Balgo nyúú mí wɩ́náálɛ: Kɛŋfilí
5
1 Ŋ báá múúló ná kɛŋgumí, rʋʋ fílú. 2 Ɛ́ nɛ́ málka ná bɔ́sɩ́ŋ a bʋlɛ́: «Ɩ ná beé rí>>» Ɛ́ nɛ́ ŋ sɛ́: «Ŋ ná kɛŋgumí rʋʋ fílú: ʋ gbési nɛ́ nɛ́gʋ́tóko sɩ́ɩ́ mɛrɛ́, kɔ́ʋ́ jɛ́l a nɛ́gʋ́tóko fí.» 3 Ɛ́ nɛ́ ʋ bʋ́lɩ́ŋ rɩ́ a bʋlɛ́: «Bʋra ná há sɩ́ dí tɔ́ɔ́ ná wuu nɛ́ ɛ́: ʋ cɔɔ nɔ́ŋɔ, ɓa pʋ́ŋsɔ́ a bʋlɛ́ gaara wuu sɩ́ nyɩ́ɩ́kɛ, ká cɔɔ ná nɔ́ŋɔ má, ɓa pʋ́ŋsɛ a bʋlɛ́ nyɛtɩɩna má wuu sɩ́ nyɩ́ɩ́kɛ.» 4 Ɛ́ bʋra sɩ́ zʋ gaarɔ é wuu jaa arɩ́ nɛ́ŋ ná é wuu háá ŋmɩ́ɛ̃́sɛ rɩ́ nyɩɛrʋ ŋ yɩr mɛ́; ʋ sɩ́ káánɛ róŋ a zɔ́kʋ́, ʋ daasɛ rɩ́rʋ́ dɔ́wʋ́ɔ́ wuu.» Nyuutɩna Wɩɩsɛ ná há ká dóé wuu tɩ́na nɛ́ bʋ́lɛ́.Balpɛ nyúú mí wɩ́náálɛ: Háálɔ ná há ké kúre sɩɛrʋ
5 Málka ná faá há bʋ́lɩ́ŋ rɩ́, tuuperi a bʋlɛ́: «Taŋá wuu, bel ná, beé rí koé nyɩɩsɛ nyɛ>>» 6 Ɛ́ nɛ́ ŋ bɔ́sʋ́ a bʋlɛ́: «Ʋ mʋ́l nɛ́ beé rí>>» Ɛ́ nɛ́ ʋ sɛ́: «Kúre ní nyɩ́ɩ́sɛ́, tɔ́ɔ́ ná wuu wɩ́bɔma nɛ́ mɩŋ ráŋ.»
7 Ɛ́ tɛ́ŋ mɛ́, rɩ́ cúl zimo ná fa há cú kúre ná mɛ́, wúró káŋ ná hál rʋʋ kénú sɩɛrʋ. 8 Málka ná bʋlɩ́ŋ rɩ́ a bʋlɛ́: «Ɛ́ háálɔ nɛ́ ká sahaksɩ́.»
Ká yíkú ʋ bɩrzʋ sɩɛrʋ, kɔ́ʋ́ ka cúl zimo ná tɔ́. 9 Ká ŋ baa muuli a ná háála bɛllɛ rɩ́ ɓaá ko. Ɓa fa kéŋ kiŋkeru há nɩhɩ̃́ kaŋkʋɔŋ ɓɩɛ, poo yíkwó ɓaá fil. Ɓa ko a pi kúre ná tíé, a kaa fil zɛ́ nyúú rí. 10 Ŋ bɔsɛ málka ná a bʋlɛ́: «Nɛɛ́ rɛ́ ɓa ka kúre ná aá mʋ́>>» 11 Ʋ bʋlɩ́ŋ rɩ́ a bʋlɛ́: «Ɓa kénú aá mʋ́ Babɩlɔŋ nɛ́, rɩ́wɔ́ sɔ veŋjaa a pɔ́ʋ́; a má nafara, a púú sákʋ́ daha ráŋ.»