Wɩɩsɛ nɛ́ ká sarɩ́yadííro
75
1 Azafɛ yɩl, a mɩ́ŋ gɔkɩ'áná gɔkɩ́ sɩɛrʋ. Yɩl ná há sɛ́ «sɩ́ zɔkʋ».
2 Wɩɩsɛ, á píŋsí,
á dɛnnɩ́ yɩr nɛ́, ʋ mɩ́ŋ tɛ́sɩ́ɩ́,
ɩ wɩ́gɩrɛ́ ná nɛ́ ɓaá dɛnnɛ.
3 Rɩ́ŋ tɛ́ŋ makɩ́ ná nɛ́ pere,
ŋ é tɩɩ nɛ́ sɩ́ dí sarɩ́ya arɩ́ taŋá.
4 Tíé arɩ́ nɩɛ ná wuu ha mɩ́nʋ́ daha sɩ́ vaklɛ.
Ŋ rá sɩ́ɛ́ líŋsi cɔ́ŋsɛ́ rɛ́>> (Ŋ́ rá wʋ́ʋ́ kéné cɛ́ rɛ́>>) \qs Dɩfɩɛlɩ́.\qs
5 Ŋ bʋ́l nyʋ́ktɩɩna rɩ́ a bʋ́lɛ́: «Ɩ́ baa sɩ́ nyʋkʋ!»
ká bʋ́l nɩbɔma má rɩ́ a bʋ́lɛ́: «Ɩ́ sɩ́ɩ́wa baŋcɩllɛ mɛ́ ɓasʋ!»
6 Ɩ́ sɩ́ɩ́wa bacɩllɛ mɛ́ ɓasɛ kɩ́ŋkáŋ,
ɩ́ sɩ́ wɩ́ɛ́ nyɛ́ bʋ́lʋ́, rɩɩ súsúíwa nʋɔ.»
7 Nɩbííno píŋ wɩ wɩɩsɛ dɩpomí nɛ́ lɩ́ɛ́, aɩ́,
ʋ wɩ wɩzʋ́ʋ́lɔ́ nɛ́ lɩ́ɛ́, ʋ sɩɛ́ baa wɩ gɩrbétéke má nɛ́ lɩ́ɛ́.
8 Wɩɩsɛ nɛ́ ká sarɩ́yadííro:
ʋ nɩ́ɩ́ ká nɔ́ŋɔ ɓɔ́ŋ, ká ká nɔ́ŋɔ a tuwi.
9 Sɩgbaŋa mɩ́ŋ Nyuutɩna Wɩɩsɛ nɛ́sɛ mɛ́,
sɩ́ŋ ná há wíé, a a duóko ní ʋ ɔ́ŋsɛ aá pá nɩbɔma wuu:
ɓa sɩ́ nyɔ ɛ́ sɩ́ŋ, a ɓɔsɛ.
10 Ŋ é sɩ́ yɩ yɩɩla tɛ́ŋ wuu mí,
a dɛnnɛ Zakɔbɛ Wɩɩsɛ:
11 «Ʋ sɩ́ a rɩ nɩbɔma bacɩllɛ ɓasɛ́ cɔ́ nyɔ́ ráŋ,
ká rɩ nɩtaŋá yɩɛlʋ́ baŋcɩla aá vá.»