Ezekɩɛl ká síŋtírípɔ́ɔ́rɔ́ nɛ́
33
1 Nyuutɩna Wɩɩsɛ lɩŋó bʋlɩ́ŋ rɩ́ bʋlɛ́: 2 Báálɔ bio bʋl pɛɩ́ duonɩɛ ná bʋlɛ́: Rɩ́ŋ nɛ́ yikí dɩŋdɔmɔ rʋ́ ko yó tɔ́ɔ́, ká ɛ tɔ́ɔ́ sɩɛrʋ ɓa lɩ́sɛ síŋtírípɔ́ɔ́rɔ́ rʋ́ʋ́ bibel tɔ́ɔ́ ná mɛ́. 3 Ɛ nɛ́ síŋtírípɔ́ɔ́rɔ́ ná dɩŋdɔmɔ haá kué rʋ́ yó tɔ́ɔ́ ná, a mú nyɩ́la (muule) rɩ́ tɔ́ɔ́ ná nɩɛ kaŋwɔ́ tɩɩ, 4 amá, ɛ tɔ́ɔ́ mɛ́ rɩ́ nɛrɔ nɛ́ nɛ̃́ nyɩ́la (muule) ná muí dɔmɛ, ká a sɛŋɓɛlɩ́ rɩ́ dɩŋdɔmɔ ko ɓʋʋ́. Ɛ nɛrɔ sʋʋ kɔʋ́ tɩɩ nyúú wɩ́ɩ́ rɛ́. 5 Bee wɩ́ɛ́, ʋ nɛ̃ nyɩ́la (muule) mú dɔmɛ, ká vɛ. Ʋ tɩɩ cɛ́l bɩsɛ kɔ́ʋ́ tɩɩ nyúú wɩ́ɩ́. Rʋ́ nɛ́ fa saŋɛ́, ʋ fa sɩ́ ná waana. 6 Amá, rɩ́ Síŋtírípɔ́ɔ́rɔ́ sɩ́ɩ́ ná dɩŋdɔmɔ rʋ́ʋ́ ko, kɔʋ́ taŋŋʋ́ nʋɔ a wɩ nyɩ́la (muule) mué rɩ́ nɩɛ kaŋwɔ́ tɩɩ, ká rɩ́ dɩŋdɔmɔ ko ɓʋ́ nɛrɔ. Ɛ tɩ́na sʋʋ ká ʋ há wɩ wɩ́ɩ́ nɩɛ̃ nɛ́ tɛ́. Ɛ wɩ́ɛ́, ʋ cɛ́l mɩŋ síŋtírípɔ́ɔ́rɔ́ ná nyúú nɩ́. 7 Báálɔ bio, ɩ nɛ́ ŋ lɩsɛ rɩ́ a Ɩzɩrayɛl duo ná síŋtírípɔ́ɔ́rɔ́. Ɩ sɩ́ zesɩ́ŋ nʋɔ wɩ́ɛ́ a lá bʋl aá páwɔ́. 8 Rɩ́ŋ nɛ́ sɛ́: Nɩbɔmɔ sɩ́ sʋwɛ! Rɩ́ nɛ́ wʋ́ cáánɛ́ rʋ́ tá malbɔmɔ ná, ʋ sɩ́ sʋwɛ nɩbɔmɔ sʋʋ. Rʋ́ʋ́ nɛ́ sɩɛ́ sʋwɛ ɛ, zɩŋ rʋ́ sʋʋ kɛɩ́ nyúú wɩ́ɩ́. 9 Amá, rɩ́ nɛ́ yɩrɛ nɩbɔmɔ rɩ́ cáánʋ́ rʋ́ tá malbɔmɔ ná, rʋ́ nɛ́ vɛɛ a wɩ saŋɛ bɩrsɛ, ʋ sɩ́ sʋwɛ ʋ malbɔmɔ ná wɩ́ɛ́. Amá ɩ é sɩ́ ká mɩɩsɛ. 10 Zesi báálɔ bio, bʋl pá Ɩzɩrayɛl duo nɩɛ: Ɩ́ sɛ́: Á wɩ́vɛ́llɛ rɩ́ wɩbɔma wɩ́ɛ́ nɛ́ tɛ́ wɩɩla perírá. Ɛrɛɛ́ rɛ́ sɩɛ́ á sɩ́ a ká ná waana>> 11 Ɛ wɩ́ɛ́, bʋl pɔ́wɔ́ bʋlɛ́: Ŋ wommó! Nyuutɩna Wɩɩsɛ nɛ́ sɛ́. Ŋ jáŋ rá tó rɩ́ nɩbɔmɔ sʋwɛ, amá rʋ́ bɩrsɛ mala a tá bɔŋbɔŋ ɛɛ ká ná waana. Ɛ wɩ́ɛ́, ɩ́ bɩrsɛ a tɛɩ́wa bɔŋbɔŋ ɛɛ. Ɩ́ é Ɩzɩrayɛl nɩɛ, bee rɩ́ tɛ́ ɩ́ có sʋʋ kɩ́llɛ waana>> 12 Ká, ɩ é báálɔ bio, bʋlɩ́ nɩɛ ná rɩ́ bʋlɛ́: Rɩ́ nɩtaŋá nɛ́ vɛ weri ɛɛ́, ka rɩ́ kal oro rʋ́ tá werí ná ɛɛ ká bɩrʋ́ sɩ́ɛ́ hé bɔŋbɔŋ ɛɛ mɛ́, ʋ werí ná wuu ká yɔɔ nɛ́. Rɩ́ nɩbɔmɔ má nɛ́ bɩrsɛ sabɩɩna a tá tesié mala ná, ʋ tesié wɩbɔma ná baá wɩ wɩ́ɩ́ kené ʋ nyúú. Rɩ́ nɩtaŋá nɛ́ vɛ weri ɛɛ, ká tʋ́tʋ́ŋ bɔŋbɔŋ, ʋ tesié werí ná baá wʋ wuó lá aá tá; ɓa wuu dé ká yɔɔ nɛ́. 13 Rɩ́ŋ nɛ́ bʋl nɩtaŋá rɩ́ bʋlɛ́: Ɩ sɩ́ ká mɩɩsɛ, a má rʋ́ nɛ́ belú tesié wɩwere ná ʋ há ɛɛ, ka bʋlɛ rɩ́wɔ́ mɔhɔ̃; ká baá mɩ́ŋ róŋ aá tʋ́ŋ bɔŋbɔŋ ʋ sɩ́ sʋwɛ ɛ wɩ́bɔma yɩrɛ mɛ́. 14 Rɩ́ŋ nɛ́ baá bʋl nɩbɔmɔ rɩ́ bʋlɛ: Ɩ sɩ́ sʋwɛ! Rʋ́ʋ́ nɛ́ ɓɩɛná vɔʋ́ wɩ́bɔma ná tá, kaá tʋ́ŋ yɛrɛ, ʋ sɩ́ ná waana. 15 Rɩ́ nɩbɔmɔ nɛ́ pí omo ná ʋ há kene mʋ tá ká lá kɩŋ a pá tɩ́ná, omo ná ʋ há gɛɛ rʋ́ʋ́ nɛ́ pií pá, ka bɛllɛ pí ʋ baá wɩ bɔŋbɔŋ a ká tɩ́ŋ kɩŋse wɩ́ɛ́ ná há pá hiẽso; ʋ baá wa sʋwɛ, ʋ sɩ́ ká mɩɩsɛ. 16 Ɓa baá wʋ́ wɩ́bɔma ná oro wuu pí cɩ́ɩ́nʋ́, bee wɩ́ɛ́ ʋ tʋ́ŋ taŋá rɩ́ yɛ́rɛ́; ʋ sɩ́ ná waana. 17 Ɩ nɩɛ bʋlɩ́ŋ rɩ́ bʋlɛ́: Nyuutɩna Wɩɩsɛ wɩ́ɛ́ wɩ werí (taŋá kene). Ɓa sʋ́llɔ rɩ́ ɓa ɓɩɛ nɛ́ tórá. 18 Rɩ́ nɩtaŋá nɛ́ tá weri ɛɛ, ká tʋtʋ́ŋ bɔŋbɔŋ ʋʋ́ sʋwɛ nɛ́. 19 Ká rɩ́ nɩbɔmɔ má nɛ́ tɔʋ́ malbɔmɔ ká tʋtʋ́ŋ taŋá rɩ́ yɛ́rɛ́, ʋ sɩ́ ná waana. 20 Ɛ nɛ́ ɩ́ sɛ́: Nyuutɩna Wɩɩsɛ ɓɩɛ tórá (wɩ taŋá kene)! Ɩ́ sɩɛ́ zɩ́ŋ Ɩzɩrayɛl jamáŋ, rɩ́ŋ sɩ́ diíwa sariya a cɛrɛ́ nɛ́ŋ wuu wɩ́'aalɩ́!Ɓa yó lá Zerizalɛmɛ
21 Á yomɩ́ colé har mɛ́, bɩŋsɛ fí rɩ́ bɛllɛ nyúú mí, cáŋsɛ fí nyúú mí, tapʋlɛ bɔmmʋɔ kal, Zerizalɛmɛ lalnɩkɛsɛ ná nɔ́ŋɔ ko bʋl páŋ bʋlɛ́: «Ɓa yó lá tɔ́ɔ́ ná!» (Tɔ́ɔ́ ná ɓelo) 22 Ɛ kal gbaanɛ ká rʋ́ zɩ́ŋ ko, Nyuutɩna Wɩɩsɛ fa lá sɩɛ́ wuríŋ nʋɔ. Ʋ tɔ́ɔ́ koo pʋlɛ cɩ́cʋɔ rɩ́ŋ wó wɩ́ɛ́ aá bʋl. 23 Ɛ nɛ́ Nyuutɩna Wɩɩsɛ lɩŋó bʋlɩ́ŋ rɩ́ bʋlɛ́: 24 Báálɔ bio noú ná Ɩzɩrayɛl nɩɛ ná há kaanɛ Ɩzɩrayɛl jɩɓóri ná sɩɛrʋ há sʋʋ ná: Abɩraŋ fa kɔʋ́ dʋŋɔ́ ká nɛ́ tɩllɛ tɔ́ɔ́ ná wuu. Á é sɩɛ́ há kanɔ mɔ́ nyɛ́ nɛ́; rá ɔsɛ tɩllɛ tɔ́ɔ́ ná a kɩ́llɛ Abɩraŋ má tɩɩ. 25 Ɛ wɩ́ɛ́ bʋl pɔ́wɔ́ bʋlɛ́: Nyuutɩna Wɩɩsɛ sɛ́: Ɩ́ɩ dí cɛ́l ɓɩdiile nɩ́, á piíwa yɩɛ́la wuu héíwa venni mɩ́ nɩ́, aá bɩsɛ cɛ́l. Ɩ́ tʋ́ŋ nyɛ́ nɛ́ ká bɩɩnɛ rɩ́ɩ́wa nɛ́ sɩ́ tɩ́llɛ tɔ́ɔ́ ná! 26 Ɩ́ sɛ́ tokowié nɛ́ kɛɩ́wa doé, aá tʋ́ŋ wɩ́tɩɛnnɛ, báála kɛsɩ́wa kenninaŋá háála aá pɛɛ, ɓa zʋ́ busunnu. Ɩ́ tʋ́ŋ nyɛ́ ká rɩ́ɩ́wa nɛ́ tɩ́llɛ tɔ́ɔ́ ná! 27 Ɛ wɩ́ɛ́ bʋl pɔ́wɔ́ bʋlɛ́: Nyuutɩna Wɩɩsɛ há wommó sɛ́: Tokowí nɛ́ sɩ́ ɓʋ́ʋ́sɛ nɩɛ ná wuu há kaanɛ tɔ́ɔ́ ná jɩɓorú ná sɩɛrʋ, ɓa ná má há mɩŋ gɩr mɛ́ rɩ́ baka balla nɛ́ díwó namɩŋsa, ká rɩ́ pʋɔlɩ́ taarɩ́ ɓʋ́ʋ́sɛ ɓa ná má há mɩ́ŋ pallɛ bʋɔnnɛ rɩ́ kúŋkórkowa sɩɛnnɛ. 28 Ŋ sɩ́ zɔkɛ tɔ́ɔ́ ná ká rʋ́ bɩrmɛ́ tɔ́ɓóó, a makɛ rʋ́ nyʋ́kɔ ná nyɔʋ́ nyúú mɩ́. Ká rɩ́ nɩɛ vɛ Ɩzɩrayɛl pallɛ tá, nɛ́ŋ báá wɩwɔ́ dahá zɛ́. 29 Ŋ sɩ́ tɩ́ŋ ɩ́ wɩ́lɔrɛ ná wɩ́ɛ́ a zɔkɛ tɔ́ɔ́ ná ɓóŋ, ʋ é ɩ́ sɩ́ zɩ́ŋ rɩ́ŋ nɛ́ ká Nyuutɩna Wɩɩsɛ. 30 Ɩ é báálɔ bio, ɩ maábɩnaŋá cɛ́ zeŋe daha rɩ́ dannʋʋsɛ nʋɔ mɛ́ a bʋl naŋá rɩ́ bʋlɛ́: Ɩ́ ko rá mʋ zesí Nyuutɩna lɩŋó há sʋʋ ná! 31 Ɛ nɛ́ ɓa heí naŋá mɛ́ ko kení sɩɛ́, a zesɩ́ wɩ́bʋlɛ́. Ɓa zesó, ká vɛ rɩ́wɔ́ tɩ́ŋ ɛ ná wɩ́bʋlɛ́ ná maksɛ, kaá tʋ́ŋ ɛ ná há cɛrwɔ́ sabɩɩna wɩ́jallɛ. 32 Ɩ wɩ́bʋlɛ zese ŋmɔ́mɔ ɓa dɩlla mɛ́, ká ɓaá zesi kaá wɩ kaa tʋ́ŋ. A révoir>> 33 Ɛ nɛ́ tɛ́ wɩ́ɛ́ nyáŋ nʋɔ há sɩ́ sú, ɓa nʋɔ suí báá wɩ ból, ʋ perí tɛsíí. Ʋ ɛ nɛ́ ɓa sɩ́ zɩ́ŋ rɩ́ Wɩɩsɛ wɩ́laabʋllɔ fa mɩŋwɔ́ sɩɛrʋ.