Fól wuu, Nyuutɩna Wɩɩsɛ nɛ́ ká kuóro, a kaá mʋ́ wuu
93
1 Nyuutɩna Wɩɩsɛ nɛ́ ká kuóro.Ʋ píŋ lɩ́ɔ́ a la dɩhɩ̃́ wuu,
Nyuutɩna Wɩɩsɛ yɩr lɩ́ɔ́,
ʋ dóé lɩ́ɔ́ céŋ dɩhɩ̃́ wuu anɛ vɔ́wɛ́.
Ʋ ká ɛ́ nɛ́, tíé cɩ́nɔ́ rɩ́ dóé, ʋ waá zikli.
2 Ʋ kuóɓasa kéŋ dóé fól wuu;
ɩ mɩnɔ́ fól wuu.
3 Nyuutɩna Wɩɩsɛ, fonni dɔmɔ,
fonni líŋsi dɔmɔ;
fonni dɔmɛ́ lɩ́ɔ́.
4 Nyuutɩna Wɩɩsɛ há mɩ́ŋ bána nyúú píŋ (tʋ́lɛ́)
a kɩ́llɛ́ nyikana liŋó,
a kɩ́llɛ́ mʋnyigʋgʋllɛ.
5 Ɩ wɩ́makɛ́ ɓɩ́ɛ́na ká nyáámɩ́.
Nyuutɩna Wɩɩsɛ, ɩ jaa ɓɩ́ɛ́na mɔhɔ̃́ rʋ́ʋ́ ɛ́ɩ́ dʋŋɔ tɩ́llɛ́,
a kaá mʋ́ wuu.