Wɩ́ɛ́ ná á há mɔhɛ̃́ ráá ɩ́'a
13
1 Ɩ́ há có náŋá ɛ́, ɩ́ ka ɛ́ naa mɛ́ wérí, bee wɩ́ɛ́ ɩ́ ká maábináŋa nɛ́.
2 Ɩ́ sɩ́ sɛ́ŋɓɛlɩ́ á nɩhʋɔra caklɛɛ mɛ́; nɩɛ náŋa tʋ́ŋ ɛ́, a hʋɔrɛ Wɩɩsɛ malɩ́kawa ká wɩ ɛ̃.
3 Ɩ́ bɩ́bɩɩnɛ bɩnajaa nɩɛ wɩ́ɛ́, anɛ ɩ́ rɩ́wɔ́ wuu ní mɩŋ bɩnajaa mɛ́.
Ɩ́ bɩ́bɩɩnɛ nɩɛ ná má há mɩŋ wɩhála mɛ́ wɩ́ɛ́, anɛ ɩ́ rɩ́wɔ́ wuu níí dí ɛ́ wɩhála.
4 Ʋ mɔhɔ̃́ rɩ́ nɩɛ wuu zíl baljaasɛ rɩ́ hájaasɛ, rɩ́ nɩɛ ná há já náŋá, rɩ́wɔ́ sɩ́ cɔ́rmʋ tʋ́mʋ́.
Wɩɩsɛ sɩ́ dí nɩlɩɩlɛ́ rɩ́ nɩcɔrma sarɩ́ya.
5 Ɩ́ sɩ́ ló rí meéwíé cólle mɩ́nɩ́wa nyúú mí, a kánɩ́wa aá tʋŋ; ɩ́ lo rɩ́ɩ́wa sɩɛrʋ tɔrɛ óŋ ná ɩ́ há kené, bee wɩ́ɛ́ Wɩɩsɛ tɩɩ nɛ́ sɛ́:
«Ŋ wɩ́ɩ́ yɔ́ɔ́ lo, ŋ wɩ́ɩ́ vɛ́ɛ́ táá ná.»
6 Ɛ́ nɛ́ tɛ, á wólli aá bʋl arɩ́ yardá bʋlɛ́:
«Nyuutɩna Wɩɩsɛ nɩ́ɩ́ fáŋ búŋse, ŋ wɩ wɩ́ɩ́ wuu fá.
Nɩbííne wóŋ beé aá a?»
7 Ɩ́ bɩ́ɩ́nɩ́wa sɩ́dííre ná fa ha lá sɩ́ɛ́ bʋl Wɩɩsɛ wɩ́ɛ́ pɛ́ɩ́wa wɩ́ɛ́, a bélwó hiẽsó rɩ́wɔ́ dɩgírsi, ká césíwó yardá.
8 Zeezi Kirisi nána nɛ́ die, ʋ nána nɛ́ zaa, ʋ nána nɛ́ ɛ́, a kaá mʋ́ wuu.
9 Ɩ́ sɩ́ ló rí nɩɛ ka wɩ́huonni rɩ́wɔ́ duó wuu, ko kármɩ́wa.
Ɩ́ sɩ́wɔ́ zésú, bee wɩ́ɛ́ Wɩɩsɛ zilé níí ɓaŋ nɩbííno baŋcɩla, ɓɩdííle wádawa tɩŋɛ́ rá.
Nɩɛ ná háá tɩŋ ɛ́ wádawa, ɓa ha wɩ nyʋɔrɛ́ wuu néé ráŋ.
10 Á kéŋ vʋk'ɔsɔ́ koro bána nyúú, amá Wɩɩsɛ vʋk'ɔɔsa ná fa háá tʋŋ Wɩɩsɛ táŋtɛ* jaa ná sɩɛrʋ, tíé nyúú, ɓa wɩ ŋmɛ́nɔ kené aá dí onni ná ɓa háá ɓʋ́ʋ́sɛ, ɛ́ koro nyúú.
11 Pʋsɛ ná ɓa há ɓʋ́ʋ́sɛ́ cɛ́l nɛ́ vʋk'ɔɔsa nɔhɔ̃́ cakɛ, a kaa zʋ Wɩɩsɛ sɩ́ɛ́,* táŋtɛ jaa ná mɛ́, rʋ́ʋ́ ɔsɛ vʋk pá Wɩɩsɛ, wɩ́bɔma suúri yɩr mɛ́; amá ɛ́ pʋsɛ namɩŋsa é, ɓaá paa kaa kɛkɛ tɔ́ɔ́ sɩɛrʋ nɛ́, a nyɩkɛ.
12 Ɛ́ nɛ́ tɛ, ɓa ka Zeezi má kɛkɛ tɔ́ɔ́ sɩɛrʋ, a ɓʋ́, a makɛ rʋ́ʋ́ tɩɩ cɛ́l mʋ́ʋ́rɛ nɩɛ wɩ́bɔma.
13 Á má sɩɛ́ kɛkɛ tɔ́ɔ́ sɩɛrʋ, a mʋ́ʋ́ rɩ́, a dí hɩɩ̃sɛ ná ʋ há díé.
14 Dúníé nyúú rɛɛ́, á wɩ dɩhɩ̃́ kené, á há sɩ́ mɩŋ ráŋ a de kaá mʋ́ wuu, áá ja cíé dɩhɩ̃́ nɛ́.
15 Ɛ́ wɩ́ɛ́, á tɩŋ Zeezi mí, a bɩ Wɩɩsɛ mɛ́, tɛ́ŋ wuu mí, a wúrírá nʋʋsɛ a bʋ́ʋ́ yɩr mɛ́, ʋ ɛ́ ká vʋk'ɔsɔ́ rɛ́ á ɔsɛ aá pɔ́ʋ́ ɛ́.
16 Ɩ́ sɩɛ́ sɩ́ wérí ɛɛ, arɩ́ náŋá mɛ́ sáŋɛ sɛ́ŋɓɛlɩ́ á, bee wɩ́ɛ́ ɓa ká wɩ́ɛ́ ná háá tɔrɛ Wɩɩsɛ sɩɛrʋ nɛ́, anɛ vʋk ɩ́ há ɔ́sɛ́ pɔ́ʋ́.
17 Ɩ́ zízílíwa sɩ́dííre nʋɔ, a múúríwa tɩɩ aá pɔ́wɔ́, bee wɩ́ɛ́ ɓa nɩ́ɩ́ bélíwa mɛ́; cíé kal, ɓa sɩ́ bil nʋɔ pá Wɩɩsɛ.
Ɩ́ sɩɛ́ a, a makɛ rɩ́wɔ́ wóllíwó tʋtʋmɩ́ tʋŋ arɩ́ satɔrɔ́, ká sɩ́ híhíĩ́nú; ɓa hiĩné wɩ sɩ́ ka nyʋɔrɛ́ a pɛ́ɩ́wa.
18 Ɩ́ sʋl Wɩɩsɛ aá párá; á ɩ́ɔ̃́ rɩ́ taŋá, á sabɩɩna wéró; bee wɩ́ɛ́ áá hɩ́ɛ̃́nʋ́, ráá káŋrá tɩɩ wérí, wɩ́ɩ́ wuu mí.
19 Ŋ dʋŋɔ má dé caasɛ aá sʋ́lɩ́wa, rɩ́ɩ́wa sʋl Wɩɩsɛ, rʋ́ʋ́ wúrí ŋmɛ́nɔ páŋ kɩ́kɛ́lɛ́ rɩ́ŋ kóíwa rɩ́.
Hatɩ́ŋnɩ́wɩ́ɛ́ arɩ́ cʋɔla
20 Tɛŋfɩ́ɛ́l Wɩɩsɛ ɔ́ɔ́, á Nyuutɩna Zeezi bɩr'isi sʋʋ mɛ́, a a, ʋ nɛ́ a pieŋse* penʋɔlɔ* bɩbar.
Ʋ cɛ́l nɛ́ ká nɛ́cikó* nʋtʋmɛ ná há wɩ tokó kené, Wɩɩsɛ há bílé, ʋ rɩ́ nɩbííne pɛ́kɛ mɛ́.
21 Rɩ́ ɛ́ Wɩɩsɛ pɛ́ɩ́wa mɛ́, rɩ́ɩ́wa wólli tʋŋ wérí ná wuu há sɩ́ cɛ́rʋ́ cólle.
Rʋ́ʋ́ tɩŋ Zeezi Kirisi mí, a tʋŋ tʋtʋmɩ́ á mɛ́, a makɛ ráá ka hɩɛŋ a pɔ́ʋ́.
Zeezi Kirisi nɛ́ tɛ píŋ a kaá mʋ́ wuu, bɩnákatí!
Amɩɩ*!
22 Ŋ maábináŋa, ŋŋ́ sʋ́lɩ́wa, ɩ́ zesi nɛ cáánɛ nyáŋ ŋ há bʋ́lɛ́ pɛ́ɩ́wa, a nyammɛ káŋwɔ́ ɩ́ sɩɛnnɛ; bee wɩ́ɛ́ ɓa to wɩ́káná má tɩɩ.
23 Ɩ́ zɩŋ rɩ́ ɓa lɩ́sɩ́rá maábinɔ́ŋɔ Timote* tá bɩnajaa mɛ́.
Rʋʋ nɛ́ sɩɛ́ kóŋ dɩhɩ̃́ kɩ́kɛ́lɛ́, ŋ rɩ́rʋ́ wuu sɩ́ ko néíwa.
24 Ɩ́ bɔ́llɩ́wa sɩ́dííre wuu, a bɔ́llɛ Wɩɩsɛ nɩɛ wuu.
Á maábináŋa ná há lɛ́ Itali dɩtɩ́llɛ, ɓaá bɔ́llɩ́wa.
25 Rɩ́ Wɩɩsɛ hé bárka pɛ́ɩ́wa wuu!(1.9) Jʋɔsɛ́ nʋʋ (Ebirewa 1.9) Ɛ́ tɛ́ŋ mɛ́, rɩ ɓa nɛ́ lɩ́sɛ nɛrɔ rʋ́ʋ́ a kuór, ɓaá ɔ́ŋsɛ nʋʋ nɛ́ hóú nyúú mí.
Rɩ ɓa nɛ́ lɩ́sɛ nɛrɔ rʋʋ a vʋk'ɔ́ɔ́sʋ́ má ɓaá hé ɛ́ nʋʋ nɛ́ ʋ nyúú mí.
Ɓa háá já rɩ́wɔ́ makɛ rɩ́ Wɩɩsɛ lɩ́sɛ Zeezi a cóllú ní, ɓa sʋ́ʋ́ ɔ́ŋsɛ jʋɔsɛ́ nʋʋ hóú nyúú mí.(11.32) Barakɛ (Ebirewa 11.32) Barakɛ ká nɩyɩ́r rɛ́, Ɩzɩrayɛl duo nɩɛ sɩɛrʋ.
Bɩna oro, ʋ lá Ɩzɩrayɛl duo nɩɛ lalyoore sɩ́ɛ́, ɓa yówó dɩŋdɔma a wóllíwó.
Ʋ fa ká sarɩ́yadír má rɛ́ Ɩzɩrayɛl duo nɩɛ nyúú.