Bɔmmʋ́ɔ́ nyúú mí wɩ́náálɛ: Cáŋdaa arɩ́ Olívi tuuni
4
1 Málka ná fa haá bʋ́lɩ́ŋ rɩ́ kuó a, ŋ gírki isi anɛ dópɩ́nnɔ. 2 Ʋ bɔ́sɩ́ŋ a bʋlɛ́: «Ɩ ná beé rí>>» Ɛ́nɩ́ŋ sɛ́: «Ŋŋ́ ná cáŋdaa, rʋ́ʋ́ wuu ká salmɛ, ʋ nyúú rí ka nʋʋ loŋŋo. Cáŋsɛ balpɛ mɩ́nʋ́ daha, oro wuu ka gɛpunni balpɛ. 3 Olívi tuuni bɛllɛ má cɩ́ nʋʋ loŋŋo ná laka, nɔ́ŋɔ néduu, nɔ́ŋɔ nɛ́gʋɔ.» 4 Ɛ́ nɛ́ ŋ bɔsɛ málka ná háá bʋ́lɩ́ŋ rɩ́ a bʋlɛ́: «Nyáŋ wuu mʋ́l nɛ́ beé rí, ŋ Nyuutɩna>>» 5 Ʋ baa bɔ́sɩ́ŋ a bʋlɛ́: «Ɩ wʋ́ɔ́ mʋ́l ɛ̃́>>» Ɛ́ nɛ́ ŋ sɛ́ aí, ŋ Nyuutɩna. 6 Ʋ sɩɛ́ bʋ́lɩ́ŋ rɩ́ a bʋlɛ́: Ná Nyuutɩna Wɩɩsɛ liŋó, rɩ́ɩ́ bʋ́l a pá Zorobabɛl: Ɩ tɩɩ tíŋ rá, ɩ tɩɩ vadóé má rá, amá ŋ sabɩɩna dóé ní, Nyuutɩna Wɩɩsɛ ná há ká dóé wuu tɩ́na nɛ́ bʋlɛ́.7 Ʋ súúro a bʋlɛ́: «Héí, Paalɩzeno, áŋ kɛ́ɩ́>>
Ɩ dé nɛ́ tíŋtéle ní Zorobabel sɩ́ɛ́ mɛ́,
ʋ sɩ́ lɩ́sɛ jaa mʋ́biló dɔ́wɩ́ ɩ sɩɛrʋ,
rɩ́ nɩɛ bɛ́llʋ́ ká bʋlɛ́:
“Tabárkála, tabárkála”.»
ʋ nɛ́sɛ nɛ́ sɩɛ́ sɩ́ sɔ tenni.
Ɛ́ é, ɩ́ sɩ́ zɩŋ rɩ́ Nyuutɩna Wɩɩsɛ ná há ká dóé wuu tɩ́na nɛ́ tʋ́mɩ́ŋ ɩ́ rɩ́. 10 Áŋ rɛ́ faá guoni púle tʋtʋ́ŋwɩɛla ná>>
Ɓa sɩ́ jʋɔsɛ, ɓa há sɩ́ ná jɩsɔ́ɔ́rɛ́ŋmɛ́ŋ
Zorobabel nɛ́sɛ mɛ́. «Cáŋsɛ ná balpɛ nɛ́ ká Nyuutɩna sɩ́ɛ́ ná, háá kíɛ́lɛ wɩ́ɛ́ ná wuu háá tʋŋ tíé nyúú.»
11 Ɛ́ nɛ́ ŋ baa bɔ́sʋ́: «Olívi tuuni nyáŋ bɛllɛ há cɛ́ cáŋdaa ná laka, nɔ́ŋɔ néduu, nɔ́ŋɔ má nɛ́gʋɔ mʋ́l nɛ́ beé rí>>» 12 Káŋ baa bɔ́sʋ́ bʋllɛ mɛ́ a bʋlɛ́: «Olívi tuhílli nyáŋ bɛllɛ há mɩŋ salmɛ nʋpálsɩ́ɛ́ nyáŋ bɛllɛ laka, nʋʋ háá tʋ́lɛ́ anɛ salmɛ, a tɩ́ŋwɔ́ mɛ́ aá pál mʋ́l nɛ́ beé rí>>» 13 Ʋ bɔ́sɩ́ŋ a bʋlɛ́: «Ɩ wʋ́ɔ́ mʋ́l ɛ̃́>>» Ŋ sɛ́: Aí, ŋ Nyuutɩna. 14 Ɛ́ nɛ́ ʋ sɩɛ́ máŋsɛ a bʋlɛ́: «Báála ná bɛllɛ ɓa há ɔ́ŋsɛ lɩ́sɛnʋʋ héwó nyúnni mí, rɩ́wɔ́ mɩŋ tíé wuu Nyuutɩna sɩ́ɛ́, ɓa nɛ́ ɛ́.»