Zɔ́krʋ sɩ́ dí nɛ́ŋ ná háá zɔkɛ́
33
1 Wɩ́hala, a pɛ́ɩ́, ɩ háá zɔ́kɛ́ ka zɔkrʋ há wɩ péré,ɩ háá gɩ́rmɛ́, ka ɓa há wɩ́ɩ́ gɩ́rmɛ́.
Tɛ́ŋ ná mɛ́ ɩ há sɩ́ tá zɔkrʋ nɛ́ ɓa sɩ́ zɔ́kɩ́,
tɛ́ŋ ná mɛ́ ɩ há sɩ́ tá gɩ́rmɛ́ nɛ́ ɓa sɩ́ gɩ́rmɩ́.
2 Nyuutɩna, fárá súsú! Á yɩ́ɛ́lɩ́ nɛ́.
Párá dóé cɩ́cʋ́ɔ́ é wuu,
ká lárá tá sazɔkɔ́ tɛ́ŋ mɛ́.
3 Rɩ dóŋ nɛ́ ɓɛ́ɛ́, nɩɛ fá nɛ́,
rɩ́ɩ́ nɛ́ ísé, duówa nɩɛ́ pɩsɛ náŋá mɛ́ nɛ́.
4 Lalɓɩ́ɛ́ púó anɛ naŋgɩrma nɛ́,
nɩɛ tɔ́wɔ́ mɛ́ anɛ hʋ̃́yorowa aá túóki.
5 Nyuutɩna Wɩɩsɛ nɛ́ tɛ́ píŋ,
beé wɩ́ɛ́, ʋ mɩŋ bána nyúú,
ʋ ɔ́ʋ́ yɛ́rɛ́ arɩ́ taŋá sú Sɩɔŋ.
6 Tɛŋfɩ́ɛ́l ná ɩ́ há sɩ́ ka ɩ́ mɩnɛ́ mɛ́, ʋ nɛ́ ka laatɛ́ kuóɓɩ́ɛ́.
Zɩ́mɛ́ rɩ́ wɩ́ɛ́ zɩmɛ́ arɩ́ Nyuutɩna Wɩɩsɛ héwífɔ́ɔ́ nɛ́
sɩ́ ɔ́ʋ́ kuorí.
Sazɔkɔ́ arɩ́ níŋ wɩ́ɛ́
7 Ná Arɩyɛl má nɩɛ (bɩbara) nɩ́ɩ́ cáási ŋmɛ́ŋsɛ mɛ́,
nɩɛ ná háá bʋl tɛŋfɩ́ɛ́l nɛ́ cáásɛ aá wí.
8 Ŋmɛ́ŋsɛ ká wuóli,
nɛ́ŋ wuu baá wɩ ŋmɛ́nɔ mɩ́ɩ́ va.
(Dɩŋdɔmɔ zɔkɛ...) Nʋtʋmɛ zɔ́kɔ́, ɓa vɛ́ tɔ́nɛ tá,
nɛ́ŋ wuu baá wɩ zíŋ.
9 Tɔ́ɔ́ mɩŋ yúó mí, zɔ́krʋ́ púú.
Liibaŋ wɩ sɩ́ɛ́ kéné, hɩ̃́ɩ̃́sɛ kénú.
Saarɔŋ arɩ́ Araba wɩ́ɩ́ ka balá (tuu tóó gɩr).
Basaŋ arɩ́ Karɩmɛl páárʋ yúóro (wɩ tɛŋfɩ́ɛ́l kéné).
10 Nyuutɩna Wɩɩsɛ sɛ́:
Mʋ́l né mí, ŋ sɩ́ ísí,
mʋ́l né mí, ŋ sɩ́ tɩ́ɛ́nɩ́ŋ tɩɩ,
mʋ́l né mí, ŋ sɩ́ mákɩ́ŋ píŋ.
11 Nyɔ́míŋ púúsi ní, ɩ́ kɛ́sɛ, nyɔ́ɔ́ nɛ́ sɩɛ́ rɩ́ɩ́wa lʋ́l,
ɩ́ mɩ́ŋgbelwíé poo sɩ́ a níŋ, a gɩr dííwa tɩɩ.
12 Níŋ sɩ́ dí nɩɛ rɩ́wɔ́ bɩ́rmɛ tápʋmmɔ,
ɓa sɩ́ nɩ́ɛ̃́sɛ sɔ́kolli ɓa há ɓɛ́ɛ́ hé níŋ mí.
13 Ɩ́ nɩɛ ná há mɩŋ dɩboli, ɩ́ zésíŋ há ɔ́ɔ́ ná,
ɩ́ nɩɛ ná há mɩŋ tɛ́sɩ́ɩ́, ɩ́ náŋ dóé há mɔ́ ɛ̃́.
Áŋ rɛ́ sɩ́ fori sarɩ́ya mɛ́>>
14 Sɩɔŋ mɛ́, héwíŋ zʋ́ wɩ́bɔ́ŋ'áára,
nɩtɩ́ɛ́nnɛ nɩ́ɩ́ vaklɛ.
Á sɩɛrʋ orí rí sɩ́ wólli cɛ́ tɩkɛ níŋváá>>
Á sɩɛrʋ orí sɩ́ wólli cɛ́ tɩkɛ níŋ ná há wáá dʋsɛ (níŋdʋsɩ́rá)>>
15 Nɛ́ŋ ná háá va taŋá sɩɛrʋ,
nɛ́ŋ ná nyɩ́ɛ́rʋ há tóú wɩ́bʋlɛ́ sɩɛrʋ,
nɛ́ŋ ná há wɩ óŋkaafore dí,
nɛ́ŋ ná há sɛ́mʋ́ nɛ́sɛ aá lɩsɛ́ nʋmáánɔ (zílyɔ́wɛ́) ɓɩɛ́ sɩɛrʋ,
háá fɛ́sʋ́ dɩlla, rʋ́ʋ́ sɩ́ nɩɓʋ́ʋ́rɩ́wɩ́ɛ́ nɛ́,
háá tɔ́ʋ́ sɩ́ɛ́, rʋ́ʋ́ sɩ́ bɔ́ŋbɔ́ŋ bélú;
16 ʋ tɩ́na nɛ́ sɩ́ mɩ́ŋ dɩpiŋe mí,
bʋ́ɩ́ sɩɛrʋ nɛ́ sɩ́ ɔ́ʋ́ dɩyúóli,
ʋ sɩ́ ná ɓɩdííli, ʋ wɩ nyii míí gúl.
Zerizalɛmɛ laatɛ́ wɩ́ɛ́
17 Ɩ sɩ́ɛ́ sɩ́ bɛ́llɛ́ kuóro ʋ wér sɩɛrʋ,
ɓa sɩ́ ná tíé wuu a mʋ́ yákʋ́ nʋɔ mɛ́.
18 Ɩ sɩ́ bɩ́ɩ́nɛ héwíŋ ná fa há kéní wɩ́ɛ́:
Nɛ́ŋ ná fa háá kɩ́ɛ́lɛ mɩŋ nɛ́ɛ́ rɛ́>>
Nɛ́ŋ ná fa háá la lóŋpowa ná mɩŋ nɛ́ɛ́ rɛ́>>
Nɛ́ŋ ná fa háá pɔ́ zekɛ́rɛ ná mɛ́ mɩŋ nɛ́ɛ́ rɛ́>>
19 Ɩ báá wáá a rɩ́ɩ́ ná nɩɛ nyáŋ há kéŋ nyʋ́kɔ́,
nɩɛ ná wɩ́bʋlɛ́ há wɩ mʋ́ʋ́la kéné,
wɩ́bʋlɛ́ há kéŋ hɩ̃́ɩ̃́sɛ ká wɩ sɩ́ɛ́ má kéné.
20 Kɩ́ɛ́lɛ Sɩɔŋ, tɔ́ɔ́ ná há kárá caŋsɛ dɩdíí,
ɩ sɩ́ɩ́ sɩ́ ná Zerizalɛmɛ, dɩhɩ̃́ ná walmɛ́ há tóú,
táŋtɛ ná báá há wáá cúnní ná,
ʋ dápesi báá há wáá cúnní ná,
ʋ ŋmɛ́sɛ báá há wáá purí ná.
21 Ráŋ nɛ́ Nyuutɩna Wɩɩsɛ sɩ́ mákʋ́ wér a párá,
fozeŋse arɩ́ nyipalnazeŋse dɩtɩ́llɛ nɛ́;
amá nyidábore oro wuu waá kuósí dáárɛ ráŋ,
nyidáborzeno oro wuu wɩ ráŋ tɩ́ŋ dáárɛ.
22 Ʋ ká ɛ́, Nyuutɩna Wɩɩsɛ nɛ́ kárá sarɩ́yadííro,
Nyuutɩna Wɩɩsɛ nɛ́ makɛ wɩ́ɛ́ (kíŋse) aá párá.
Nyuutɩna Wɩɩsɛ nɛ́ kárá kuóro,
ʋ nɛ́ lárá aá tá.
23 Ɩ ŋmɛ́sɛ gbɛ́llɔ́,
ɓa báá wɩ nyidábore dirapó dáterke ná kené cɛ́ wérí,
ɓa báá wɩ dɩrapó (jɔ́ŋjɔ́ŋ) kéné jɛ́rɛ.
Ɛ́ mɛ́ nɛ́ sɩɛ́ rɩ́wɔ́ ɓá lal ɓɩɛ́ oŋkaná,
nacɔ́ktɩ́náwa má tɩɩ sɩ́ ná ɓáálɛ ɛ́ lal ɓɩɛ́ sɩɛrʋ.
24 Zerizalɛmɛ nɛ́ŋ balá má báá wáá bʋlɛ́:
«Ŋ tɛ́ŋ wɩ náŋá mɔhɛ̃́.»
Nɩɛ ná há mɩŋ Zerizalɛmɛ sɩ́ nówó wɩ́bɔma píí cɛ́ɛ́.