɔ́ŋsɛ wuu, balá baláwa.