54
1 Davidi gɔkɩ́, ʋ há dú cemo a dɛnnɛ, ʋ mɩ́ŋ gɔkɛ́ nɔhɔ̃́ gɔkɩ́ sɩɛrʋ.2 Zifiile kúó bʋl Sayul rɩ́ bʋ́lɛ́: «Davidi feŋsírá sɩɛrʋ.»
3 Wɩɩsɛ, a tɩ́ŋɩ́ yɩr mɛ́, láŋ tá;
la taŋá páŋ a tɩ́ŋɩ́ŋ ballɩ́ mɛ́.
4 Oo, zézíŋ sʋ́lɛ́, Wɩɩsɛ,
ɓɩlɩ́ dɩllɛ, a zésíŋ nʋɔ wɩ́bʋlɛ́.
5 Beé wɩ́ɛ́, nɩhʋɔra ísó cɩ́nɩ́ŋ mɛ́,
ká nɩbɔma á jɩ́já mɩɩsɛ lɩsɛ.
Ɓa wɩ Wɩɩsɛ wɩ́ɛ́ bɩ́ɩ́nɛ. \qs Dɩfɩɛlɩ́.\qs
6 Ná, Wɩɩsɛ nɛ́ káŋ sɩsaŋnɔ,
nɩɛ ná háá pɛ́ŋ mɛ́, Nyuutɩna mɩ́ŋwɔ́ har.
7 Lo rɩ wɩɩla pú nɩɛ ná háá bɛllɩ́ŋ,
tɩksɩ́wɔ́, a tɩ́ŋɩ́ taŋá ná yɩr mɛ́.
8 Ŋ sɩ́ ɔsɛ vʋka arɩ́ sapʋmmɩ́ a pɛ́ɩ́;
Ŋ sɩ́ dɛ́nnɩ́ yɩr, Nyuutɩna
beé wɩ́ɛ́, ʋ wéró:
9 Ʋ láŋ tá wɩ́hala wuu mí,
ŋ wollíŋ dɩŋdɔma fɩfɩllɛ.