Ɓa ɓʋ́ʋ́sɛ Ninivi nɩɛ jɛrɛ
3
1 Wɩɩla púí, tɔ́zeno Ninivi! Beewɩɛ cɛ́l pálɩ́ sɩɛrʋ kɩ́ŋkáŋ. Nyɩɛrʋ rɩ́ gaárʋ́ dʋŋɔ nɛ́ súí, kɛ́ɩ́ tɩŋ gɩ́ŋgɩ́rmʋ mɛ́ aá la nɩɛ ɓɩɛ. 2 Zesi tɔ́ɔ́ sɩɛrʋ ná, vɩllɛ nɩ́ɩ́ dɔ́mɛ́; laltorkowa naasɛ dɩ́dɔ́ŋ, záksɛ fá aá dɔ́ŋ, ká ɓa lalyóórítórkowa má dɩ́dɔ́ŋ. 3 Zákzɩ́nna ísí lal mɛ́, ɓa tókowíé tɩ́tɔkɛ níŋ, cɔlmɛwa ká nyɛ pɩlɛ́ pɩlɛ́ anɛ duófɩ́llɛ. A ɓʋ́ʋ́sɛ nɩɛ jɛrɛ, sʋsɛ nyáŋ náŋá dahá, ɓa wʋ́ɔ́ wuó dɩɩsɛ, nɩɛ va aá gɛ́nnɛ́wɔ́ mɛ́.Wɩɩsɛ sɩ́ hɩ̃ɩ̃sɛ Ninivi
4 Ninivi nɩhɩ̃ hácɔrmɔ nɛ́, ʋ tʋŋ cɔ́rmɛ wɩ́'állɛ kɩ́ŋkáŋ. Ʋ pɔ́rʋ́ tɩɩ mɛ́, a bɩ́rmʋ́ tɩɩ wérí, a ka lunne aá kɛsɛ nɩɛ; ʋ tɩ́ŋʋ́ cɔ́rmɛ rɩ́rʋ́ hɩlwɩ́ɛ́ mɛ́ kɛsɛ duowa náŋa nɩɛ. 5 Ŋ sɩ́ɛ́ ísó cɩ́nɩ́ɩ́ mɛ́. Nyuutɩna Wɩɩsɛ ná dóé há kɛ óŋ wuu nɛ́ bʋ́lɛ́. Ŋ sɩ́ kánɩ́ goŋdó kʋɔrɛ/wurki zɩ́yakɩ́ sɩ́ɛ́ mɛ́, rɩ́ duowa nɩɛ néí tɛŋɓɩla, rɩ́ kuódɩtɩ́llɛ nɩɛ bélí mʋ́ʋ́la/hɩ̃ɩ̃sɛ. 6 Ŋ sɩ́ a rɩ́ zʋ busunnu, rɩ́ hɩ̃ɩ̃sɛ kánɩ́. Rɩ nɛrɔ wuu néí, rʋ́ pɛ sɩ́ɛ́ cɔ́ɩ́ mɛ́ aá belí. 7 Rɩ nɛrɔ wuu néí, rʋ́ʋ́ fá ká bʋlɛ́ : « Ninivi yɛ́rkɔ́! Aŋ rɩ́ á rʋ́ʋ́ fɔ́ʋ́ susu? » Ŋŋ ja rɩ́ŋ ná (jáŋ) nɩɛ nɛ́ɛ́, rɩ́wɔ́ ko bʋɔ́lɩ́?
Ɓa sɩ́ bɛŋsɛ Ninivi má anɛ Tɛbɛsɛ
8 Ninivi, ɩ bɩ́ɩ́nɔ́ rɩ cícó Tɛbɛsɛ há ká tɔ́zéní a mɩŋ Ezipiti mí rí ɓóó? Ɛ́ tɔ́ɔ́ fa mɩŋ Ezipiti fozeno Nil nyipal naasɛ pɛ́kɛ nɛ́, nyii kílú; Nil nyii kɛ́rʋ́ mɛ́, anɛ zeŋ ɓa há sɔ́ɛ́ kíl tɔ́ɔ́. 9 Etiyopi tɔ́ɔ́ rɩ́ Ezipiti tɔ́ɔ́ nɛ́ fa kɔ́ʋ́ dóé. Puti nɩɛ rɩ́ Libi nɩɛ má nɛ́ fa kué aá sáŋʋ́ mɛ́. 10 Ká a rɩ́ ɛ́ wuu, ɓa kɛ́sʋ́ nɩɛ a kaa mʋ́ yómí. Dɩŋdɔma pʋ́nnʋ́ bipʋllɛ ŋmɛ́ŋcaksawa wuu mí. Ɓa kɛ́sʋ́ kuóre vɔsɛ rɩ́ bɛŋzɛllɛ, ká kɛsʋ́ tɔ́ɔ́ sɩ́dííre, a yo bíé paa ɓa náŋá. 11 Ninivi, Ɩ má tɔ́ɔ́ nɛ́ pʋ́lɛ́, rɩ́ wɩɩla nɩ́ɩ́sɩ́ (bʋ́rɩ́), rɩ́ gɩ́gɛ́nnɛ anɛ sɩnyɔɔrɔ; rɩ́ɩ́ má baa fá aá ja dɩféŋsi, rɩ́ɩ́ dɩŋdɔmɔ sɩ́ɩ́ ná.
Ninivi báá tóó
12 Zegbóru ná ɩ há sɔ́ɛ́ kɛ́rɩ́ tɩɩ mɛ́, ɓa nɩhɩ̃́ pirnɔŋbɩɩlɛ́, ɓa há záksɛ́ ɓa yuori ní; nɛrɔ ná má há cówó, ʋ paa dí. 13 Ɩ lalyoore wuu nɩhɩ̃́ háála nɛ́, ɓa wɩ dóé kené. Níŋ díí tɔ́ɔ́ dánnʋzeŋsi ná bonni, ká ɓa wúnni cɛ́ a pɛ́ɩ́ dɩŋdɔma 14 Ninivi nɩɛ, ɩ́ tɔwɛ nyii a cákɩ́wa tɩɩ, nɩɛ háá kué rɩ́wɔ́ yóéwa wɩ́ɛ́; ɩ́ nʋɔsɛ tɛ́ŋ a lɩ́sɛ wárɛ́wa, a bɩrsɔ zekɛ́rɛ ná. 15 Dɩŋdɔmɔ sɩ́ tɔkɛ níŋ héíwa tɔ́ɔ́ mɛ́, rɩ́ɩ́wa sʋsɛ ráŋ, ɛ́rá má rɩ́wɔ́ ɓʋ́ʋ́sɩ́wa rɩ́ tókowíé. Ɓa sɩ́ zɔ́kɩ́ɩ́wa, anɛ́ hʋ̃ɔ̃́sɛ háá díí nyɔ́ɔ́ ɛ́.
Ninivi mí, nɛŋ balá má waá káánɛ
Ninivi, ɩ nɩɛ fa kánɔ́ anɛ tʋwíé ní. 16 Ɩ bayɛlɛ káŋ fa kɛ caŋwʋllɛ, Ama ɓa wuu sɩ́ yʋ́ksɛ anɛ hʋɔ̃yorowa há dí nyɔ́ɔ́ ká isi fil ní. 17 Ɩ tɔ́belle fa ɓɛsɔ anɛ hʋɔ̃́sɛ nɛ́; Ɩ tʋtʋnna nɩhɩɛ̃́sɛ má nɛ tʋwíé há mʋ́ɛ́ faarɛ túí mí, warʋ tɛ́ŋ mɛ́. Ká rɩ wɩɩsɛ kúó háksɛ, ɓa wuu isi fil col, nɛ́ŋ wʋ́ɔ́ dɩmʋ́ɩ́ ɛ̃. Ɓa sɩɛ́ mʋ́ nɛ́ɛ́? 18 Asiri, ɩ kuówɩɛla pɛ́ dóŋ. (sʋ́sɔ́) Ɩ lalyóóríbɩbara báá wáá zíksi. Ɩ nibíwíé fɔ́ɔ́ zɛ́ pallɛ́, a pɩsɛ náŋá mɛ́, ká nɛ́ŋ tóó a kɛ́sɛ́wɔ́ aá hé náŋá mɛ́. 19 Ɓa ŋmɔ́wɩ́ bʋ́rmɛ ɩ cɛ́ sʋʋ mɛ́, ká lúrí tóó aá váárɩ́. Rɩ ɓa bʋ́lɩ́ ɓalɛ́ (zɔkɛ́) né wɩ́ɛ́ pá nɛ́ŋ wuu, ʋʋ́ yíllú ní, rɩ́ ŋmɔwɛ náporo. Bee wɩ́ɛ́, nɛ́ŋ mɩ́nɔ́ a wɩ́ɩ́ nɩɓʋ́ʋ́rɛwɩ́ɛ́ wɩɩla dɩŋderé ná díé?