Dúníé mɩnʋ́ nɛ́sɛ mɛ́
95
1 Ɩ́ ko ráá caasi satɔrɔ́ a bɛ́ Nyuutɩna Wɩɩsɛ mɛ́,á píŋsi bʋ́ɩ́ ná há lárá tá;
2 á mʋ́ʋ́ sɩ́ɛ́ a cʋ́ɔ́lʋ́,
a yɩ yɩɩla dɛ́nnʋ́.
3 Beé wɩ́ɛ́, Nyuutɩna Wɩɩsɛ nɛ́ ká Wɩɩsɛ ná há zeno,
ʋ nɛ́ ká kuózeno ná há kɛ́ wɩŋsa wuu.
4 Tíé dɩluŋe mɩnʋ́ nɛ́sɛ mɛ́ nɛ́;
pallɛ nyúnni ɓóŋɓóŋ kɔ́ʋ́ tɩ́llɛ́ nɛ́.
5 Ʋ nɛ́ a mʋʋ, ʋ kɔ́ʋ́ tɩ́llɛ́ nɛ́,
arɩ́ tíé ná ʋ nɛ́sɛ há ɛ́ɛ́.
6 Ɩ́ kó, ráá mʋ́ tííni, a ɓírmírá neɓiine mí,
a káŋrá sɩ́ɛ́ cú tíé Nyuutɩna Wɩɩsɛ ná há márá sɩ́ɛ́.
7 Beé wɩ́ɛ́, ʋ nɛ́ kárá Wɩɩsɛ;
á nɛ́ ká nɩɛ ná ʋ háá nʋɔlɛ,
pʋsɛ ná ʋ há pɔ́wɔ́ mɛ́.
Ɩ́ é há zílú liŋó zaa.
8 Ɩ́ sɩ́ɩ́wa baŋcɩllɛ duóru anɛ Meriba mɛ́,
anɛ tápʋ́l ná wɩ́ɩ́ ná tʋ́ŋ Masa mɛ́, gɩrbété sɩɛrʋ,
9 dɩhɩ̃́ ná ɩ́ ánáwa há gɩ́nɩ́ŋ, a mɩ́lɩ́ŋ,
ká ɓa fa náŋ wɩ́állɛ má rɛ́.
10 Ʋ bɩŋsɛ mɛɛ́sɛllɛ nɛ́ nyɛ́, woo né há ɛ́ɛ́, ŋ sɩɛrʋ lɩ́wɔ́,
ɛ́ nɛ́ ŋ sɛ́: «Nɩɛ nyáŋ sabɩŋsɛ tɛ́lɔ́;
ɓa wɩ́ŋ ŋmɛ́ŋsɛ ná ɛ̃́.»
11 Ɛ́ nɛ́ ŋ ŋmɩ́ɛ́sɛ ŋ cɔ́wɩɩlɔ́ sɩɛrʋ a bʋlɛ́:
«Abádá, ɓa wɩ́ŋ fɩ́ɛ́la sɩɛrʋ zʋ́ʋ́ ná.»