Wɩlaabʋllɔ hɩɩ̃́ne wɩ́ɛ́
7
1 Bee nyúbɔ́ŋ rɛ́ púŋ nyɛ>>Ŋ nɩhɛ̃́ losu nɩkanɩ́ nɛ́,
vínyínɔnɔ rɩ́ pirnɔnɔ bɩɩ tɛ́ŋ mɛ́ nɛ́,
ŋ mʋ́ rɩ́ŋ ɓɔ́rɛ nɔŋbɩlɛ dí,
ŋ mʋɔ́ peri rɩ tuu ná wɩ́ nɔŋ kene,
ŋ fa hɩ́ɛ́nɛ́ vínyínɔnɔ, rɩ́ pírnɔnɔ,
a mʋ́ rɩ ɓa wɩ nɔŋ balá má tɩɩ kene.
2 Tɔ́ɔ́ ná sɩɛrʋ,
nɩɛ to róŋ a a tékétéké Wɩɩsɛ sɩ́ɛ́ mɛ́,
nɛ́ŋ balá má tɩɩ toó aá tʋŋ yɛrɛ.
ʋ nɩɛ wuu dé ká nɩɓʋ́ʋ́rá nɛ́,
oro wuu hé bárá, rʋ́ʋ́ kanʋ́ maábinɔ́ŋɔ.
3 Ɓa biéro werí,
bɔŋbɔŋ ɛɛ mɛ́.
kuóre, rɩ́ sariyadiire,
có rɩ́wɔ́ lá ɓɩɛ́ nɛ́ ká dí sariya,
bɩbárá bʋ́bʋ́lwɔ́ tɛŋpɔ́ɔ́rɩwɩɛ́,
ɓa keŋ kajáŋa rɩ́wɔ́ céŋ naŋá,
aá tʋ́ŋwɔ́ wɩ́tɩɛnnɛ.
4 Ɓa sɩɛrʋ nɩ́were nɩhɛ̃́ kaalɔ́ nɛ́,
ká ɓa sɩɛrʋ nɩ́taŋsɛ má nɛ̃́ sɔkólli túí.
Ɩ́ sɩɛ́ ná, kal rɩ́ɩ́ kué,
ɩ́ síŋtírpɔ́ɔ́ra ná, há kɛ́ɩ́wa wɩlaabʋlla, fa lá sɩɛ́ bʋl ɛ́ kal wɩ́ɛ́,
ɛ́ tápʋl sɩ́ a wɩɩla tápʋl a pɛɩwa.
Mʋ́lnémí, ɩ́ púló mɩŋ sazɔkɔ́ sɩɛrʋ nɛ́.
5 Ɛ́ wɩ́ɛ́, ɩ́ sɩ́ɩ́wa tɩɩ píí yelliwa kennináŋa mɛ́,
ɩ́ sɩ́ɩ́wa naŋnɔŋsɛ mɛ́ tɩɛ́kʋ́.
Ká rɩ́ nɛrɔ wuu sʋ́ʋ́ nʋɔ má tɩɩ mɛ́ wúrú,
rɩ́ bʋ́lʋ́ háálɔ rɩ́.
6 Bee wɩ́ɛ́, bio sɩ́ vɔ́ʋ́ áná nʋɔ,
rɩ́ tóló isi cɩ́nʋ́ maá mɛ́,
ká rɩ́ cakɔ́ mɩŋ bihál rɩ́ bála maá pɛkɛ.
Nɛrɔ wuu, tɩɩ jaa nɩɛ nɛ́ sɩ́ bɩ́rmʋ́ dɩŋdɔma.
7 Amá ŋ é, ŋŋ́ bel Nyuutɩna Wɩɩsɛ rɩ́ nɛ́,
ŋŋ yɩɛ́lɛ Wɩɩsɛ laatɛ nɛ́,
ʋ nɛ́ ká Wɩɩsɛ ná há sɩ́ zesíŋ búŋse.
Wɩɩsɛ nɩɛ wɩsʋlɔ́ rɩ́wɔ́ yɩɛ́la wɩ́ɛ́
8 Ɩ́ é
á dɩŋdɔma,
ɩ́ sɩ́ rá belú, rɩ́ mʋ́mɔŋ,
ráá é ní ɓallɛ́ má, á sɩ́ bɩr'isi,
ráá nɩ́ɩ́ va bíno sɩɛrʋ má,
á kéŋ Nyuutɩna Wɩɩsɛ yɩɛ́lla,
ʋ nɛ́ ká rá pʋmmɔ.
9 Á sɩ́ nyammɛ,
Nyuutɩna Wɩɩsɛ cɔwɩɩlɔ́́ ná,
bee wɩ́ɛ́ á nɛ́ ɛ́ɛ́ zɔkʋ́ mɛ́.
Amá kal rɩ́ɩ́ kué,
Nyuutɩna Wɩɩsɛ sɩ́ fárá susu, a pi taŋá párá.
ʋ sɩ́ a ráá lɩɩzʋ pʋmmɔ sɩɛrʋ,
rá dɩŋdɔma sɩ́ɩ́ ná, rɩ́ hɩɩ̃́sɛ káŋwɔ́,
bee wɩɛ́, ɓa faá bɔ́sɩ́rá a bʋlɛ:
«Nyuutɩna Wɩɩsɛ, ɩ́ Wɩɩsɛ ná mɩŋ nɛ́ɛ́ rɛ́>>»
ɓa sɩ́ɛ́ sɩ́ nʋɔ́sɩ́wɔ́ va, á sɩ́ɛ́ mɛ́,
anɛ ŋmɛ́nɔ nyúú pɩpɛrɛ́.
11 Kal rɩ́ɩ́ kué,
ɓa há sɩ́ bɩrɛ sɔɛ́wa tɔ́zeno zeŋe.
Ɛ́ kal nɛ́,
ɓa sɩ́ ɔsɛ jɛ́llɩ́wa dɩtɩ́llɛ súsúbʋɔnnɛ pɛɩ́wa.
12 Ɛ tɛ́ŋ mɛ́ nɛ́,
ɩ́ maábɩnaŋá ná há mɩ́ŋ,
Asiiri, rɩ́ Ezipiti,
rɩ́ Níl fuo nʋɔ, rɩ́ Ɩfɩratɛ mɛ́,
rɩ́wɔ́ ná há mɩŋ mʋʋ kíŋkere,
arɩ́ pallɛ dɩ́hɩ̃́ wuu,
sɩ́ bɩrɛ kuéwa rɩ́.
13 Ɛ har mɛ́,
dunié tɔ́káánɛ ná,
sɩ́ bɩrmɛ tɔ́ɓoó (gírbétéké),
a tɩŋ tɔ́ɔ́ ná nɩɛ sɔhɔ tʋtʋmɛ́ wɩ́ɛ́.
14 Nyuutɩna Wɩɩsɛ,
nʋ́ɔ́lɩ́ nɩɛ arɩ́rɩ́ penʋɔ́lɛ́ deŋtuke ná,
ɓa nɩhɛ̃́ píẽ́ŋse há wɩ nʋ́nʋɔlɔ kené ní, a mɩŋ gɩr tuuni sɩɛrʋ.
Ɩ nɛ́ sɩ́ bɩrɛ nʋɔ́lɩ́wɔ́,
a káŋwɔ́ mʋ́ Basaŋ,
rɩ́ Galaadɛ nyɔ́ were dɩhɩ̃́, anɛ ɩ die fa há bélwó mí ɛ́.
15 Ŋ sɩ́ tʋ́ŋ wɩ́gɩrɛ rɩ́wɔ́ ná,
anɛ ɛ́ ŋ fa há tʋ́mɛ́,
ɓa Ezipiti lɩɩ tɛ́ŋ mɛ́.
16 Ɛ́ mɛ́ nɛ́ rɩ́ duowa ná sɩ́ɩ́ ná,
rɩ́ hɩɩ̃́sɛ káŋwɔ́,
ɓa há sɛ́ ɓa kéŋ doé rí,
rɩ́wɔ́ nʋʋsɛ maanɛ,
wɩ́ɩ́ há gɩrwɔ́,.
anɛ́ tíé tútuure.
ɓa sɩ fá lɩ́wɔ́ tɔ́sɔ́kɛ́rɛ́ mɛ́,
a ko Nyuutɩna Wɩɩsɛ, á Wɩɩsɛ rɩ́, káá vaklɛ,
ʋ ɛ́ mɛ́ nɛ́, rɩ́wɔ́ sɩɛ́ zɩŋ rɩ́ɩ́ nɛ́ ká doé wuu tɩ́na.
18 Nyuutɩna Wɩɩsɛ,
ɩ nɔ́ŋɔ toó wɩŋsa sɩɛrʋ,
ɩ héí nɩ́lɩ́sɛ ná há káánɛ,
wɩ́bɔma suúri,
a píwó wɩ́állɛ bɔnɛ wuu cɛ́wɔ́.
ɩ cɔwɩɩlɔ́́ tówó nyúú deŋdéré,
bee wɩ́ɛ́, ɩ cólle sɩɛrʋ,
ɩɩ́ makɩ́ sawer tɛ́ŋ wuu mí.
19 Ʋ báá há sɩ́ fárá susú,
a hérá wɩ́bɔma suúri,
a báá sɩ́wɔ́ wɩ́ɛ́ liisú, beewɩ́ɛ́ ɩ sɩ yówó wuu hé mʋʋ sɩɛrʋ rɩ́wɔ́ tuwi mʋ́l rɩ́ wuu.
20 Ɩ sɩ́ makɩ́ sawer (nɩ́cɩ́tɩ́kɔ́) a pá Zakɔbɛ,
a makɩ́ naŋnɔnnɩ́ pá Abɩrahamɛ duo nɩɛ,
anɛ ɛ́ ɩ fa há tá nʋɔ párá naabálwa fól wuu. Fini le29 Juillet 2014.