Ŋ có rɩ́ŋ bɩ́ɩ́ mɛ́ arɩ́rɩ́ sɩɛrʋ wuu
138
1 David yɩl.
Ŋ sɩ́ bɩ́ɩ́ mɛ́ arɩ́rɩ́ŋ sɩɛrʋ wuu,
ŋ cɛ́ Wɩɩsɛ sɩ́ɛ́ mɛ́, a dɛnnɩ́.
2 Ŋ sɩ́ ɓírmí, a kánɩ́ŋ sɩ́ɛ́ cú tíé, jaa ná há kɛ́ɩ́ dʋŋɔ tɩ́llɛ́ caasɛ́,
ká bɩ́ɩ́ yɩr mɛ́,
a tɩ́ŋɩ́ nɩcɩtɩkɔ́ ná arɩ́ sawer ná yɩr mɛ́,
beé wɩ́ɛ́, ɩ ɔ́ɔ́ ɩ nʋtallɛ ná
yɩr lɛ́ a kɩ́llɩ́ tɩɩ yɩr.
3 Kal ná ŋ há yɩrɩ́, ɩ saŋ,
ɩ súúríŋ nyamma arɩ́rɩ́ŋ dóé.
4 Nyuutɩna Wɩɩsɛ, rɩ dúníé kuóre wuu bɩ́ɩ́ mɛ́,
beé wɩ́ɛ́, ɓa nɩ́ɩ́ nʋɔ wɩ́bʋlɛ́ wɩ́ɛ́.
5 Rɩ́wɔ́ tɩ́ŋ Nyuutɩna Wɩɩsɛ ŋmɛ́ŋsɛ, a yɩ yɩɩla pɔ́ʋ́:
«Nyuutɩna Wɩɩsɛ píŋ zeno.
6 Nyuutɩna Wɩɩsɛ kɛ́ oŋ wuu,
ʋʋ́ ná nɛ́múrtɩɩnɔ,
ʋ mɩ́ŋ dɩboli káá ná nyʋktɩɩnɔ (ʋ cɛ́ nyʋktɩɩna mɛ́).»
7 Rɩ́ŋ nɩ́ɩ́ va sazɔkɔ́ sɩɛrʋ,
ɩ sɩ́ŋ pá mɩɩsɛ,
ɩ nɛ́sɛ cɩ́nɩ́ŋ dɩŋdɔma mɛ́,
ɩ néduu nɛ́sɛ nɛ́ la ballɩ́ aá páŋ.
8 Nyuutɩna Wɩɩsɛ nɛ́ sɩ́ ɔ́sɩ́ŋ wɩ́ɛ́ wuu páŋ,
Nyuutɩna Wɩɩsɛ, ɩ nɩcɩtɩkɔ́ waá tenni.
Sɩ́ɩ́ nɛ́sɛ oŋmáálɛ vɛ́ɛ́ tá.