Lataarɔ Wɩɩsɛ nɛ́ tɛ píŋ
12
1 Ɛ́ kal, ɩ sɩ́ bʋlɛ́:Ŋŋ́ bɩ́ɩ́ mɛ́, Nyuutɩna Wɩɩsɛ:
ɩ fa dí cɔ́ɛ́ ŋ nyúú,
amá ɩ pii cɔ́ɛ́ liŋ (ɩ cɔ́ɛ́ ná pɔ́rɔ́),
kɛ́ɩ́ bʋ́ɔ́lɩ́ŋ.
2 Ná Wɩɩsɛ ná há láŋ tá;
ŋ lɔ́ʋ́ dí, ŋ wɩ wɩ́ɩ́ wuu fa.
Bee wɩ́ɛ́, Nyuutɩna ná há ka Nyuutɩna Wɩɩsɛ nɛ́ káŋ tíŋ arɩ́ŋ dóé;
ʋ nɛ́ kárá laataarɔ́.»
3 Ɩ́ sɩ́ mʋ́ laatɛ́ nyibúlsɩ́ɛ́ mɛ́
a tɔ́wɔ́ nyii arɩ́ satɔrɔ́.
4 Ɛ́ kal, ɩ́ sɩ́ bʋlɛ́:
«Ɩ́ bɛ́ Nyuutɩna Wɩɩsɛ mɛ́,
ɩ́ kánʋ́ yɩr ɓɔ́ (ɩ́ yɩ́rʋ́ yɩr)
ɩ́ máŋsʋ́ wɩ́zeŋse ná
a pá duówa nɩɛ,
ɩ́ líísú yɩzeno ná wɩ́ɛ́.
5 Ɩ́ dɛ́nnɛ Nyuutɩna Wɩɩsɛ,
beé wɩ́ɛ́, ʋ tʋ́ŋ wɩ́wéré.
Ɩ́ bʋlwɔ́ wɩ́ɛ́
a céŋ tíé wuu!»
6 Sɩɔŋ nɩɛ, ɩ́ jʋ́ɔ́sɛ,
ɩ́ cáási satɔ́rɩ́cááse.
Bee wɩ́ɛ́, ʋ zeno,
Wɩɩsɛ ná há kɔ́ʋ́ dʋŋɔ,
Ɩzɩrayɛl Wɩɩsɛ
a mɩ́nɩ́wa sɩɛrʋ.