Sazɔkɔ́ ɓɩzeno sɩɛrʋ
130
1 Yɩl ná ɓa háá yɩ́ɛ́, rɩ ɓa nɛ́ kuó zʋ́ ŋmɛ́nɔ,
aá mʋ́ Wɩɩsɛ dɩmɩnɩ́.
Nyuutɩna Wɩɩsɛ, ɩ nɛ́ yɩyɩrɛ
ŋ sazɔkɔ́ lúŋlúŋ sɩɛrʋ:
2 Nyuutɩna, zesíŋ liŋó;
ló rɩ́ŋ jɛ́nnɛ́ liŋó zʋ́ɩ́ dɩllɛ.
3 Áŋ kaanɛ, Nyuutɩna Wɩɩsɛ, áŋ kaanɛ,
rɩ́ɩ́ nɛ́ lá wɩ́bɔma aá bibilí sɩɛrʋ>>
4 Amá ɩ kéŋ suúri,
a mɔ́ rɩ́wɔ́ fɩ́fɛ́ɩ́.
5 Ŋ́ dɛ́llɛ Nyuutɩna Wɩɩsɛ nɛ́,
ŋ́ dɛ́llʋ́ arɩ́rɩ́ŋ dʋma wuu ní,
ŋ kénú wɩ́bʋlɛ yɩɛla.
6 Ŋŋ́ dɛllɛ Wɩɩsɛ nɛ́,
a kɩllɛ pʋ́pɔ́ɔ́rɔ há dɛllɛ cʋcʋɔ,
a kɩllɛ pʋ́pɔ́ɔ́ra háá dɛllɛ tɔ́ɔ́ pʋ́lɛ́.
7 Ɩzɩrayɛl, yɩɛlɛ Nyuutɩna Wɩɩsɛ,
beé wɩ́ɛ́, Nyuutɩna Wɩɩsɛ kéŋ sawér,
arɩ́ zile arɩ́ laatɛ́.
8 Ʋ nɛ́ yɔ́wɛ́ lá Ɩzɩrayɛl
ʋ wɩ́zɔkɛ́ wuu sɩɛrʋ.