Nyuutɩna Wɩɩsɛ sɩ́ dí duhʋɔra saríya
4
1 Nyuutɩna Wɩɩsɛ sɛ́: «Ɛ́ tɛ́ŋ mɛ́,ŋ sɩ́ a rɩ́ Ziida rɩ́ Zerizalɛmɛ nɩɛ,
bɩrko kéwó tɔ́ɔ́ mɛ́.
2 Ŋ sɩ́ hé duhʋɔra ná wuu naŋá mɛ́,
a kaŋwɔ́ tuwí,
polo ná ɓa háá yɩ́rɛ “Nyuutɩna Wɩɩsɛ saríya dɩdí.”
róŋ ní, ŋ sɩ́ díwó saríya,
a tɩ́ŋ wɩ́ɛ́ ná wuu ɓa há píé tʋŋ Ɩzɩrayɛl,
ŋ nɩtɩ́llɛ mɛ́:
Bee wɩ́ɛ́, ɓa ɔ́ɔ́ ɓa pɩ́sɛ a zʋ duhʋɔra sɩɛrʋ,
ká láŋ tɔ́ɔ́ a kaa conni ɓa náŋa
3 Ɓa yó bié,
a kanɩ́ŋ nɩɛ ná ɓa naŋá;
ɓa kɛsɛ heŋbollí a yɛ́llɛ,
a pii túŋwó labʋɩ́díwa,
ka kɛsɛ tolé má yɛ́llɛ,
arɩ́ Filisiti dɩ́tɩllɛ nɩɛ,
bee rí tɛ́ ɩ́ má isi cɩ́nɩ́ŋ mɛ́?
Bee rí tɛ́ ɩ́ jɩ́já rɩ́ɩ́wa dííwa tɛŋbuoro ŋ nyúú?
Rɩ́ɩ́wa sabɩɩna ká nyɛ nɛ́,
ŋ sɩ́ a rɩ́ŋ cɔwɩɩlɔ́ túwíwa nyúú kɩ́kɛ́lɛ́.
5 Ɩ́ páŋ wárɛ rɩ́rɩ́ŋ salmɛ,
a páŋ cɩkpíŋé,
a káŋwɔ́ wuu kaa mʋ́ bílíwa venni jɩɩsɛ mɛ́.
6 Ɩ́ kɛ́sɛ́ Ziida rɩ́ Zerizalɛmɛ nɩɛ,
a yɛ́llɛ pá Gɩrɛsɛ nɩɛ,
ɓa káŋwɔ́ kaa kɛ́kɩ́wɔ́ tɔ́ɔ́ mɛ́ a mʋ́ dɩbolí.
7 Ɩ́ sɩɛ́ zesi, ŋ é tɩɩ nɛ́ sɩ́ bɩrɛ káŋwɔ́
ko tɔ́ɔ́ ná sɩɛrʋ ɩ́ há kɛ́sɩ́wɔ́, a yɛ́llɛ pá;
ká bɩrɛ cɩ́nɩ́wa mɛ́,
a a rɩ́ wɩɩla túwíwa nyúú.
8 Ŋ sɩ́ kɛ́sɩ́wa heŋbollí, rɩ́rɩ́wa tolé,
a yɛ́llɛ pá Ziida nɩɛ,
rɩ́wɔ́ má báá kaa mʋ́ yɛ́llɛ pá Sabe nɩɛ,
há ká tɔ́bolo nɩɛ.
Ŋ é Nyuutɩna Wɩɩsɛ nɛ́ sɛ́.»
Hatɩ́ŋnɛ́ lal rɩ́ sariya díí wɩ́ɛ́
9 Ɩ́ buóli wɩ́ɩ́ né pá duhʋɔra:
Ɩ́ káníwa tɩɩ a mʋ́ lal,
ɩ́ duóri sóójibíbárá naasɛ;
ká pííwa sikɔrsɛ a luki cɔlma,
ká rɩ́ nɛrɔ ná há ká pʋɔla bʋlɛ́:
"Ŋ ká lalyóóríbibar rɛ́"!
11 Ɩ́ é duówa ná wuu há mɩ́ŋ kile,
ɩ́ ko hé náŋá mɛ́,
ɩ́ hé naŋá mɛ́ polo sɩɛrʋ.»
Nyuutɩna Wɩɩsɛ,
tʋmɩ́ sóójibíbárá rɩ́wɔ́ ko yówó.
12 Rɩ duówa nɩɛ isi ko hé naŋá mɛ́,
a mʋ́ polo ná ɓa há yɩ́rɛ “Nyuutɩna Wɩɩsɛ saríya dɩdí”.
Róŋ ní, ŋ sɩ́ ké,
a dí duówa ná wuu há kilíwó saríya.
13 Ɩ́ pa sikɔ́rsɛ, a kʋ́sɩ́wɔ́,
anɛ ɓɩɛ há bɩ́ɛ́.
Ɩ́ nʋɔsɩ́wɔ́, anɛ ɛ́llɛ́wa ɓa há ɓɔ́rɛ́ sú ɛ́llɛ́wa dɩnʋɔsɩ aá nʋɔsɛ ɛ́,
rɩ́wɔ́ nyii sú viini, a waalɛ,
bee wɩ́ɛ́ ɓa wɩ́bɔma lɔrɔ kɩ́ŋkáŋ,
14 Nɩkáná mɩŋ,
Saríya polo sɩɛrʋ;
Nyuutɩna Wɩɩsɛ,
tápʋl ná péró,
tápʋl ná ʋ há sɩ́ dí saríya, saríya polo sɩɛrʋ nɛ́.
15 Wɩpomí rɩ́ cana sɩ́ biri,
cáŋwʋllɛ wa a rɩ́wɔ́ tʋl.
16 Nyuutɩna Wɩɩsɛ cɩ́ Sɩyɔŋ mɛ́ nɛ́, ká uuri anɛ kɩ́ŋkaná,
ʋ cɛ́ Zerizalɛmɛ mɛ́ nɛ́, kɔ́ʋ́ líŋo lɩ́lɛ:
bána rɩ́ tíé zíksi.
Amá Nyuutɩna Wɩɩsɛ cúú tɔ́ʋ́ nɩɛ mɛ́,
ʋ nɛ́ ká Ɩzɩrayɛl nɩɛ dɩ́yuóli.
17 Ɛ́ mɛ́ nɛ́ sɩɛ́ rɩ́ɩ́wa zɩŋ rɩ́ŋ nɛ́ ká,
Nyuutɩna Wɩɩsɛ, ɩ́ Wɩɩsɛ,
há mɩ́ŋ Sɩɔŋ paalɔ ná há káŋ tɩ́llɛ nyúú.
Zerizalɛmɛ sɩ́ áŋ dʋŋɔ́ tɩ́llɛ,
duhʋɔra báá wɩ ráŋ zʋ́ʋ́ ná.
Wɩɩsɛ sɩ́ bɩrɛ pá Ɩzɩrayɛl kuóɓɩɛ
18 Ɛ́ tɛ́ŋ mɛ́,
ɛ́llɛ́wa nyii,
sɩ́ pɩ́pal,
pallɛ nyunni;
nɛ'ɩ́l sɩ́ pɩ́pál,
dúŋdúóme nyunni
ká rɩ́ polli wuu sú a waalɛ,
Ziida tɔ́ɔ́ sɩɛrʋ.
Nyibúlsɩ́ɩ́ sɩ́ póŋ Nyuutɩna Wɩɩsɛ jaa mɛ́,
a pal mʋ́ aá gaarɛ Akasɩa tuuni polnaa.
19 Ezipiti tɔ́ɔ́ sɩ́ a tɔ́ɓóó,
ká rɩ́ Edɔŋ tɔ́ɔ́ bɩ́rmɛ gɩr,
bee wɩ́ɛ́, ɓa tʋ́ŋ bɔ́ŋbɔ́ŋ caasɛ,
Ziida nɩɛ,
ɓa ɓʋ́ʋ́sɛ nɩɛ ná há wɩ wɩ́ɩ́ zɔkɛ́.
20 Amá, nɩɛ sɩ́ mɩ́ŋ,
Ziida rɩ́ Zerizalɛmɛ mɛ́,
Fini le 04\02 \2020