Córi nyúú mí wɩ́náálɛ: Lalyóórítórkówa baná
6
1 Ŋ báá múúló a ná lalyóórítórkowa baná, rɩ ɓa lɛ́ pallɛ bɛllɛ há kéŋ kɔmɔ́, pɛ́kɛ aá lɛ́. 2 Zákhɛŋbɛŋɛ nɛ́ fa kéŋ dʋŋdʋ́ʋ̃́ lalyóórítórko ná aá va, zákbísí fa mɩŋ bʋllɛ ɓɩnɔ mɛ́ nɛ́, 3 zákpʋ́ŋsɛ nɛ́ fa mɩŋ botoro ɓɩnɔ mɛ́, ká záksɛ ná há táksɛ́ ɓɩfɩɛŋsɛ fa mɩŋ baná ɓɩnɔ mɛ́. 4 Ŋ bɔsɛ málka ná fa háá bʋlɩ́ŋ rɩ́ a bʋlɛ́: «Ŋ nyúútɩ́na, onni nyáŋ má ká beé rí>>» 5 Ʋ bʋl a páŋ a bʋlɛ́: «Bána poowa ná baná nɛ́, ɓa fa mɩŋ tíé wuu Nyuutɩna sɩ́ɛ́ nɛ́, mʋ́l né mí ɓa lʋ́ʋ́ rɩ́ nɛ́.» 6 Zákbísí ná háá pɔsɛ lalyóórítórko ná mʋ́ wɩɩsɛ dɩpomí nɛ́gʋɔ rɩ́ dɩtɩ́llɛ, zákpʋŋsɛ ná fa tɩ́ŋwɔ́ mɛ́, ká záksɛ ná há táksɛ́ ɓɩfɩɛŋsɛ mʋ́ wɩɩsɛ dɩpomí néduu rí dɩtɩ́llɛ. 7 Zákhɛŋbɛŋɛ ná tuuperi a sʋl, ká rɩ́wɔ́ gʋɔrɛ dúníé wuu. Ɛ́ nɛ́ Nyuutɩna Wɩɩsɛ bʋlwɔ́ rɩ́ a bʋlɛ́: «Ɩ́ mʋ́ gʋɔrɛ duníé wuu.» Ɛ́ nɛ́ ɓa tʋŋ ɛ́. 8 Ɛ́ nɛ́ Nyuutɩna yɩ́rɩ́ŋ a bʋlɛ́: «Bel ná, ɓa ná há mʋ́ wɩɩsɛ dɩpomí nɛ́gʋɔ dɩtɩ́llɛ rɩ́, ɓa sɩ́ a rɩ́ŋ cɔ́ɛ́ pɔrɛ tɔ́ɔ́ ná nɩɛ nyúú.Zozie kuónéŋcú malla wɩ́ɛ́
9 Nyuutɩna Wɩɩsɛ bʋlɩ́ŋ rɩ́ a bʋlɛ́: 10 «La lalnɩkɛ́sɛ́ kɩɛsɔ́ onni ná Helidayi rɩ́ Tobiya arɩ́ Yedaya há kené ko. Ɩ tɩɩ zaa mʋ́ Sefaniya bio Zoziya jaa, ɛ́ báála bɩ́rɔ́ lɛ́ Babɩlɔŋ a ko cɩkɛ ráŋ nɛ́. 11 Pi salmɛ ná rɩ́ wárɛ́ ná a cʋɔrɛ kuónéŋcú, a pii cú a pá vʋk'ɔɔsɔ nɔhɔ̃́ Zozie há ká Yehosadaki bio, 12 ká bʋl pɔ́ʋ́ a bʋlɛ́: “Ná Nyuutɩna Wɩɩsɛ ná há ká dóé wuu tɩ́na há sʋ́ʋ́ ná:
Bál rɛ́ ráŋ ʋ yɩr a “Oŋnyɩla”,
ʋ sɩ́ nyʋ́ a puri paarʋ ʋ dɩmɩnɩ́,
ʋ nɛ́ sɩɛ́ a rʋ́ʋ́ bɩrsɔ́ŋ jɩzeno ná.
13 Taŋá wuu, ʋ nɛ́ sɩ́ bɩrsɔ́ʋ́.
Ʋ sɩ́ sú kuógɛnnɛ,
a kénú kuóɓasa daha,
a dí kuorí nɩɛ nyúú.
Vʋk'ɔ́ɔ́sɔ oro má sɩ́ kénú kuóɓasa ná laka,
ká nʋtʋmɛ ɓɩwero mɩ́ŋwɔ́ bɛllɛ pɛ́kɛ.
14 “Kuónéŋcú ná sɩ́ a lííse ŋ jɩzeno ná sɩɛrʋ, Helidayi rɩ́ Tobiya rɩ́ Yedaya wɩ́ɛ́ arɩ́ Sefaniya bio sawér ná wɩ́ɛ́.
15 Nɩɛ sɩ́ lɩ dɩ́bóli a ko pɛ́ a sɔ Nyuutɩna Wɩɩsɛ jɩzeno ná. Ɛ́ nɛ́ sɩɛ́ rɩ́ɩ́wa zɩŋ rɩ́ Nyuutɩna Wɩɩsɛ ná há ká dóé wuu tɩ́na nɛ́ tʋmɩ́ŋ ɩ́ rɩ́. Ɛ́ wɩ́ɛ́ wuu nʋɔ sɩ́ sú, rɩɩ́wa nɛ́ ɓɩɛ́na zíl Nyuutɩna Wɩɩsɛ, ɩ́ Wɩɩsɛ nʋɔ. AAAAAAAAAAAAAAA