Nyuutɩna Wɩɩsɛ wero
135
1 Rɩ Nyuutɩna Wɩɩsɛ yɩr lá píŋ!Ɩ́ píŋsi Nyuutɩna Wɩɩsɛ yɩr.
Ɩ́ píŋsú Nyuutɩna Wɩɩsɛ tʋtʋnna,
2 ɩ́ nɩɛ ná háá zʋ́ Nyuutɩna Wɩɩsɛ jaa,
ɩ́ nɩɛ ná há mɩ́ŋ Wɩɩsɛ wuolli sɩɛnnɛ.
3 Alelyua! Nyuutɩna Wɩɩsɛ wero.
Ɩ́ dɛnnʋ́ yɩr, ʋ mɔhɔ̃́ colle.
4 Beé wɩ́ɛ́, Nyuutɩna Wɩɩsɛ nɛ́ bɛllɛ lɩsɛ Zakɔbɛ,
rɩ Ɩzɩrayɛl ɔ́ʋ́ tɩllɛ́.
5 Oo, ŋ ɛ̃́ ɛ́ mɛ́ rɛ́: Nyuutɩna Wɩɩsɛ zeno;
á Nyuutɩna Wɩɩsɛ kɛ́ wɩ́ŋsa wuu.
6 Nyuutɩna Wɩɩsɛ há jɔ́ʋ́ ná wuu,
bána nyúú arɩ́ tíé nyúú,
mʋnnɛ arɩ́ dɩluŋe wuu sɩɛnnɛ, ʋʋ́ ɔ́ʋ́ nɛ́.
7 Ʋ nɩ́ɩ́ a duobasɛ isi tíé toko mí,
a a duóŋ fɩllɛ káá kó;
ʋ nɩ́ɩ́ a poo lʋ́ʋ́ dɩmɩnɩ́ aá lú.
8 Ʋ nɛ́ ɓʋ́ʋ́sɛ bihɩ́ɛ̃́sɛ Ezipiti mí,
a pɔ́ nɩbííne mí a ká mʋ́ yakɛ pʋsɛ mɛ́.
9 Ezipiti, ʋ tʋŋ wɩ́gɩrɛ arɩ́ wɩ́nyɩ́nɛwa ɩ mɛ́,
a cɛ́ Faarɔŋ arɩ́rʋ́ tʋtʋnna wuu mí.
10 Ʋ nɛ́ bɛ́ŋsɛ duówa ɓɩkaná,
ká ɓʋ́ʋ́sɛ kuóbɩbara:
11 Sɩyɔŋ há ká Amɔɔrɛ nɩɛ kuóro,
Ɔɔgɛ há ká Basaŋ nɩɛ kuóro,
arɩ́ Kana dɩtɩllɛ́ kuóre wuu.
12 Ká píwó tɔ́nɛ ná pɔ́wɔ́, ɓa ɔ́wɔ́ liwe,
ɓa a Ɩzɩrayɛl há kɔ́ʋ́ nɩɛ liwe.
13 Nyuutɩna Wɩɩsɛ, ɩ yɩr tó ɓɩsʋllɛ.
Nyuutɩna Wɩɩsɛ, wóó wuu sɩ́ yɩ́rɩ́ yɩr..
14 Beé wɩ́ɛ́ Nyuutɩna Wɩɩsɛ nɛ́ pi taŋá aá pɔ́ʋ́ nɩɛ,
ʋ sɩ́ fɔ́ʋ́ tʋtʋnna susu.
15 Duówa ná veŋgúlli ká warɛ arɩ́ salmɛ nɛ́,
nɩbííno nɛ́sɛ nɛ́ ɔ́wɔ́.
16 Ɓa kéŋ nʋɔ ká wɩ wɩ́ɛ́ bʋl,
ɓa kéŋ sɩ́ɛ́ ká wɩ ráŋ ná;
17 ɓa kéŋ dɩlla ká wɩ wɩ́ɛ́ nɛ́,
hiẽ́so mʋɔ́ má tówó nʋʋsɛ mɛ́.
18 Ɓa rɩ́wɔ́ ɩ́'áára nɩhɩ̃́ náŋá,
arɩ́ nɩɛ ná má wuu háá yɩɛlɩ́wɔ́.
19 Ɩzɩrayɛl duó nɩɛ, ɩ́ bárkɛ Nyuutɩna Wɩɩsɛ.
Aarɔŋ duó nɩɛ, ɩ́ bárkɛ Nyuutɩna Wɩɩsɛ.
20 Levi duó nɩɛ, ɩ́ bárkɛ Nyuutɩna Wɩɩsɛ.
Ɩ́ nɩɛ ná háá fá Nyuutɩna Wɩɩsɛ, ɩ́ bárkɛ Nyuutɩna Wɩɩsɛ.
21 Rɩ Nyuutɩna Wɩɩsɛ há mɩ́ŋ Sɩɔŋ mɛ́,
aá dí kuorí Zerizalɛmɛ mɛ́ lá bárka bɔlɛ.
Aleluya! = á bɛ́ Wɩɩsɛ. Á discuter avant de corriger ds les autres v.