Amɔsɛ kɛnɔ
Amɔsɛ kɛnɔ Laadí ná
Wɩɩsɛ nʋɔ wɩ́ɛ́ laa bʋlɛ́ rá fá tó Amɔsɛ tʋtʋmɩ́. Amá Wɩɩsɛ há yɩrʋ́, rʋʋ ko lɔ́ʋ́ nʋɔ wɩ́ɛ́ bʋl, ʋ lʋ́ʋ́ tɔ́ɔ́ Tekuwa mɛ́, Ziida dɩtɩ́llɛ́ sɩɛrʋ, a mʋ́ Betɛl, Ɩzɩrayɛl dɩtɩ́llɛ́ sɩɛrʋ, a la Wɩɩsɛ nʋɔ wɩ́ɛ́ aá bʋl. Tɛ́ŋ ná mɛ́ nɩɛ fá háá dí wer ní, wɩcʋɔlɔ́ wɩ́ɛ́ va weri, tɛŋfɩ́ɛ́l mɩnɔ́.
Amá taŋá fá tó, nʋŋmɔ́ŋyɔɔ rɩ́ nʋmaanɔ́ nɛ́ fá mɩnɛ́. Ɓɩɛ tɩ́náwa faá bɛ́ŋsɛ nɩyaara, aá fɩɩsɩ́wɔ́. Yɛlɩ́ sɩɛrʋ, nyɩ́ɛ́rʋ oŋkaamáŋsɛ́ ní ɓa kaá máŋsɛ. Vʋk'ɔɔsa wɩ taŋá kené.
Amá ɛ́ nɩɛ wuu fá pi taŋá a pɔ́wɔ́ tɩɩ, aá dɛllɛ “Nyuutɩna Wɩɩsɛ tápʋ́l ná” arɩ́ satɔrɔ́.
Ɛ́ tɛ́ŋ mɛ́ nɛ́ sɩ́ɛ́, Amɔsɛ kánʋ́ liŋó ko, rʋʋ rɩ́wɔ́ há yɩɛlʋ́ ná tó balá:
Nyúbɔ́ŋ, a pá nɩɛ ná háá dɛllɛ Nyuutɩna Wɩɩsɛ tápʋl.
Ɩ́ɩ́ ja Nyuutɩna Wɩɩsɛ tápʋl, rʋ́ʋ́ a beé pɛ́ɩ́wa?
Ʋ sɩ́ a bíno ní, pʋmmɔ é raá.
Nyuutɩna Wɩɩsɛ tápʋl sɩ́ ka pʋmmɔ?
Ábádá, bíno dʋŋɔ nɛ́.
Ɛ́ tápʋl sɩ́ a bíno dʋŋɔ nɛ́, pʋmmɔ mʋɔ́ má waá a rʋ́ʋ́ mɩŋ (Amɔsɛ 5. 18, 20).
Amɔsɛ liŋó ní ká rɩ nɩɛ bɩrsɛ. Wɩ́kaná rɩ́ vʋkana ɔsɛ́ ráá wɩ fɩ́ɛ́mɛ, taŋá tɩŋɛ́ nɛ́ ká wɩ́fɩ́ɛ́ŋ.
Ɛ́ wɩ́ɛ́, ɩ́ lo rɩ́ yɛrɛ nyɩ́ɩ́sɛ anɛ nyii,
ká rɩ́ taŋá mɩŋ dɩhɩ̃́ wuu
anɛ fuó ná nyii há waá tenni (Amɔsɛ 5. 24).
Kɛnɔ sɩɛrʋ wɩ́ɛ́:
Wɩɩsɛ sɩ́ mɩlmɛ́ Ɩzɩrayɛl rɩ́rʋ́ kenninaŋá dɩlla 1.1-3.2
Ɩzɩrayɛl arɩ́ Samari zɔkɛ́ wɩ́ɛ́ 3.3-6.14
Amɔsɛ wɩ́naalɛ́ bɔmmʋ́ɔ́ wɩ́ɛ́ 7
Ɩzɩrayɛl wɩ́kanɩ́ sɩ́ bɩrsɛ 9.11-15