Wɩɩsɛ tʋ́ŋ Ezekiyɛl Ɩzɩrayɛlɛ bɛlɛ rɩ́
2
1 Ʋ bʋlɩ́ŋ rɩ́ a bʋlɛ: «Nɩbiino bio isi cɛ́ dahá, rɩ́ŋ bʋlɩ́ wɩ́ɛ́ pɛɩ́.» 2 Ʋ há bʋ́l ɛ páŋ, Wɩɩsɛ sabɩɩna ko zʋ́ŋ a kanɩ́ŋ cɛ́ dahá; káŋ nɛ̃ nɛrɔ ná há bʋlɩ́ŋ rɩ́. 3 Ʋ bʋlɩ́ŋ rɩ́ bʋlɛ́: «Nɩbiino bio, ŋ nɛ́ tʋmɩ́ Ɩzɩrayɛlɛ bɛlɛ rɩ́, nɩbɩɩlɛ (nɩvaalɛ) nyáŋ rɩ́ há ise cɩnɩ́ŋ mɛ́, a kaá ko lɛ zaa ɓa rɩ́wɔ́ naábalwa cɩ́nɩ́ŋ mɛ́. 4 Ŋ tʋmɩ́ nyúdotɩ́ɩ́na nyáŋ há ɓáŋwɔ́ baŋcɩllɛ rɩ́; rɩ́ bʋ́l pɔ́wɔ́ bʋlɛ́: “Nyuutɩna Wɩɩsɛ sɛ́ nyɛ́ nɛ́'. 5 Ɛ́ wɩ́ɛ́, rɩ́ɩ́ ɓa zesí, rɩ́ ɓa wɩ zesí; bee wɩ́ɛ́ ɓa ká nɩbɩɩlɛ duo wɩ́ɛ́, ɓa sɩ zɩŋ rɩ́ Wɩɩsɛ wɩ́laabʋllɔ mɩ́ŋwɔ́ sɩ́sɩɛnnɛwa. 6 «Nɩbiino bio, zesi sɩ́wɔ́ fa, a sɩ́wɔ́ wɩ́bʋlɛ má fa. Ɓa sɩ́ isi bʋl wɩ́ɛ́ cɩnɩ́ wɩ́bʋlɛ ná mɛ́, bee wɩ́ɛ́ ɓa nɩhɛ̃ sɔrsɛ sɩɛrʋ nɛ́ ɩ mɩŋ, ká ké nʋɔnnɛ dahá. Sɩ lo rɩ́wɔ́ wɩ́bʋlɛ hé hewíŋ pɛɩ́, ká sɩ lo rɩ́wɔ́ sɩbelé ká hewíŋ pɛɩ́; bee wɩ́ɛ́ ɓa ká nɩbɩɩlɛ duo ní. 7 Ɩ sɩ bʋlɩ́ŋ wɩ́ɛ́ pɔ́wɔ́, rɩ́ ɓaá zesí ɓa wɩɩ́ zesí: Ɓa há ká nɩbɩɩlɛ duo wɩ́ɛ́ nɛ́.8 «Nɩbiino bio, zesíŋ há sʋ́ʋ́ ná a pɛɩ́: Sɩ́ nɩbɩɩlɛ a, anɛ́ nɩɛ nyáŋ há ká nɩbɩɩlɛ. Wurí nʋɔ a dí ɓɩdiili ná ŋ há sɩ́ pɛɩ́.»