14
1 Samari nɩɛ sɩ́ túŋwó wɩ́bɔma kɩ́ŋ,bee wɩ́ɛ́, ɓa ísó cɩ́ŋwɔ́ Wɩɩsɛ mɛ́.
lal sɩ́ ɓʋ́ʋ́sɩ́wɔ́,
ɓa sɩ́ tɩ́ksɩ́wɔ́ bɛlɛ,
ká kɩ́ɛ́sɩ́wɔ́ hápuuke.
Wɩɩsɛ sɩ́ duóri yardatoó nɩɛ
2 Ɩzɩrayɛl nɩɛ, ɩ́ bɩrko Nyuutɩna Wɩɩsɛ, ɩ́ Wɩɩsɛ rɩ́,
ɩ́ dɩnyɔ́rkɛ ɔ́ɔ́ ɩ́ gɛrɛ́.
3 Ɩ́ ka wɩ́ɛ́ nyáŋ
a bɩrko bʋl Nyuutɩna Wɩɩsɛ rɩ́ a bʋlɛ́:
Ɩ́ sʋ́lʋ́ a bʋlɛ́: Pírá wɩ́nyɔ́rkɛ wuu cɛ́rá,
ká sáŋʋ́ ná há wéró.
Á sáŋɔ́ ráá pírá nʋʋsɛ wɩ́bʋlɛ́ ɔsɛ vʋ́k pɛ́ɩ́.
4 Asiiri nɩɛ wɩ́rá wó lá aá tá.
Á wɩ záksɛ zɛ́,
á báá wɩ́rá nɛ́ŋsa ommáálɛ rɩ́ bʋl, a bʋlɛ́: «Ɩ́ nɛ́ ká rá Wɩɩsɛ!»
Bee wɩ́ɛ́, ɩ nɩ́ɩ́ fá bisíme susu.
5 Ŋ sɩ́ a rɩ́wɔ́ táwɔ́ cɩ́tɩkɛ́toó ná,
ŋ sɩ́ cóllíwó rɩ́rɩ́ŋ taŋá wuu,
bee wɩ́ɛ́, ŋ cɔ́ɛ́ pɔ́rwɔ́ nyúú.
6 Ŋ sɩ́ nɩɛsɛ nyɛ́lɔ a pá Ɩzɩrayɛl,
ʋ sɩ́ fɩ fɩɩla anɛ guóŋ,
ʋ nalursi sɩ́ zʋ tíé anɛ Liibaŋ tuuni.
7 Ʋ hílli sɩ́ jɛrɛ;
ʋ sɩ́ a wérí anɛ Olíívi tuu,
ká rʋ́ʋ́ sɔ́ŋ má nɛ Libaŋ tuuni sɔ́ŋ.
8 Ɓa sɩ́ bɩrko kénú fɩ́ɛ́l ná mɛ́,
ɓa sɩ́ parɛ bilé,
ɓa sɩ́ fɩ fɩɩla anɛ víínyi,
ká rɩ́wɔ́ yɩr lɛ anɛ Libaŋ dɩvɛ́ŋ yɩr há lɛ́ ɛ́.
9 Ɩfɩrayɩŋ, venni wɩ́'ɔsɩ́ nɛ́ báá ká beé rí ŋ rɩ́?
Ŋ é ní sɩ́ fɛ́ɩ́ búŋse,
a bíbélí mí.
Ŋ sɩ́ nɛ sɩɩpɩrɛsɛ tuu ná paarʋ há waá hɩl:
Ŋ é ní sɩ́ a rɩ́ɩ́ nɔŋ nɔnɔ.
10 Áŋ rɛ́ kéŋ zɩmɛ́?
Ʋ sɩ́ wólli wɩ́ɛ́ nyáŋ zɩŋ.
Nɛ́ŋ ná há kéŋ wɩ́zɩmɛ sɩ́ zɩŋ wɩ́ɛ́ nyáŋ mʋ́ʋ́la.
Nyuutɩna Wɩɩsɛ ŋmɛ́ŋsɛ tʋ́rɔ́;
nɩtaŋáwa sɩ́ píwó aá va,
amá nɩbɩ́ɩ́lɛ sɩ́ ɓallɩ́wɔ́ sɩɛrʋ.