Nyuutɩna Wɩɩsɛ tapʋ́l peri tɛ́sɩ́ɩ́
2
1 Ɩ́ mú nyɩ́ɩ́sɛ Sɩyɔŋ tɔ́ɔ́ mɛ́,ɩ́ cáásíŋ paalɔ ná há kɔ́ʋ́ dʋŋɔ daha.
Ɩ́ é tɔ́ɔ́ nɩɛ wuu, ɩ́ híhiini,
bee wɩ́ɛ́, Nyuutɩna Wɩɩsɛ tapʋ́l ná pero,
duobasɛ rɩ́ kʋʋlɔ́,
sɩ́ tɔ́ bána mɛ́.
Ɛ́ kal, pʋmmɔ wá a rʋ́ʋ́ mɩŋ.
Ʋ koe nɩhɩ̃́ cɩcʋɔ pʋmmɔ háá ísí pallɛ daha nɛ́,
duo ná nɩɛ há kánɔ́, a ká dóé nɩɛ nɛ́.
Nɛ́ŋ há wɩ nɩɛ nyáŋ duo neé ná,
nɛ́ŋ sɩɛ́ báá waá a rʋ́ʋ́ ná nɩɛ nyáŋ duo ná má,
woowa ná wuu há sɩ́ tʋkɛ sɩɛrʋ.
3 Ɓa sɩ́ɛ́ rɩ́, níŋ níí dí ráŋ,
ɓa har rɩ́, níŋvaa nɩ́ɩ́ kanɛ́.
Ká rɩ́wɔ́ zɩŋ ko, tɔ́ɔ́ ná fa wéró anɛ záádɛ ná fa há mɩ́ŋ Ɛdɛŋ mɛ́ nɛ́,
amá ɓa daarɛ́ har mɛ́, tɔ́ɔ́ ná bɩ́rmɛ́ gɩrbétéke ná há kéŋ héwíŋ.
Ɓa wɩ lóé rɩ óŋ wuu kaanɛ róŋ.
4 Ɓa nɩhɩ̃́ záksɛ nɩɛ nɛ́,
ɓa fɛ́ɛ́ nɩhɩ̃́ zákzɩnna fɛ́ɛ́ nɛ́.
5 Ɓa dɔmɛ́ nɩhɩ̃́ lalyóórítórkowa
háá fá pallɛ nyunni ɓóŋɓóŋ ní,
aá dɔ́ŋ anɛ níŋpoo háá dí nyɔ́ɔ́.
Ɓa nɩhɩ̃́ lalyóóríbibara púl,
há lɩ́ɛ́ cɛ́ lal yóé mí.
6 Ɓa kuperé mí, héwíŋ zʋ́ nɩɛ wuu,
a ɓenne aá daarɛ zekusi mí anɛ lalyóóre.
Ɓa oro wuu púú ŋmɛ́nɔ,
nɛrɔ wuu púú sɩ́ɛ́ terké.
ɓa há hé naŋá mɛ́ ɛ́,
a fá mʋ́ zɛ́ tɔ́ɔ́ ná zeŋe daha,
a tɩŋ tókórowa,
bána zíkli.
Ká wɩpomí rɩ́ cana yʋ́ksɛ,
bʋ́lʋ́ lalyóóre rí.
Ʋ lalyóóre ná háá tɩ́ŋʋ́ wɩ́makɛ́
kanɔ́, ká ká doé má.
Taŋá, Nyuutɩna Wɩɩsɛ tapʋ́l ná zéŋ,
ɛ́ tapʋ́l sɩ́ a ɓɩduó kɩ́ŋkáŋ a pá nɛrɔ wuu. Áŋ rɛ́ sɩ́ wólli lú lɛ ɛ tapʋ́l mɛ́?
Nyuutɩna Wɩɩsɛ yɩ́rʋ́ nɩɛ, rɩ́wɔ́ bɩrkóú rí
12 «Mʋ́lnémí, tɛ́ŋ há mɩnɔ́ a pɛ́ɩ́wa,
ɩ́ bɩrɛ kóŋ rí, arɩ́rɩ́wa sɩɛrʋ wuu, ɩ́ vɔwɛ nʋɔ, a wi, a hĩĩ́ni. Ŋ é Nyuutɩna Wɩɩsɛ nɛ́ bʋ́l ɛ́. 13 Ɩ́ bɩ́rsɩ́wa sɩɛnnɛ nɛ́, ká sɩ́ɩ́wa gɛnnɛ nɛ́ káá cɔ́nnɛ.»
Ɩ́ bɩrko Nyuutɩna Wɩɩsɛ, ɩ́ Wɩɩsɛ rí:
Ʋ sawer, rɩ́rʋ́ susúfɔ́ɔ́ zeno,
ʋ fɩɛlɔ cɔwɩɩlɔ́ dií mí, rɩ́rʋ́ wɩwéré ɛ́ɛ́ wáá tenni,
ʋ sɩ́ gíri bɔ́ŋbɔ́ŋ ná ʋ fa há ja rʋ́ʋ́ pii ɛ́ɩ́wa mɛ́.
14 Rɩ́ɩ́ bgé, ʋ sɩ́ bɩrsɛ sabɩɩna,
a hé barka pɛɩ́wa, a makɛ
rɩ́ɩ́wa a satɔ́ɔ́rɩ́pállɛ rɩ́ dɩvɛ́ŋ ɔsɛtaalɛ a pá Nyuutɩna Wɩɩsɛ, ɩ́ Wɩɩsɛ.
Tɛ́ŋ pero rɩ́ɩ́wa vɔwɛ nʋɔ a jɛnnɛ́ Wɩɩsɛ
15 Ɩ́ mu nyɩ́sɛ,
Sɩɔŋ tɔ́ɔ́ mɛ́, a yɩ́rɛ nɩɛ ciki Wɩɩsɛ yɩr mɛ́,
rɩ́ɩ́wa vɔwɛ nʋɔ a mʋʋrɩ́wa busunnu.
16 Ɩ́ yɩ́rɛ nɩɛ ciki,
rɩ́wɔ́ hé naŋá mɛ́ Wɩɩsɛ yɩr mɛ́.
Ɩ́ yɩrɛ nɩhɩ́ɛ̃́sɛ hé náŋá mɛ́,
ɩ́ a rɩ́ nɩpʋɔsɛ hé náŋa mɛ́,
rɩ́ heŋbiwiisi ceŋ naŋá.
Rɩ háfɛlɔ bála lʋʋ́ jaa sɩɛrɩ́,
rɩ́ háfɛlɔ má lʋ́ʋ́ jaa mɛ́.
17 Rɩ Wɩɩsɛ vʋk'ɔɔsa ná há tʋ́mɛ́ aá pɔ́ʋ́,
cɛ́ Wɩɩsɛ jaa ná mɛ́, záwara (wuólwie) rɩ́ koro ná pɛ́kɛ a wi sʋ́l Nyuutɩna Wɩɩsɛ.
Ɓa sɩ́ bʋlɛ́: «Nyuutɩna Wɩɩsɛ,
fɛɩ́ nɩɛ súsú,
sɩ́ lo rɩ́ nɩɛ ná há kɛɩ́ liwe dí hɩ̃ɩ̃sɛ,
rɩ duhʋɔra lɔ́rwɔ́.
Ká duhʋɔra bʋlɛ́:
Ɓa Wɩɩsɛ ná mɩŋ nɛ́ɛ́?»
Nyuutɩna Wɩɩsɛ zesú nɩɛ wɩ́sʋlɔ́
18 Nyuutɩna Wɩɩsɛ cáásɔ́ aá dí bánɔnni kɩ́ŋkáŋ ʋ tɔ́ɔ́ ná wɩ́ɛ́,
ʋ fɔ́ʋ́ nɩɛ susu.
19 Nyuutɩna Wɩɩsɛ saŋʋ́ bɛlɛ sʋ́lɛ a bʋlɛ́:
«Ŋ sɩ́ pɛ́ɩ́wa
bilé rɩ́ dɩvɛŋ arɩ́ nʋfɛlɛ;
rɩ́ɩ́wa dí vɔksɛ.
Ŋ báá waá sáŋ,
rɩ́ duowa ná naŋá lɔ́rɩ́wa.
20 Ɩ́ sɩ kiri dɩŋdɔma ná há lɛ́ wɩɩsɛ dɩpomí nɛ́gʋɔ,
a hé diboli
ŋ sɩ́ kírwó hé gɩrbétéké mí, tíé ná há wɩ kɔrɔ mʋ́ɔ́ wuu kené sɩɛrʋ,
ɓa lalyoore ná há lá sɩ́ɛ́, sɩ́ sʋsɛ Mʋsʋwɩ́ sɩɛrʋ,
ká rɩ́wɔ́ hatɩ́nna má sʋsɛ Mʋʋ zeno sɩɛrʋ.
Dɩ́hɩ̃́ wuu sɩ́ sʋsʋɔrɛ,
nɩsʋsɛ́ sɔ́ŋ sɩ́ isi lá dɩhɩ̃́ wuu.
Bee wɩ́ɛ́, Wɩɩsɛ tʋ́ŋ tʋ́tʋ́ŋzeŋse.
21 Tíé, báá sɩ́ ló rí héwíŋ kanɩ́!
A satɔrɔ́, jɩ́jʋɔsɛ,
bee wɩ́ɛ́, Nyuutɩna Wɩɩsɛ tʋ́ŋ tʋ́tʋ́ŋzeŋse.
22 Baka pʋsɛ, ɩ́ sɩ́ ló rí héwíŋ kanɩ́wa!
Pʋsɛ dídí ná há mɩŋ gɩrbétéké mɛ́ sɩ́ bɩrɛ bírí rɩ́ nyɔ́ɔ́,
tunni sɩ́ bɩrnɔŋ nɔnɔ,
ká rɩ́ pirnɔnɔ rɩ́ viinyi nɔnɔ pʋrkɛ dɩhɩ̃́ wuu.
23 Ɩ́ é Sɩɔŋ tɔ́ɔ́ nɩɛ,
ɩ́ a satɔrɔ, a jɩ́jʋɔsɛ,
Nyuutɩna Wɩɩsɛ, ɩ́ Wɩɩsɛ yɩr mɛ́.
Ʋ sɩ́ pɛ́ɩ́wa yibíŋ duónni a lɛ́ɩ́wa tá,
ʋ sɩ́ a rɩ́ duópuse ko,
ʋ sɩ́ a rɩ́ yibíŋ duónni rɩ́ hátɩ́ŋnɩ́duónni ko,
anɛ ɛ́ ɓa fa há valɛ́ aá ko.
24 Tʋɔ́ (vʋ́ʋ́ra) sɩ́ sú rɩ́ mɩɛ,
Sɩŋ rɩ́ nʋfɛlɛ sɩ́ sú viini.
25 Ŋ sɩ́ a rɩ́ɩ́wa bɩrɛ ná óŋparɛ ná;
dííre káná ná ŋ há tʋmɛ́ ɓa ko,
deŋdule rɩ́ hʋɔ̃́yórówa rɩ́ hʋɔ̃́nyaŋgɩrma arɩ́ kalɩɛrɛwa,
ɓa ko zɔ́kɩ́wa baksɛ oŋparɛ́ ná.
26 Ŋ sɩ́ a rɩ́ɩ́wa dí ɓɩdííle vɔksɛ,
ɩ́ sɩ́ dɛnnɛ Nyuutɩna Wɩɩsɛ, ɩ́ Wɩɩsɛ yɩr,
ʋ há tʋ́ŋ tʋtʋ́ŋwére pɛ́ɩ́wa.
Ŋ nɩɛ báá wɩ hɩ̃ɩ̃́sɛ díí na wuu.
27 Nyɛ́ nɛ́ sɩɛ́, rɩ́ɩ́wa zɩ́ŋ,
rɩ́ŋ mɩŋ Ɩzɩrayɛl nɩɛ sɩsɩɛnnʋwa,
rɩ́ŋ nɛ́ ká Nyuutɩna Wɩɩsɛ, ɩ́ Wɩɩsɛ,
Wɩɩsɛ nɔ́ŋ oro wuu tóó.
Ŋ nɩɛ báá wɩ hɩɩ̃́sɛ díí ná.»