Wɩɩsɛ gáásɛ wɩ́ɛ́ vʋ́k'ɔɔsa nyúú
a vɛ rɩ́ɩ́wa, píŋsíŋ yɩ́wero ná.
Ŋ é Nyuutɩna Wɩɩsɛ lalyoore kuóro,
sɩ́ a rɩ́ bʋra dííwa,
a a rɩ́ɩ́wa barka bɩrmɛ bʋra;
ŋ sɩ́ a rɩ́ wɩɩla dííwa;
pʋsɛ ná ɩ́ há ɓʋ́ʋ́sɛ́ ɔsɛ vʋka ɩ́ caŋsɛ díí tɛ́ŋ mɛ́, ŋ sɩ́ píwó bɩna wáásɩ́wa sɩ́ɛ́ mɛ́, ká rɩwɔ́ píésíwa rɩ́ pʋsɛ bɩna ná wuu kaa col yómí.
4 Ɛ́ mɛ́ nɛ́, rɩ́ɩ́wa zɩŋ,
rɩ́ŋ é ní fa bíl kɩ́ŋse ná pɛɩ́wa,
a makɛ rɩ́ŋ nʋtʋmɛ ná ŋ há bile rɩ́ Levi duo nɩɛ, mɩŋ a kaá mʋ́ wuu.
hiẽ́so rɩ́ tɛŋfɩɛ́l,
ŋ a a pɔ́wɔ́, a makɛ rɩ́wɔ́ fɩfáŋ.
Ɛ́ nɛ́ sɩɛ́ tɛ́, ŋ hewíŋ mɩ́ŋwɔ́ mɛ́, ɓa cɩ́cel, ŋ sɩ́ɛ́. 6 Ɓa karmɩ́ŋ wɩ́makɛ́ ná rɩ́ táŋá, a wɩ mʋ́ɔ́ wuu cʋrɛ́,
tɛ́ŋfɩɛ́l rɩ́ yɛ́rɛ́ nɛ́ fa mɩ́nɩ́ŋ rɩ́wɔ́ pɛ́kɛ. Ká ɓa tʋŋ taŋá a lɩ́sɛ nɩɛ ɓɩkana bɔŋbɔŋ ɛɛ sɩɛrʋ . 7 Vʋ́k'ɔɔsɔ nɛ́ ɛ̃́ Wɩɩsɛ wɩ́makɛ́,
ʋ rɩ́ nɛ́, nɩɛ ko bɔsɛ aá zɩŋ Wɩɩsɛ wɩ́makɛ,
bee wɩ́ɛ́, ʋ nɛ́ ka nɛrɔ ná há mɔhɛ̃́ rʋ́ʋ́ makɛ nɩɛ, rɩ́wɔ́ zɩŋ Nyuutɩna Wɩɩsɛ, lalyoore wuu Nyuutɩna. 8 Amá ɩ́ é, ɩ́ tɛ́l ŋmɛnɔ mɛ́,
a tɩ́ŋɩ́wa nʋɔ wɩ́bʋlɛ́ mɛ́, a zɔkɛ nɩkana.
Ɩ́ zɔ́kɩ́ŋ rɩ́ levi duo nɩɛ pɛ́kɛ nʋtʋmɛ ná.
ká, ɩ́ sariya díí mí, ɩ́ tʋɔsɛ nɩɛ ná ɩ́ há co ní, a pi taŋá aá pɔ́wɔ́,
ɛ́ wɩ́ɛ́, ŋ sɩ́ yiki Ɩzɩrayɛl nɩɛ wuu, rɩ́wɔ́ bel guóníwa, a hɩ́ɩ́sɩ́wa.»
Ziida nɩɛ zɔ́kwɔ́ Wɩɩsɛ nʋtalɔ́ naasɩ́ bʋllɛ wuu
10 Wɩɩsɛ rá tórá wuu áná rɛ́>> Ʋ rá wɩ rá wuu mɛɛ rɛ́>> Ka bee rɩ́ sɩɛ́ tɛ́ a wɩ naŋá lɛ́ɛ́ a dí, ká bɩrɛ cɛ́ naŋá mɛ́, a zɔkɛ nʋtʋmɛ ná Wɩɩsɛ há bile ʋ rɩ́rá ánáwa pɛ́kɛ>> 11 Ziida nɩɛ báásɛ nʋtʋmɛ ná ɓa há bile. Zerizalɛmɛ, rɩ́ Ɩzɩrayɛl tɔ́ɔ́ nɩɛ tʋ́ŋ wɩ́ɛ́ ná há wɩ weri. Beewɩ́ɛ́ Ziida nɩɛ já háhʋɔra háá ɓáárɛ wɩhʋɔra, a tɩŋ ɛ́ mɛ́ tʋŋ wɩtɩɛ́nɛ a zɔkɛ Nyuutɩna Wɩɩsɛ dʋŋɔ́ dɩmɩ́nɛ ná, ʋ há coú kɩ́ŋkáŋ. 12 Ɛ́ wɩ́ɛ́, nɩɛ ná wuu há tʋ́ŋ ɛ́ wɩ́tɩɛnɛ, Nyuutɩna Wɩɩsɛ sɩ́ a rɩ́ tɩ́náwa rɩ́wɔ bɛlɛ rɩ́wɔ́ jaa nɩɛ yɩra báá sɩ́ Ɩzɩrayɛl mɛ́ yɩ́rʋ́. Ká rʋ́ʋ́ zɔkɛ nɛrɔ ná há sɩ́ ɔsɛ vʋk Nyuutɩna Wɩɩsɛ, doé wuu tɩ́na Wɩɩsɛ sɩ́ɛ́, ɓa yɩr mɛ́. 13 Ɩ́ wɩ́'aalɩ́ nɔ́ŋɔ má nɛ́ ká: Ɩ́ɩ́ isi mʋ́ Nyuutɩna Wɩɩsɛ koro ná, a wii hiini, a bɩsɛ sɩ́mɩɩrʋ ʋ daha, beewɩ́ɛ́ Nyuutɩna Wɩɩsɛ sɩ́ɛ́ báá toiwa mɛ́, a báá wɩwa nɛ́sɛ satɔ́ɔ́rɛ́ pállɛ́ la. 14 Ɩ́ bɔsɩ́wa tɩɩ a bʋlɛ: Bee rí tɛ Wɩɩsɛ báá wɩ́rá nɛ́sɛ satɔ́ɔ́rɛ́ pállɛ́ ja>> Ɩ́ sɩɛ́ sʋ́llɛ wɩ́ɩ́ ná ɩ́ há tʋ́mɛ́ mɛ́ rɩ yáá>> Ɩ́ haŋpɔháálɔ (dʋ́ŋdʋʋ̃́ háálɔ) ná ɩ́ há jɛ́ɛ́, ŋ é Nyuutɩna Wɩɩsɛ sɩ́ɛ́ mɛ́ nɛ́, ɩ́ tá nʋɔ bʋlɩ́wa wʋ́ʋ́ kír ta. Ʋ nɛ́ fa kɛ́ɛ́ vállɩ́nɔ́ŋɔ; bee rí sɩɛ́ tɛ́, ɩ́ bɩ́rɩ́wa nʋɔ ná har>> 15 Ɩ́ dʋŋɔ́ rá Nyuutɩna Wɩɩsɛ lɩ́sɛ rɩ́ɩ́wa a balá tɛŋnamɩɛ rɩ́ sabɩɩna mɛ́ rɛ́ɛ́>> Ɛ́ sabɩɩna wɩ́jaalɩ́ nɛ́ ká bee rí>> Ʋ wɩ́jaalɩ́ raá too rɩ́ Wɩɩsɛ pɛɩ́wa bɛlɛ rɛɛ́>> Ɛ́ wɩ́ɛ́, ɩ́ pɔ́ɩ́wa tɩɩ mɛ́ a sɩ́ɩ́wa dʋ́ŋdʋʋ̃́ háála ɩ́ há jɛ́ɛ́ kír tá. 16 "Ŋ é Nyuutɩna Wɩɩsɛ, Ɩzɩrayɛl Wɩɩsɛ doé wuu tɩ́na Wɩɩsɛ bɛ́rɛ́ báálɔ ná wuu há kírú háálɔ tá, tɩna ɔ́ɔ́ zɔkɛ. Ɛ́ wɩ́ɛ́, rɩ́ nɛrɔ wuu pɔʋ́ tɩɩ mɛ́ a sɩ́ nʋtʋmɛ ná zɔ́kʋ́."»
Nyuutɩna Wɩɩsɛ sɩ́ tʋmʋ́ nɩ́lɩ́sɛ
17 «Ɩ́ɩ́ wálmɛ Nyuutɩna Wɩɩsɛ rɛ́, arɩ́rɩ́wa nʋɔ wɩ́bʋlɛ́ ná. Ɩ́ɩ́ bʋ́lɛ́: "Béé mí rí á wɩ́wálmʋ́>>" Ɩ́ sɛ́: "Nyuutɩna Wɩɩsɛ á werí aá pá wɩ́tɛ'aara, anʋ́ʋ́ há tʋ́ŋ ɛ́ aá pá nɩwere. Ká báá bʋlɛ́: "Wɩɩsɛ yɛ́rɛ́ ná mɩŋ nɛɛ́ rɛ́ɛ́ >>"