ECC 12

Hɩ́ɛ̃́sɛ rɩ́ sʋʋ wɩ́ɛ́

1 Ɩ pʋɔ́sɛ (heŋbiwafɛllɛ) tɛ́ŋ mɛ́, bɩɩnɩ́ mɩ́máárɔ wɩ́ɛ́,

ka rɩ́ tapʋ́lbɔma zɩŋ ko lɩɩ́ mɛ́,

rɩ́ bɩŋbɔma há kuó lɩɩ́ mɛ́ rɩ́ gúl ká bʋlɛ́:

Hiẽso wɩ nyʋɔ́rɛ wuu kene páŋ. 2 Ká rɩ́ wɩpomɩ́, rɩ́ pʋmmɔ, rɩ́ cana, arɩ́ caŋwʋllɛ zɩŋ birí;

rɩ́ duóbásɛ biri rɩ́ duóŋ ko. 3 Ɛ kal, jaa pʋ́pɔ́ɔ́ra há sɩ́ vaklɛ,

rɩ́ báduori sɩ́ wóllú kaŋwɔ́ nyúnni ɓɔ́ (tɩɛnɛ),

rɩ́ háála ná há gɛrɛ mɩŋ báá sɩ́ wúóllu, ɓa nɩɛ há wɩ kaŋ,

ká, rɩ́ bino tɔ́ɔ́ nɩɛ ná há tɩ́ŋ tokoro aá bel mɩ́. 4 Dannʋʋsɛ ná bɛllɛ há caasɛ ŋmɛ́nɔ rɩ́ sɩ́ tɔ́ɔ́,

rɩ́ nɔmɔ báá sɩ́ dɔmʋ́,

rɩ́ tólwiisi ná há yɩ́ yɩɩla nɛ̃ diíwiisi wiile,

a sikli. 5 Nɩɛ fa ŋmɛ́ŋ bólo,

rɩ́ ŋmɛ́sɛ nyúnni rɩ́ heŋwɩ́ŋ ká nɩɛ,

amaŋdie sɩ́ fɛ́ fɩɩla,

rɩ́ hʋɔ̃́yórówa ɔsɛ vʋ́,

ká rɩ́ kapɩrɛ tuu nɔnɔ sʋʋrɛ yɛ́nnɛ.

Rɩ́wɔ́ nɛ́ pí nɩbiino a kaá mʋ́ hátɩŋnnɛ dɩpɩnɛ́;

ŋmɛ́sɛ nyúnni sɩ́ sú rɩ́ wiile. 6 Ká rɩ́ meewie ŋmɛ ná zɩŋ cóki,

rɩ́ salmɛ gbaŋá zɩŋ ceŋŋí,

rɩ́ nyii bulli zɩŋ céŋŋi,

ká rɩ́ vɩ́lɛ́gbaŋa má cɔ́nnɛ́. 7 Kuŋkulo sɩ́ bɩrɛ zʋ́ tíé kuŋkulo, róŋ ná ʋ há lɩɛ́,

ká rɩ́ hiẽso bɩrɛ mʋ́ Wɩɩsɛ rɩ́, ʋ nɛ́ŋ ná fa há pié pá. 8 Ekilezɩasɛ sɛ́: Wɩ́yɔ́ɔ́wa, wɩ́ɛ́ ná wuu ká wɩ́yɔ́ɔ́wa.

Wɩ́ɛ́ dɩ́tenní (dɩ́bʋltenni) wɩ́ɛ́

9 Ekilezɩasɛ zɩmɛ́ wɩ́'alli nɔ́ŋɔ nɛ́ ká, ʋ báá há makɛ wɩ́zɩmɛ́ a pá nɩɛ;

ʋ keno, a kɩɛlɛ wɩ́ɛ́ ɓɩkana a pié sʋɔ́lɛ sɩ́ŋsʋɔ́la kɩ́ŋkáŋ a pá nɩɛ. 10 Ʋ ja wɩ́bʋ́lbie ná há keŋ mʋ́ʋ́la,

a a wɩ́táŋsɛ, a pʋ́ŋsɩ́wɔ́ hé kɛnɔ mɛ́. 11 Zɩmɛ́ tɩ́na nʋɔ wɩ́bʋlɛ́ nɩhɛ̃ deŋtuke nʋɔ hɛŋ ɓa há kené aá cɔ́kɛ́ nɔɔ rʋ́ vá nɛ́;

ká nɩɛ ná haá pʋ́ŋsɛ kɛnnɛ má nɩhɛ̃ téŋkulli há ɓasɛ hé tíé ní (tuu cɔ́ŋsɛ nɛ́). Ʋ ɛ ná ká penʋɔlɔ dʋŋɔ́ palɔ nɛ́. 12 Ŋ bio pɔ́ɩ́ tɩɩ mɛ́ a sɩ́ wɩ́ɛ́ ja suúri: Kɛnnɛ pʋ́ŋsɛ wa tenní,

amá, karmɛ́ kɩ́ŋkáŋ bɔl ( hɩɛ̃sɛ) nɩbiino. 13 Ná, wɩ́bʋlɛ́ ná wuu dɩ́tenní: Fá Wɩɩsɛ hewɩ́ŋ, ká tɩ́ŋʋ́ kɩ́ŋse;

ɛ nɛ́ mɔhɛ̃ rɩ́ nɩbiino wuu tɩ́ŋ. 14 Bee wɩ́ɛ́, Wɩɩsɛ sɩ́ dí wɩ́ɩ́ wuu sariya,

wɩ́ɛ́ ná wuu há feŋse,

ɓa ná há wero,

rɩ́wɔ́ ná wuu há bɔmɔ.