Zʋwɛl kɛnɔ
1
1 Ná, Nyuutɩna Wɩɩsɛ wɩ́bʋlɛ́ ná ʋ há bʋlɛ́ pá Petʋɛl bio Zowɛl.Hʋɔ̃́yórówa zɔ́krʋ rɩ́ hɩlɔ wɩ́ɛ́
2 Ziida nɩhɩɛ̃́sɛ, ɩ́ zesi,
Ziida tɔ́ɔ́ nɩɛ ɩ́ wuríwa dɩllɛ zesi!
A pɔ́ɩ́wa nabálwa tɛ́ŋ mɛ́, ká kaa ko aá péríwa tɛ́ŋ mɛ́, ɩ́ sɩ́ɩ́ há ná wɩ́ɩ́ né duo rí?
3 Ɛ́ wɩ́ɛ́, ɩ́ cesi pɛ́ɩ́wa bɛlɛ,
rɩ́ɩ́wa bɛlɛ má pii bʋ́l pɔ́wɔ́ bɛlɛ,
a mákɛ rɩ́wɔ́ má báá cesi pá wóówa ná há sɩ́ tʋ́kwɔ́ mɛ́.
4 Ɩ́ óŋparɛ ná deŋdule há wɩ́ díé,
hʋɔ̃́yórówa sɩ́ díwó;
ɓa ná hʋɔ̃́yórówa há wɩ díé,
hʋɔ̃́nyaŋgɩrma sɩ́ díwó,
ɓa ná hʋɔ̃́nyaŋgɩrma há wɩ díé,
kalɩɛrɛwa sɩ́ lɩɛrɩ́wɔ́.
5 Ɩ́ isi dóŋ mí, sɩ́nyɔɔra, a wiwi!
ɩ́ é, dɩvɛ́ŋnyɔɔra wuu, ɩ́ cɩ́cáási
bee wɩ́ɛ́, ɛ́llɛ́wa baá tóó, rɩ́ɩ́wa ná dɩ́vɛ́ŋfɛlɛ aá nyɔ́.
6 Bee wɩ́ɛ́, duo nɔŋɔ nɩɛ nɛ́ kué rɩ́wɔ́ yóŋ tɔ́ɔ́ ná.
Ɓa káŋ wɩ nʋ́ɔ́ kéné, ká ka dóé má.
Ɓa nyɩla díí dé nɛ kɩ́ŋkáná nyɩla nɛ́,
ɓa tafáŋnaasɛ duóko anɛ kɩ́ŋkáháálɔ tafáŋsɛ.
7 Ɓa sɩ́ zɔ́kɩ́ŋ viínyíí baka, rʋ́ʋ́ a bakyɔ́ɔ́,
ɓa sɩ́ zɔ́kɩ́ŋ pírtuuni baksɛ ɓóŋ.
Ɓa sɩ́ (díwó), a wókwó daborsi, a yoo tá tíé
ká rɩ́wɔ́ hílli hɩl a pɩ́ɩ́rɛ.
8 Ɩ́ wi hííni anɛ toopero há túúrí cʋ́ʋ́,
aá wúú tooperbála há sʋ́wɛ́ wɩ́ɛ́.
9 Nyuutɩna Wɩɩsɛ wɩcʋɔlɩjaa ká wuóli,
nɛ́ŋ wuu báá wɩ bile rɩ́ dɩvɛ́ŋ rɩ́ satɔ́ɔ́rɩ́pálɔ kené aá ko róŋ.
Ɛ́ nɛ́ tɛ́ Wɩɩsɛ jaa vʋ́k'ɔɔsa, há tʋ́mɛ́ aá pɔ́ʋ́,
mɩŋ wííle mí.
10 Baksɛ wuu ní zɔ́kɛ,
tíé wuu mɩŋ wííle mí,
bee wɩ́ɛ́, bile zɔ́kɔ́, dɩvɛ́ŋ báá tóó,
nʋfɛlɛ mʋɔ má báá tóó.
11 Bapaara sɩɛnnɛ wuu nɛ́ zɔ́kɛ,
viínyi tuuni bíbelle níí cáási bile arɩ́ ɔ́rzɛ wɩ́ɛ́:
baksɛ óŋparɛ wuu zɔkɔ.
12 Viínyii tuuni sʋsɔ́,
pirtuuni báá waá nɔŋ.
Girnadiéwa rɩ́ habɛ́ tuuni rɩ́ pɔmɛ tuuni,
tunɔnɛ́ wuu hɩ́lɔ́.
Satɔrɔ́ báá to nibííne sɩɛrʋ.
Zʋwɛl yɩ́rɛ nɩɛ rɩ́wɔ́ vɔwɛ nʋɔ, a jɛnnɛ Nyuutɩna Wɩɩsɛ
13 Ɩ́ é vʋ́k'ɔɔsa, ɩ́ laalɛ jɔrʋ, a wíí hiini,
ɩ́ é nɩɛ ná háá ɔsɛ vʋka koro daha, ɩ́ wiwi.
Ɩ́ é Wɩɩsɛ tʋtʋnna, ɩ́ laalɛ jɔrʋ, a mɩŋ sazɔkɔ sɩɛrʋ tɩtáŋ pírmi:
bee wɩ́ɛ́, ɓa báá wɩ bile rɩ́ dɩvɛ́ŋ satɔ́ɔ́rɩ́pállɛ kené,
aá kóíwa Wɩɩsɛ jaa.
14 Ɩ́ yɩ́rɛ nɩɛ wuu hé naŋá mɛ́,
nɩhɩɛ̃́sɛ rɩ́ nɩɛ wuu
rɩ́ɩ́wa mʋ́ Nyuutɩna Wɩɩsɛ, ɩ́ Wɩɩsɛ wɩ́cʋɔlɩjaa,
a vɔwɛ nʋɔ, a jɛ́nnʋ́.
Nyuutɩna Wɩɩsɛ tapʋ́l wɩ́ɛ́
15 Nyúbɔ́ŋ, tapʋ́l bɔmɔ nɛ́,
Nyuutɩna Wɩɩsɛ tapʋ́l pérí tɛ́sɩ́,
ʋ lɛ Sadayi ní anɛ́ zɔkrɔ aá ko
16 Á sɩ́ɛ́ mɛ́ rá,
ɓɩdííle nyɩ́ɩ́kɛ,
á Wɩɩsɛ jaa mɛ́,
ká satɔrɔ́ arɩ́ jʋ́ɔ́sɛ́ nyɩ́ɩ́kɛ rɛ́?
17 Oŋduo sʋ́ɔ́rɛ yɩla sɩɛrʋ,
bile báá tóó!
Ɛ́ nɛ́ tɛ́ vʋ́ʋ́ra a wuóli, a gúl ka ɓallɛ.
18 Ná balla haá ná wɩɩla aá hííni ɛ́!
Nɛsɛ gʋɔrɛ aá barɛ dɩhɩ̃́ wuu: nyɔ́ há toó aá dí wɩ́ɛ́.
Piẽ́ŋse má wuu pii koŋŋi.
Wɩɩsɛ wɩlabʋllɔ Zʋwɛl wɩ́sʋlɔ wɩ́ɛ́
19 Nyuutɩna Wɩɩsɛ, ɩ rɩ́ nɛ́ ŋ sʋ́sʋl sáŋɛ:
níŋ dí baka nyɔɔ wuu ní tenni,
níŋpoo dí baka tuuni wuu ní.
20 Baka balla má tɩɩ bɩrwɔ́ sɩ́ɛ́ cáásɩ́ nɛ́,
bee wɩ́ɛ́, fuonni nyii hʋʋ̃́sɔ.
Níŋ dí gɩr nyɔɔ wuu ní.