Wɩɩsɛ ná há zénó dúníé wuu sɩɛrʋ wɩ́ɛ́
97
1 Nyuutɩna Wɩɩsɛ nɛ́ ká kuóro.Tíé wuu jʋ́ɔ́sɛ,
rɩ tɔ́kana ná mʋʋ há kílwó má jɩ́jʋ́ɔ́sɛ!
2 Bino arɩ́ dóbasɛ;
taŋá arɩ́ yɛ́rɛ́ nɛ́ kɔ́ʋ́ kuóɓasa naasɛ.
3 Níŋ mɩnʋ́ sɩ́ɛ́ aá va,
aá dúú dɩŋdɔma ná há kílú.
4 Ʋ dofɩllɛ caanɛ dúníé,
tíé ná ɛ́, a vaklɛ;
5 pallɛ mʋʋnɛ anɛ taŋgbaŋa,
Nyuutɩna Wɩɩsɛ sɩ́ɛ́ mɛ́,
tíé wuu Nyuutɩna sɩ́ɛ́ mɛ́.
6 Bána buolú taŋá ná wɩ́ɛ́,
nɩɛ wuu nóú píŋ:
7 Hɩ̃́ɩ̃́sɛ sɩ́ pú veŋɓaara ná wuu,
háá nyʋkwɔ́ tɩɩ ɓa venni har.
Ɩ́ é venni, ɩ́ wuu ɓírmú sɩ́ɛ́,
a kánɩ́wa sɩ́ɛ́ cú tíé.»
8 Sɩɔŋ nʋ́ʋ́ wɩ́ɛ́, a jɩ́jʋ́ɔ́sɛ;
Nyuutɩna Wɩɩsɛ, Ziida tɔ́nɛ mɩ́ŋ satɔrɔ́ mɛ́
a tɩ́ŋɩ́ sarɩ́yawa díí wɩ́ɛ́.
9 Beé wɩ́ɛ́, ɩ é Nyuutɩna Wɩɩsɛ,
ɩ nɛ́ Kɛ́ oŋ wuu tíé wuu nyúú,
ɩ dóé nɛ́ kɛ́ venni wuu kɩ́ŋkáŋ.
10 Ɩ́ nɩɛ ná há có Nyuutɩna Wɩɩsɛ, ɩ́ bɛrɛ bɔ́ŋbɔ́ŋ,
Ʋ nɩ́ɩ́ bel nɩɛ ná há lɔ́ʋ́ dí mí,
ʋ nɛ́ lɔ́wɔ́ aá tá nɩbɔma nɛ́sɛ mɛ́.
11 Nɩtaŋá pʋmmɔ nyʋ́ɔ́,
satɔrɔ́ nɛ́ a pá nɩtékétékéwa.
12 Nɩtaŋáwa, ɩ́ jʋ́ɔ́sɛ Nyuutɩna Wɩɩsɛ yɩr mɛ́,
ɩ́ dɛ́nnʋ́, a bʋ́lʋ́ kɔ́ʋ́ dʋŋɔ.