Babɩlɔɔnɛ ɓalɛ́ wɩ́ɛ́
21
1 Liŋó ná há tɩ́ɩ́nɛ “Mʋʋ gɩrbétéke mí”.Dɩŋdɔmɔ nɛ́ lɛ́ gɩrbétéke sɩɛrʋ aá ko,
tɔ́ɔ́ ná há kéŋ héwíŋ sɩɛrʋ aá ko,
anɛ polvílmiwa ná há tɩŋ Nɩgɛɛvɛ aá daarɛ.
2 Wɩ́muulinaalɛ ná há gɩrɛ nɛ́ ŋ ná:
Kaapaarɔ́ kénó aá pá nɛ́
ká zɔ́krɔ má mɩ́ŋ zɔ́kɛ́ mɛ́.
«Elaŋ nɩɛ, ɩ́ mʋ́ yo!
Mɛɛdɛ nɩɛ, ɩ́ cú tɔ́ɔ́ ná hé.
Ŋ sɩ́ a rɩ́ hiĩ́ne tenni.
3 Ɛ́ nɛ́ tɛ́ ŋ nɩnɛ wɩɩla mɛ́
ŋ tɩŋa mɛ́.
Wɩɩla púŋ,
anɛ háálɔ lʋ́lɛ́ mɛ́.
vúkmewa pɔ́ŋ mɛ́ rɩ́ŋ sɩ́ wɩ́ɛ́ nɛ́,
héwíŋ pɔ́ŋ mɛ́ rɩ́ŋ sɩ́ ráŋ ná.
4 Ŋ baá wɩ baŋcɩpɩrɩ́ kéné,
héwíŋ fúklíŋ.
Wɩzʋ́ʋ́lɔ ná ŋ fa háá dɛ́llɛ
bɩ́rmɛ váklɛ wɩ́ɩ́ rɛ́ páŋ.
5 Ɓa bíl ɓɩdííli,
a bɩ́rmɛ dɩkéŋsi (a jɛ́rɛ gɛnnɛ>>),
a dí kaá nyɔ ...
Naasɩ́ balá, rɩ́ ɓa caasó:
«Sɩ́dííre, ɩ́ isi! Ɩ́ láárɩ́wa hɔ́kɛ́rsɛ rɩ́ nʋʋ!»
6 Beé wɩ́ɛ́, ná Nyuutɩna Wɩɩsɛ
há sʋ́ʋ́ ná a páŋ:
«Mʋ́ a sɩ́ŋtírpɔ́ɔ́rɔ cɛ́;
a máŋsʋ́ há nóú ná a pɛ́ɩ́!
7 Rʋ́ʋ́ nɛ́ ná lalyóórítórko,
rɩ záksɛ bɛllɛwa pɔ́sɔ́ aá vá,
rɩ lalyóóre zɛ́ kókúsi tʋ́kɛ náŋá mɛ́,
rɩ lalyóóre zɛ́ nyʋ́kmawa tʋ́kɛ náŋá mɛ́,
rʋ́ʋ́ pɔ́, a ɔsɛ pɔ́ wérí!»
8 Nɛ́ŋ ná fa háá bélé,
cáásó anɛ kɩ́ŋkáná a bʋlɛ́:
«Nyuutɩna, ŋ cɩ́nɩ́ŋ dɩpɔ́ɛ́ ná mɛ́ wɔhɔ, tɛ́ŋ wuu mí,
a cɩ́ daha ŋ dɩpɔ́ɛ́ ná mɛ́
tɩ́táŋ é wuu.
9 Ná, bál rɛ́
zʋ tórkó, záksɛ bɛllɛwa háá pɔ́sɛ́, aá kó ráŋ.
Ɛ́ nɛ́ ʋ sɛ́:
Babɩlɔɔnɛ ɓálɔ́,
Babɩɩlɔɔnɛ ɓálɔ́!
Ʋ búksú venni veŋgúlli wuu a tá tíé!” »
10 Ɩ nɩɛ ná
ɓa ŋmɔ́wɩ́wa anɛ bile, tʋ́ɔ́ mɛ́,
ná wɩ́ɩ́ ná, ŋ há nɩ́ɛ́,
Nyuutɩna Wɩɩsɛ, Doewuutɩna, Ɩzɩrayɛl Wɩɩsɛ rɩ́,
ʋ nɛ́ ŋ bʋ́l pɛ́ɩ́wa.
Nyuutɩna Wɩɩsɛ gáásɛ wɩ́ɛ́ Edoŋ nyúú
Wɩɩsɛ bʋ́l wɩ́ɛ́ cɛ́ Duma mɛ́
11 Sarɩ́ya liŋó ná há tɩ́ɩ́nɛ “Duma” mɛ́.
Ɓa cɛ́ Seyiiri mí, ká búóli a páŋ:
«Pʋpɔ́ɔ́rɔ, tɩtáŋ mɩ́ŋ nɛ́ɛ́,
Pʋpɔ́ɔ́rɔ, tɩtáŋ mɩ́ŋ nɛ́ɛ́>>»
12 Ɛ́ nɛ́ pʋ́pɔ́ɔ́rɔ́ ná sɛ́:
Tɔ́ɔ́ sɩ́ pʋ́l,
amá tɔ́ɔ́ sɩ́ bíri má.
Rɩɩ́wa nɩ́ɩ́ já bɔsɛ wɩ́bɔsɛ́, ɩ́ bɔsɛ!
Ɩ́ bɩrko, óó, ɩ́ ko.»
Wɩɩsɛ bʋ́l wɩ́ɛ́ cɛ́ Arabi mɛ́
13 Sarɩ́ya liŋó ná há tɩ́ɩ́nɛ Arabi mí.
Dedaŋ zákzɩnna,
ɩ́ sɩ́ cɔ́ Arabi gɩr sɩɛrʋ.
14 Ɩ́ ká nyii a céŋ
a pá nɛ́ŋ ná nyinyʋ́ɔ́sɛ há kené;
Tema nɩɛ, ɩ́ ká ɓɩdííle
a céŋ a pá nɩfáálɛ.
15 Beé wɩ́ɛ́, ɓa fɔ́ɔ́ kɛ́kɛ́ tókówíé mí,
tókówi ná há lʋ́ʋ́ kuo mí,
túó ná há zɩ́nɛ́ sɩ́ɛ́ mɛ́,
lal wɩhálawa sɩ́ɛ́ mɛ́.