Nyuutɩna Wɩɩsɛ, kɩɛlɩ́ŋ wɩ́bʋlɛ́
141
1 Davidi yɩl. Nyuutɩna Wɩɩsɛ, ɩ nɩ́ŋ yɩyɩrɛ: fá kɩ́kɛ́lɛ ko láŋ tá.
Rɩ́ŋ nɛ́ yɩ́rɩ́, ɩ ɓílí dɩllɛ a zésíŋ liŋó.
2 Rɩ́ŋ wɩ́sʋlɔ́ nɩ́ɛ́sɛ aŋsaŋsɛ, a zɩ aá yakɩ́ mɛ́,
ká rɩ́ŋ nɛ́ŋsa ɓɔ́ caasɩ́ anɛ gbaanɛ satɔrɩpalɔ́.
3 Nyuutɩna Wɩɩsɛ, pɔ́ŋ nʋɔ mɛ́,
bélíŋ nʋɔ danʋɔ mɛ́;
4 sɩ́ lo rɩ́ŋ sɩɛrʋ ɓíl caasɛ bɔ́ŋbɔ́ŋ,
rɩ́ŋ sɩ́ŋ tɩɩ píí hé wɩ́tɩɛnnɛ ɛ́ɛ́ mɛ́,
rɩ́ɩ́ tɩ́ŋ wɩ́bɔ́ŋ'aara mɛ́,
rɩ́ŋ tɩ́ŋ díwó cana ɓɩdííle.
5 Rɩ́ nɩtaŋá nɛ́ ŋmɔ́wɩ́ŋ, ʋ ká yúwérw ní,
rʋ́ʋ́ gáásɛ wɩ́ɛ́ ŋ rɩ́, nʋʋ ná sɔ́ŋ há wéro ní héŋ nyúú mí:
Ŋ nyúú wʋ́ɔ́ vɛ́.
Amá ŋ baa sɩ́ ɓaasɛ sʋl Wɩɩsɛ
a cɛ́ nɩbɔma sahaksɩ́ mɛ́.
6 Ɓa sɩ́dííre nɛ́ jɛrɛ bʋ́ɩ́ daha,
ɓa nɩɛ fá há cóŋ wɩ́bʋlwéré ná zese, há sɛ́:
7 «Anɛ ɛ́ ɓa háá parɛ tɛŋ isi pɩsɛ,
ɓa pɩsɩ́rá heŋgbele lɛ́lɛ́tɔ́ɔ́ danʋ́ɔ́ mɛ́.»
8 Wɩɩsɛ ná há ká Nyuutɩna, ŋ sɩ́ɛ́ cɔ́ɩ́ mɛ́ nɛ́,
ŋ yuolí mí ní, sɩ́ lo rɩ́ŋ duma dí fiile;
9 kɛ́rɩ́ŋ mɛ́ rɩ naŋballɛ ŋmɛ́ŋ ná ɓa há hé aá dɛ́llɩ́ŋ,
arɩ́ nɩbɔma wɩ́sʋlɔ́ mɛ́.
10 Taŋátoowa wuu sɩ́ zʋ́wɔ́ tɩɩ barawa,
ká rɩ́ŋ é tɩ́ŋ cɔɔ nɔ́ŋɔ daarɛ.