OBA 1

1 Abdɩyasɛ duose sɩɛrʋ wɩ́náálɛ. Ná wɩ́ɛ́ ná Nyuutɩna Wɩɩsɛ há bʋ́lɛ́ a mʋ́ tɩɩnɛ Edɔ́ŋ nɩɛ mɛ́. Liŋó rí, Nyuutɩna Wɩɩsɛ pii tʋ́mʋ́ malɩ́ka, rʋ́ʋ́ kaa mʋ́ bʋl pá duó wuu nɩɛ a bʋlɛ́: «Ɩ́ isi rá mʋ́ yo Edɔŋ nɩɛ.»2 Nyuutɩna Wɩɩsɛ bʋ́lɔ́ pá Edɔŋ nɩɛ a bʋlɛ́:«Ɩ́ é Edɔŋ nɩɛ, ŋ sɩ́ a rɩ́ nɛ́ a duowa wuu sɩɛrʋ ɓiwie. Nɩɛ wuu sɩ́ lɩ́lɔ́rɩ́wa, aá múúríwa.3 Ɩ́ nyʋkzeno yéŋŋíwa. Ɩ́ zɩ́nɔ́ sɔ́ɩ́wa jɩɩsɛ pallɛ nyúúrí, a zʋʋ mɩŋ bʋ́ɔ́ pɛ́ksɛ. Ká bʋlɛ́: «Aŋ́ rɛ́ wo rɛ́ɛ́ aá zɛ́, aá lɩ́sɩ́rá, rá tuwi tíé >>»4 Rɩ́ɩ́wa có rɩ́wa fil zɛ́ bána anɛ kiesi, a cɛ́ɩ́ dɛllɛ caŋwʋllɛ sɩɛrʋ má, ŋ sɩ́ a rɩ́wa tuwi tíé. Nyuutɩna Wɩɩsɛ nɛ́ bʋ́lɛ́.5 Rɩ gaara, kaafóridííre ní kóí jaa tɩ́taŋ rɩ wɩ wommi, ɓa wɩ́ɩ́ jaa wuu ní zɔkɛ, káá pa onni ná wuu ɓa há woolé aá pa, rɩ́ kaá col rí>> Rɩ tunɔŋɓɔ́rra kúó zʋ́ɩ́ viinyiwa sɩɛrʋ, ɓa sɩ ta óŋ, rɩ nɔkuune ráá>>6 Ʋ ká ɛ́ nɛ́ a pɛ́ɩ́wa, Ezayu jɩmʋ́l nɩɛ; ɓa wúllíwa tɔ́ɔ́ wuu a pɛ́ɩ́wa ɓɩɛ, a néíwa kuóɓɩɛ ná ɩ́ há féŋse má tɩɩ.7 Ɓa kíríwa lɩ́sɩ́wa tíé; ɩ́ sʋma nyɩ́sɩ́wa, ɩ naŋnɔ́ŋsɛ zɔ́kɩ́ɩ́wa. Nɩɛ ná ɩ́ rɩ́wɔ́ há tʋ́mɛ́ aá dí, hé báráwa ɩ́ naasɛ mʋ́l. Ká bʋlɩ́wa báá wɩ lɩ́ŋ kené.8 Óó, ŋ é Nyuutɩna Wɩɩsɛ nɛ́ bʋ́lɛ́: Ŋ cɔwɩɩlɔ́ kal, ŋ sɩ́ bʋ́ʋ́sɛ Edɔŋ tíé wɩ́zɩnna, rɩ́ lɩ́ŋtɩɩnɔ balá má sʋ́ʋ́ pallɛ daha káánʋ́.9 Temaŋ nɩɛ, héwíŋ sɩ́ zʋ́ɩ́wa lalyoore, rɩ́wɔ́ mʋʋnɛ, ká rɩ́wɔ́ ɓʋ́ʋ́sɩ́wa nibíwíé wuu ɩ́ pallɛ ná daha.

Wɩ́ɩ́ ná wɩ́ɛ́ Nyuutɩna cɔ́ɛ́ háá wɛ Edɔŋ tɩ́náwa

10 A tɩ́ŋɩ́wa há a dóé a ɓʋ́ʋ́sɛ Zakɔbɛ duo nɩɛ há kɛ́ɩ́wa maábináŋa wɩ́ɛ́, ɩ́ sɩ́ dí hɩɩsɛ, ká rɩ́ɩ́wa yɩr yʋ́ksɛ tié nyúú a de kaá mʋ́ wuu. 11 Tápʋl ná Zerizalɛmɛ nɩɛ dɩŋdɔma há kúé ŋmasɛ lɔ́wɔ́ ɓɩɛ wuu, tápʋl ná nɩhʋɔra há zʋ́wɔ́ tɔ́ɔ́, ɩ́ gɩ́ɩ́gɔ́cɛ́ nɛ́ aá bel, ká ɓa páwɔ́ kuóɓɩɛ a yo bíe, a ɓa náŋá. Ɩ́ má dé nɛ ɛ́ nɩɛ nɛ́. 12 Ɩ́ fa wɩ mɔhɛ̃́ rɩ́wa maábináŋa wɩɩla tápʋl ɛ́ɩ́wa mɔmɔ tápʋ́l. Ɩ́ fa wɩ mɔhɛ̃́ rɩ́wa bel Ziida nɩɛ káá jʋɔsɛ, tápʋl ná ɓa há zɔ́kwɔ́. Ɩ́ fa wɩ mɔhɛ̃́ rɩ́wa wúríwa nʋɔ tʋ́ksɩ́wɔ́, ɓa sazɔkɔ́ tápʋl. 13 Ɩ́ fa wɩ mɔhɛ̃́ rɩ́wa zʋ́ŋ nɩɛ tɔ́ɔ́ sɩɛrʋ, ɓa zɔkɛ́ kal; ɩ́ fa wɩ mɔhɛ́ rɩ́wa cɩ́bélwó káá mɔŋ, ɓa há yéŋŋé wɩ́ɛ́; nɩɛ há kúé pɔ́wɔ́ kuóɓɩɛ zɔ́krʋ́ tápʋl ná, ɩ́ fa wɩ mɔhɛ́ rɩ́wa má tɩŋ pɔ́wɔ́. 14 Ɩ́ fa wɩ mɔhɛ̃́ rɩ́wa lɩ́ɩ́cɛ́ ŋmɛ́ŋcáksawa mɛ́, a kɛ́sɩ́wɔ́ nɩlɩfáálɛ a ɓʋ́ʋ́sɛ; ɓa ná há káánɛ́, ɩ́ wɩ mɔhɛ̃́ rɩ́wa kɛ́sɩ́wɔ́ pá dɩŋdɔma, ɓa wɩhála tápʋl. 15 Nyuutɩna Wɩɩsɛ háá á rʋ́ʋ́ dí dúníé nɩɛ wuu sarɩ́ya tapʋl ná, ʋ pérí tɛ́sɩ́ɩ́. Ɩ é Edɔŋ, ɩ há pí wɩ́ɛ ná a nɩɛ mɛ́, ɓa nɛ́ rɩ́wɔ́ pii ɛ́ɩ́ mɛ́; ɓa sɩ́ píí wɩ́'állɛ ná wuu túní mí.

Ɩzɩrayɛl nɩɛ sɩ́ mákɩwɔ́ cɔwɩɩlɔ́ Edɔŋ nɩɛ nyúú

16 Ŋ díŋ cɔwɩɩlɔ Ɩzɩrayɛl nɩɛ nyúú, paalɔ ná há káŋ paalɔ daha. Ɛ́ tɩɩtɩ nɛ́ ŋ sɩ́ díŋ cɔwɩɩlɔ́ duowa ná náŋá má nɩɛ nyúú, rɩ́wɔ́ nyɔ ká sɩ́ vɔ́ksʋ́, a nyɔ buki, anɛ nɛrɔ há nyɔ́ sɩ́ŋ a buki; ká nyɩ́ɩ́kɛ tíé nyúú, anɛ ɓa fa to tɔ́ɔ́ mɛ́ má tɩɩ. 17 Amá Sɩyɔŋ paalɔ nyúú ní, rɩ́ nɩkáánɛ ná há wɩ sʋ́sɛ́, zɛ́ ké. Dɩhɩ̃́ ná há wɩ busunnu kene; Ká rɩ́ Zakɔbɛ duo nɩɛ bɩrlɔ́wɔ́ tíé ná wuu há mɩŋ dɩŋdɔmɔ nɛ́sɛ mɛ́. 18 Zakɔbɛ dunɩɛ sɩ́ nɛ níŋ, ká rɩ́ Zozɛfɛ dunɩɛ nɛ níŋvá. Ɓa sɩ́ dí Ezayu dunɩɛ há nɩhɩ́ nyɔ́hɩlɛ́. Nɛ́ŋ balá má waá káánɛ Ezayu dunɩɛ sɩɛrʋ. Nyuutɩna Wɩɩsɛ nɛ́ bʋ́lɛ. 19 Nɩgɛɛvɛ nɩɛ sɩ́ la Ezayu paalɔ ná a tɩ́llʋ́, ká rɩ́ nɩɛ ná má ha mɩŋ Sefela dɩtɩ́llɛ la Filisiti nɩɛ tíé a tɩ́llʋ́; ɓa ha sɩ́ la Ɩfɩrayimi jɩmʋ́l nɩɛ tíé, arɩ́ Samari wuu. Bɛŋzamɛŋ jɩmʋ́l nɩɛ má sɩ́ la Galaadɛ tíé wuu a tɩ́llʋ́. 20 Ɩzɩrayɛlɛ bɛlɛ ná ɓa há kɛ́sɛ́ mʋ́ mɩŋ duowa náŋa sɩɛrʋ, ɓa nɩhɩ̃́ lalyoore ní; ɓa sɩ́ la Kanaŋ nɩɛ tíé a kaa mʋ́ yakɛ Sarɛpɩta mɛ́. Ká rɩ́ Zerizalɛmɛ nɩkɛsɛ́ ná má há mɩŋ Sefaradɛ mɛ́, má la Nigɛɛvɛ caasɛ́ tɔ́nɛ. 21 Ɓa sɩ́ a bɩbárá, a zɛ́ Sɩyɔŋ paalɔ nyúú; a cɛ́ ráŋ dí kuorí Ezayu nɩɛ nyúú. Rɩ́ Nyuutɩna Wɩɩsɛ nɛ́ tɩ́llɛ kuorí tɩɩ!