Nʋvɔ́wɔ́ ná Nyuutɩna Wɩɩsɛ há wáá já wɩ́ɛ́
7
1 Kuóro Dariyusi kuorí bɩŋsɛ baná nyúú mí, caŋsɛ nɛ́mɛ́ nyúú mí cana, cana ná ɓa háá yɩ́rɛ Kisile, ʋ tápʋ́lɛ́ baná kal, Nyuutɩna Wɩɩsɛ bʋl Zakari rí. 2 Betɛl nɩɛ fa tʋ́ŋ Sarɛtɛzɛɛrɛ rɩ́ Rɩgɛmmɛlɛkɛ arɩ́wɔ́ nɩɛ rɩ́wɔ́ mʋ́ jɛnnɛ Nyuutɩna Wɩɩsɛ, rʋ́ʋ́ mákʋ́ sáwér, 3 ká bɔsɛ vʋk'ɔɔsa ná arɩ́ wɩ́laabʋlla ná há mɩŋ Nyuutɩna Wɩɩsɛ ná há ká dóé wuu tɩ́na jɩzeno mí a bʋlɛ́: «Bɩna sɩɛrʋ, caŋsɛ bɔmmʋ́ɔ́ nyúú mí, á baa wi a vɔwɛ nʋɔ a anɛ ɛ́, á fa háá ɛ́ɛ́, bɩŋsɛ ná wuu>>» 4 Ɛ́ nɛ́ Nyuutɩna Wɩɩsɛ ná há ká dóé wuu tɩ́na bʋlɩ́ŋ é Zakari rɩ́ a bʋlɛ́: 5 Bʋl pá vʋk'ɔɔsa ná arɩ́ tɔ́ɔ́ ná nɩɛ wuu a bʋlɛ́: «Ɩ́ há vɔ́wɛ́ nʋʋsɛ, a wi hiini, bɩna sɩɛrʋ caŋsɛ bɔmmʋ́ɔ́ arɩ́ balpɛ nyúú mí; bɩŋsɛ mɛɛ́sɩ́botoro arɩ́ fí ná wuu sɩɛrʋ, taŋá wuu, ŋ wɩ́ɛ́ nɛ́ ɩ́ vɔ́wɛ́ nʋɔ>> 6 Ɩ́ háá ko dí ɓɩɛ káá nyɔ ɛ́, ɩ́ tɩɩ wérí wɩ́ɛ́ ráá ɩ́ tʋ́tʋ́ŋ ɛ́ rɛ́>> b 7 Ɛ́ wɩ́ɛ́ rá sɩɛ́ fa Nyuutɩna Wɩɩsɛ tɩ́ŋʋ́ dʋ́ŋdʋʋ̃́ wɩ́laabʋlla mɛ́ a bʋl; tɛ́ŋ ná mɛ́ Zerizalɛmɛ rɩ́rʋ́ laka tɔ́wɩ́ɛ́la fa há kéŋ tɛŋfɩ́ɛ́l, wálmɛ́ tó, ká Nɩgɛɛvɛ* rɩ́ Sefela* dɩtɩ́llɛ́ má nɩɛ pul wérí rí>>»8 Nyuutɩna Wɩɩsɛ bʋl Zakari rí a bʋlɛ́: 9 «Náŋ é Nyuutɩna Wɩɩsɛ ná há ká dóé wuu tɩ́na há sʋ́ʋ́ ná: Ɩ́ dí sarɩ́yawa arɩ́ taŋá, ká rɩ́ nɛrɔ wuu ká cólle arɩ́ susufɔ́ɔ́, ʋ maábinɔ́ŋɔ rɩ́. 10 Ɩ́ sɩ́ yúháála rɩ́ bisíŋsi rɩ́ nɩhʋɔra arɩ́ nɩyaara vɩ́rʋ́. Rɩɩ́wa sɩɛrʋ nɛ́ŋ wuú sɩ́ bɔ́ŋbɔ́ŋ bɩ́ɩ́nʋ́ rɩ́ɩ́ cáásʋ́ nɔ́ŋɔ.» 11 Amá nɩɛ wɩ zésé: Ɓa bɩ́rwɔ́ har tɛ́, a fɛ́sɩ́wɔ́ dɩlla má, rɩ́wɔ́ sɩ́ nɛ́. 12 A duóriwó baŋcɩllɛ má anɛ dɔ́wɩduóru; ɓa há wáá já rɩ́wɔ́ zésí Nyuutɩna Wɩɩsɛ ná há ká dóé wuu tɩ́na wɩ́makɛ́ ná rɩ́rʋ́ wɩ́bʋlɛ́ ná, ʋ Sabɩɩna há tɩ́ŋʋ́ dʋ́ŋdʋʋ̃́ wɩ́laabʋlla mɛ́ a bʋl pɔ́wɔ́. Ɛ́ nɛ́ Nyuutɩna Wɩɩsɛ ná há ká dóé wuu tɩ́na caasɛ dí cɔ́ɛ́ kɩ́ŋkáŋ ɓa nyúú. 13 Ʋ sɛ́:
«Ŋ fa há yɩ́rwɔ́ rɩ́wɔ́ zilíŋ
ká ɓa wɩ́ŋ rɩ́ zésé,
ɛ́ nɛ́ tɛ ɓa má yɩr héŋ mí,
a zʋ́ duowa ná wuu
ɓa fa há wʋ́ɔ́ ɛ̃ sɩɛrʋ.
Ká tá tɔ́ɔ́ ná wúólí ɓa har rɩ́,
nɛ́ŋ wɩ ráŋ mʋ́, nɛ́ŋ wɩ ráŋ lɛ́.
Ɓa ɔ́ɔ́ ɓa tɔ́wéró ná bɩrmɛ tɔ́bɔmɔ.»