13
1 «Ɛ́ kal, nyibulsɩ́ɩ́ sɩ́ poŋ, a sɛsɛ Davidi jaa nɩɛ rɩ́ Zerizalɛmɛ nɩɛ wɩ́bɔma arɩ́wɔ́ busunnu.»Wɩɩsɛ sɩ́ a rɩ́ veŋgúlli arɩ́ nyɩɛrʋ wɩ́laabʋlla nyɩ́ɩ́kɛ
2 Nyuutɩna Wɩɩsɛ ná há ká Doe wuu tɩna sɛ́, ɛ́ kal, ŋ sɩ́ a rɩ́ veŋgúlli yʋ́ksɛ tɔ́ɔ́ ná mɛ́, nɛ́ŋ báá waá a rʋ́ʋ́ yɩ́rwɔ́ yɩra. Ŋ sɩ́ a rɩ́ wɩ́laabʋlla arɩ́wɔ́ busunnu sabɩɩna má nyɩ́ɩ́kɛ tɔ́ɔ́ ná mɛ́. 3 Ɛ́ wɩ́ɛ́, rɩ́ nɛ́ŋ báá lá wɩ́ɛ́ rɩ bʋl, ʋ áná rɩ́rʋ́ maá tɩɩ nɛ́ há lʋ́lʋ́, sɩ́ bʋ́lʋ́ rɩ́ a bʋlɛ́: «Ɩ báá wɩ mɔhɛ̃́ rɩ́ɩ́ ka mɩɩsɛ, beé wɩ́ɛ́, nyɩɛnnɛ nɩ́ɩ́ nyɛ́, Nyuutɩna Wɩɩsɛ ná ká Doe wuu tɩna yɩr mɛ́.» Ká rʋ́ʋ́ áná rɩ́rʋ́ maá ná tɩɩ nɛ́ há lʋ́lʋ́, cɔ́kʋ́ ɓʋ́ʋ́ tɛ́ŋ ná mɛ́ ʋ há lá wɩ́ɛ́ aá bʋl. 4 Ɛ́ kal, hɩ̃́ɩ̃́sɛ sɩ́ ka wɩ́laabʋlla oro wuu, ɓa wɩ́laabʋlɛ́ rɩ́wɔ́ wɩ́náálɛ ná wɩ́ɛ́. Ɓa báá wɩ kɛnɔ kapooti sú, rɩ́wɔ́ zɩŋwɔ́. 5 Oro wuu sɩ́ báásɛ a bʋlɛ́: «Ŋ to wɩ́laabʋ́llʋ́, ŋ ká bápaarɔ nɛ́. Ŋ pʋɔsɛ́ wuu mí, ŋ kéŋ baka.» 6 Ɛ́ nɛ́ sɩɛ́ rɩ́wɔ́ bɔ́sʋ́ a bʋlɛ́: «Fʋgʋgɔrɔ nyáŋ cɩ́ ɛ́rɛɛ́wa rɛ́, a mɩ́nɩ́ baŋcɩla mɛ́?» Ʋ sɩ́ bʋlɛ́: «Ŋ nɩcólle jaa mɛ́ nɛ́, ɓa ŋmɔ́wɩ́ŋ a pɩrɛ.»
Nʋtʋmɛfɛlɔ wɩ́ɛ́
7 Ná Nyuutɩna Wɩɩsɛ ná há ká Doe wuu tɩna há sʋ́ʋ́ ná: «Tókówí, isi a cɩ́nɩ́ŋ penʋɔlɔ mɛ́,
a cɩ́nɩ́ŋ tʋtʋ́nnɩ́nɔ́ŋɔ mɛ́.
Ɓʋ́ penʋɔlɔ, rɩ́ piẽŋse pɩsɛ,
ká rɩ́ŋ nɛ́sɛ bɩrko a ɓʋ́ʋ́sɛ pebɛlɛ má tɩɩ.
8 Nyuutɩna Wɩɩsɛ sɛ́: «Ɛ́ wɩ́ɛ́, rɩ́ tɔ́ɔ́ ná nɩɛ wuu ní, rɩ́wɔ́ kaa ɓa púlli botoro, púlli bɛllɛ sɩ́ sʋsɛ
ká káánɛ púl balá.
9 Ŋ sɩ́ a rɩ́ ɛ́ púl balá nɩɛ há káánɛ, zʋ níŋ sɩɛrʋ,
ŋ sɩ́ mɩ́ɛ́rʋ́, a cʋɔrʋ́ anɛ ɓa háá cʋɔrɛ wárɛ busuunu ɛ́,
ŋ sɩ́ mɩ́ɛ́rʋ́, a cʋɔrʋ́ anɛ ɓa háá cʋɔrɛ salmɛ ɛ́.
Ɓa é sɩ́ yɩrɛ héŋ mí,
ká rɩ́ŋ saŋ má.
Ŋ sɩ́ bʋlɛ́: «Ɓa nɛ́ káŋ nɩɛ!»
ká rɩ́wɔ́ má bʋlɛ́: «Á Wɩɩsɛ nɛ́ ká Nyuutɩna Wɩɩsɛ.»