ECC 11

1 Pií dɩpɛ́ŋ yó sakɛ nyii dahá, ká ká yɩɛla rɩ́ cɛrɛ sɩ́ ko pɛ́ rɩ́ noú lɩsɛ.2 Ɩ wɩ nabɔŋ wɩ́ɩ́ ná cié há rʋ́ ko dúníé ɛ̃, ɛ wɩ́ɛ́, sɩ́ɩ́ ɓɩɛ wuu pi bíl dɩbalá. Lɩ́sɩ́wɔ́ balpɛ, ɛrá má córi a bíl cɔ́ɔ́ nɔ́ŋɔ.3 Duóbásɛ nɛ́ keŋ nyii, duóŋ ko nɩ́. Tuu nɛ́ ɓallɛ ʋ pɩ́nʋ́ mʋkur mɩ́ nɩ́. Ʋ có rʋ́ ɓal wɩɩsɛ neduu, ɛrámá wɩɩsɛ dɩpomɩ́ nɛgʋɔ ʋ há dé pɩ́nʋ́ dɩɓallɩ́ ná nɛ́.4 Nɛrɔ ná haá bel poo, wa sáŋ dú;

nɛrɔ ná má haá bel duóbásɛ wɩ óŋ ná a kʋŋ. 5 Ɩ há wɩ poo há lú ɛ ɛ̃, a wɩ cɛ́l há bɩrmɛ́ bio ɛ háálɔ luóru mɩ́ ɩ̃;

ɛ nɛ́ tɛ́ ɩ wa wólli zɩŋ Wɩɩsɛ tʋtʋmɛ́ wuu mʋ́ʋ́la. 6 Ɩ isí cɩ́cʋ́ɔ́, ɩ ja óŋduo dú;

a makɛ gbaanɛ rɩ́ wuóli kʋ́ŋ óŋ;

bee wɩ́ɛ́, ʋ wʋ́ʋ́ ná há sɩ́ cɛrɛ́ ɩ̃, ɩ nɔ́ŋɔ rá, nɔ́ŋɔ nɛ́.

ʋ wúólo ɓa wuu bɛllɛ nɛ́ weré. 7 Pʋmmɔ weró,

ʋ taŋá há wero nɛ́ ka sɩ́ɛ́ há ná ráŋ wɔhɔ. 8 Rɩ́ nɩbiino nɛ́ dí tapʋ́l kaná dúníé né mɩ́, ʋ jʋ́jʋ́ɔ́sɛ ɓa wuu sɩɛrʋ.

Ʋ taŋá mɔhɔ́ rʋ́ zɩ́ŋ rɩ́ tapʋ́lɛ ná naŋá haá kué sɩ́ a bɩno kɩ́ŋkaŋ.

Bee wɩ́ɛ́, wɩ́ɛ́ ná wuu há kué ká wɩ́yɔ́ɔ́wa.

Nɩbiino tɛ́ŋ pʋɔ́sɛ rɩ́rʋ́ tɛ́ŋ hɩɛ̃sɛ wɩ́ɛ́

9 Bapʋɔ́sɩ́wie, jʋ́jʋɔ́sɛ ɩ pʋɔ́sɛ bɩŋsɛ ná nʋɔ mɛ́,

a satɔrɔ ɩ há keŋ doé,

róŋ ná wuu ɩ há có, mʋ ká sɩ́ heŋwíŋ fá,

wɩ́ɩ́ ná wuu ɩ há có, tʋmʋ́ a nɛ́ ɛ ná há tɔ́rɩ́ sɩɛrʋ.

Taŋá sɩ́ sʋ́llʋ́ rɩ́ tɛ́ŋ rɩ́ kué, Wɩɩsɛ há sɩ́ bɔsɩ́ ɓa wuu wɩ́ɛ́. 10 Sɩ́ ló rɩ́ sazɔkɔ suí baŋcɩ́la,

kɛrɛ́ rɩ́ pʋɔ́lɩ́ sɩ́ tɛŋ zɔkʋ́;

bee wɩ́ɛ́, pʋɔ́sɛ tɛ́ŋ rɩ́ tɩ́tapʋlla wuu ka oŋ balá;

ɓa wuu daarɛ rɛ́.