Wɩɩsɛ sɩ́ bɩr saŋʋ́ nɩɛ
2
1 Amá Ɩzɩrayɛl nɩɛ sɩ́ pulanɛ mʋʋ nʋɔ hɩɛl,
nɛ́ŋ há wʋ́ɔ́ wúó kérsi, a wʋ́ɔ́ wúó dɩɩsɛ má;
ká ráŋ ná tɩɩ ɓa fa há bʋlɛ́ pɔ́wɔ́, a bʋlɛ́:
«Ɩ́ tóŋ nɩ́ɛ́!»
ɓa báá sɩ́ bʋl pɔ́wɔ́ a bʋlɛ́:
a lɩsɛ sɩ́dííró balá
rɩ́wɔ́ lɛ́ tɔ́ɔ́ ná mɛ́;
Ami! «Ŋ nɩɛ» ká bʋl pɛ́ɩ́wa nátolé má:
Ruhama! Nɛ́ŋ ná ɓa há fɔ́ʋ́ susu.
Ɩzɩrayɛl ká hácɔrmɔ nɛ́
4 Ɩ́ gáásɛ wɩ́ɛ́, ɩ́ gáásɛ wɩ́ɛ́ ɩ́ maá rɩ́,
bee wɩ́ɛ́, ʋ tóŋ hál,
ŋ má tóú bála!
Rʋ́ʋ́ lɩ́sɛ cɔ́rmɛ ɓɩɛrawa ʋ sɩ́ɛ́ mɛ́,
ŋ sɩ́ a rʋ́ʋ́ nɛ́ anɛ kal ná ɓa há lʋ́lʋ́.
Ŋ sɩ́ a rʋ́ʋ́ hɩl a nɛ́ gɩrbétéke,
a nɛ́ tíhɩlɩ́.
háálɔ ná há lʋ́lwɔ́ hɩ́ɩ̃́sʋ́ tɩɩ,
bee wɩ́ɛ́, ʋ sɛ́: «Ŋ sɩ́ tɩ́ŋɩ́ŋ boŋzome mí,
ɓa nɩ́ɩ́ páŋ ɓɩdííle rɩ́ nyii,
pelɔ́ŋ gɛnnɛ, rɩ́ gɛpúwɩɛliwie gɛnnɛ,
nʋʋ arɩ́ nyɔɔlɔ.
8 Ɛ́ nɛ́ tɛ, ŋ ja sɔ́kólli tɔ́ʋ́ ŋmɛ́nɔ mɛ́;
a sɔ́ zeŋe kɛ́rʋ́ mɛ́,
rʋ́ʋ́ báá sʋʋ́ ŋmɛ́nɔ zɩ́mʋ́.
9 Ʋ sɩ́ kiri ɛ́ boŋzome har,
amá, ʋ sɩ́ gúlwó mí;
ʋ sɩ́ jáwɔ́ ká sɩ́wɔ́ ná.
Ɛ́ mɛ́ nɛ́ ʋ sɩ́ bʋlɛ́:
«Ŋ sɩ́ bɩ́r mʋ́ŋ balbɩnɛ́ rɩ́,
bee wɩ́ɛ́, ŋ ráŋ wér
kɩŋ mʋ́l né mí dɩmɩnɩ́ né.»
10 Ʋ fa wɩ ɛ̃́
rɩ́ŋ é ní faá pɔ́ʋ́ bile,
rɩ́ sɩ́ŋ arɩ́ nʋʋ.
Ŋ nɛ́ já meéwie rɩ́ salmɛ má tɩɩ a pɔ́ʋ́,
ɛ́ nɛ́ ɓa kaa mʋ́ ɓaarɛ Baal.
11 Ɛ́ nɛ́ tɛ, ŋ sɩ́ bɩrko láŋ bile,
ɓa kʋsɛ́ tɛ́ŋ mɛ́ rɩ́rɩ́ŋ dɩvɛ́ŋ haasɛ́ cɛ́rɛ́ mɛ́
arɩ́rɩ́ŋ pelɔ́ŋ gɛnnɛ ná rɩ́ gepúwɩɛliwie gɛnnɛ ná
ʋ fa há kené aá tɔ́ʋ́ hɩ́ɩ̃sɛ mɛ́.
12 Mʋ́l né mí, ŋ sɩ́ a rʋ́ʋ́ hɩ́ɩ̃sɛ nyɩɩsɛ
ʋ boŋzome ná sɩ́ɛ́ mɛ́,
ká nɛ́ŋ tóó aá lɔ́ʋ́ ŋ nɛ́sɛ mɛ́.
13 Ŋ sɩ́ a rʋ́ʋ́ jʋɔsɛ́ wuu tenni,
ʋ caŋsɛ díí, ʋ caŋfɛlɛ caŋsɛ díí, ʋ fɩɛlɛ́ tápʋlɛ caŋsɛ díí arɩ́ céŋsi ná wuu há ká caŋsɛ díí a pɔ́ʋ́.
14 Ŋ sɩ́ zɔ́kʋ́ viínyiwa rɩ́rʋ́ pirtuuni ná,
ʋ fa há bélwó ká bʋlɛ́:
Ŋ tume nɛ́ ɛ́ ŋ boŋzome há páŋ!
Ŋ sɩ́ a rɩ́wɔ́ bɩ́rmɛ gɩrkɔ́
rɩ́ balla díwó.
15 Ʋ vɛ́ŋ tá, ká púú tɛ́ŋ wuu aá ɓaarɛ Baalwa. A sʋ́llɩ́ŋ é wɩ́ɛ́, ká ɓɩ́ɛ́rʋ́ tɩɩ, a hé nénípɩra rɩ́ baŋzííme aá jɩ́klʋ́ boŋzome sɩ́ɛ́. Ɛ́ nɛ́ tɛ ŋ sɩ́ cɩ́nʋ́ mɛ́, a a rʋ́ʋ́ bílú ɛ́ wɩ́ɛ́ ʋ há ɛ́ɛ́ nʋɔ páŋ. Nyuutɩna Wɩɩsɛ nɛ́ bʋ́l ɛ́.
Wɩɩsɛ có rʋ́ʋ́ bɩr kánú nɩɛ sabɩɩna kóú rɩ́
16 Ɛ́ nɛ́ tɛ, ŋ sɩ́ bʋl kánʋ́;
a kánʋ́ mʋ́ gɩrbétéké sɩɛrʋ,
a bʋl kánʋ́ sabɩɩna bɩrɛ héŋ rɩ́.
17 Ráŋ nɛ́ ŋ sɩ́ bɩrpúú viínyiwa baksɛ pɔ́ʋ́,
arɩ́ Akɔɔrɛ polo há sɩ́ a yɩɛla dánnʋɔ́ pɔ́ʋ́;
ráŋ, ʋ sɩ́ saŋ anʋ́ʋ́ pʋɔsɛ́ tɛ́ŋ mɛ́,
anɛ kal ná ʋ há lɛ́ Ezipiti mí.
18 Ɛ́ tápʋl ɩ sɩ́ yɩ́rɩ́ŋ: Ŋ bála!,
Ɩ baa wɩ́ŋ pií yɩ́rɛ́: Ŋ veno Baal! Nyuutɩna Wɩɩsɛ nɛ́ bʋ́l ɛ́.
19 Ŋ sɩ́ a rɩ́ Baalwa yɩra lʋ́ʋ́ nʋɔ mɛ́,
ɓa báá wʋ́ɔ́ yɩra yɩ́rɩ́ ná.
20 Ɛ́ kal, ŋ sɩ́ bil nʋtʋmɛ ɓa
rɩ́ baka pʋsɛ rɩ́ bána nyúú díwiisi arɩ́ tíé tútuure pɛ́kɛ.
Ŋ sɩ́ kɛ́rɛ túó rɩ́ tókowí arɩ́ lal mɛ́, rɩ́wɔ́ nyɩ́ɩ́kɛ tɔ́ɔ́ ná mɛ́,
ká rɩ́ŋ a rɩ́wɔ́ wólli pɛ́ rɩ́ tɛŋfɩ́ɛ́l.
21 Ŋ sɩ́ a rɩ́ɩ́ áŋ dʋŋɔ házoŋ, a kaá mʋ́ wuu.
Ŋ sɩ́ a rɩ́ɩ́ áŋ házoŋ rɩ́ taŋá arɩ́ yɛ́rɛ́ sɩɛrʋ,
a tɩ́ŋ cólle arɩ́ susufɔ́ɔ́ mɛ́.
22 Ŋ sɩ́ a rɩ́ɩ́ áŋ házoŋ nɩcɩ́tɩ́kɔ́ sɩɛrʋ,
ká rɩ́ɩ́ zɩŋ Nyuutɩna Wɩɩsɛ.
23 Ɛ́ kal, ŋ sɩ́ lɩ́sɛ nʋɔ,
ŋ sɩ́ saŋ bána há sʋ́ʋ́ ná,
ká rɩ́ bána má saŋ tíé há sʋ́ʋ́ ná,
Nyuutɩna Wɩɩsɛ nɛ́ bʋ́l ɛ́.
24 Tíé sɩ́ saŋ bile rɩ́ dɩvɛ́ŋfɛlɛ arɩ́ nʋfɛlɛ sʋ́lɛ́,
ká rɩ́wɔ́ má saŋ pá Zizireyɛl.
25 Tɔ́ɔ́ ná mɛ́, ŋ sɩ́ ból óŋduo páŋ tɩɩ,
ŋ sɩ́ fá Lo-Ruhama susu.
Ŋ sɩ́ bʋl Lo-Ami rɩ́ a bʋlɛ́: Ɩ káŋ nɛrɔ nɛ́!
Ká rʋ́ʋ́ má yɩ́rɩ́ŋ bʋlɛ́: Ŋ Wɩɩsɛ!