6
1 Ɩ́ ko ráá bɩrɛ mʋ́ Nyuutɩna Wɩɩsɛ rɩ́!Bee wɩ́ɛ́, ʋ nɛ́ bʋ́rmɩ́ra, amá ʋ sɩ́ duórírá,
ʋ nɛ́ pɩrɛrá, amá ʋ sɩ́ bɩrɛ sɛsɩ́rá fʋrʋ.
2 Tápʋlɛ bɛllɛ har mɛ́, ʋ sɩ́ párá hiẽsó,
tápʋlɛ botoro kal, ʋ sɩ́ cuólírá,
a makɛ, ráá bɩrná hiẽsó ʋ sɩ́ɛ́ mɛ́.
3 Á jaa zɩ́ŋ Nyuutɩna Wɩɩsɛ,
á hé dóé ká zɩ́mʋ́;
ʋ koe waá giri, anɛ tɩ́tapʋlla koe há waá giri ɛ́.
Ʋ sɩ́ kó ráá rɩ́ anɛ duóŋ,
anɛ hátɩŋnnɛ duónni háá ko fɩɛlɛ tíé ɛ́.
4 Ɩfɩrayɩŋ, bee rí rɩ́ŋ pii ɛ́ɛ́ mɛ́>>
Ziida, beé rí rɩ́ŋ pii ɛ́ɛ́ mɛ́>>
Ɩ́ cólle nɩhɛ̃́ cɩ́cʋɔ duóbásɛ nɛ́,
anɛ cɩ́cʋɔ nyɛlɔ háá tá kɩ́kɛ́lɛ ɛ́.
5 Ɛ́ nɛ́ tɛ, ŋ tɩ́ŋɩ́ŋ wɩlaabʋlla mɛ́ a bɛ́ŋsɩ́wɔ́,
a tɩ́ŋɩ́ŋ nʋɔ wɩ́bʋlɛ mɛ́ a ɓʋ́ʋ́sɩ́wɔ́;
ŋ sarɩ́yawa díí ká pʋmmɩ́.
6 Bee wɩ́ɛ́, ŋ có cólle a kɩ́llɛ vʋka,
ŋ có Wɩɩsɛ zɩmɛ́ a kɩ́llɛ vʋk'físe.
Wɩɩsɛ sɩ́ Ɩzɩrayɛl nɩɛ lúúrú
7 Ɩ́ zɔ́kɩ́ŋ nʋtʋmɛ ná,
anɛ Adaŋ há zɔ́kɩ́ŋ nʋtʋmɛ ná ɛ́.
Nyɛ nɛ́ ɩ́ lúúríŋ.
8 Galaadɛ ká nɩtɩɛnnɛ tɔ́ɔ́ nɛ́,
ɓa dɩtɩŋɩ́ wuu cɛ́l nɩ́ɩ́ bɩ́sɛ́.
9 Anɛ gabɩ́bara púl háá lɩɩ féŋsi ɛ́ aá kɛ́rɛ nɩɛ;
vʋk'ɔɔsa púl ná ká ɛ́ nɛ́;
aá ɓʋ́ʋ́sɛ nɩɛ Sɩsɛɛmɛ ŋmɛ́nɔ mɛ́;
ɛ́ ká wɩ́tɔ́k nɛ́!
10 Ɩzɩrayɛl tɔ́ɔ́ mɛ́,
ŋ ná sakuósí wɩ́'állɛ:
Ráŋ nɛ́ Ɩfɩrayɩŋ tʋ́tʋŋ cɔ́rmɛ,
ráŋ nɛ́ Ɩzɩrayɛl zʋ busunnu.
11 Ɩ má Ziida rɩ́, rɛ́ɛ́ rɩ́ mʋɔ́, ʋ sɩ́ nɛ̃ ɓɩɛ kʋ́sɛ́ atɛ́ŋ a pɛ́ɩ́.
Tɛ́ŋ ná mɛ́ ŋ há sɩ́ a rɩ́ŋ nɩɛ bɩrkówó tɔ́ɔ́ nɛ́ ɛ́.